**-=__حــدوتــــة مـــصــــريــــــــــة...........

:allah:

وانا ماشي لقيت ع
الارض سيجارة مرمية ..

مش عارف ان كانت قايدة
او حتى مطفية ..


دخانها مالي الفضا
والصبح انقضى
وليله عاش فيا ..

والنجم ضوءه سكن قلب القمر
وشعاعه في عنيا ..

زعزع ثبات قلبي
ودمي بيجري في عروق مصرية ..

فين الخطر ؟
ليه خطوتي خايفة تدوس على الحجر ..
والا القدر ؟
خافي سحاب الغدر مليان مطر ..

الدخان رسم جسم عفريته جنية ..

انا قلت مش معقول
اما انا مسطول

يا السيجارة محشية ..


لو كنت وسط البحر كان عادي
تلاقيها حورية ..

لكني فوق البر
مستني اصلي الفجر
ومقدم النية ..

قالتلي لا متخافش
وجودي هنا عادي ..

بعيش في ليل الهمس
وسيجارتي دي بلادي ..

وبلادك انت كمان
والبلبل الشادي ..



تهت في لحظة صمت
اترجم المضمون ..

انا عمري ما دخنت
ولا يوم هكون مجنون ..

انا حر ولما اكون
في بلادي يوم مسجون ..

واشوف دخان الفساد
بيملى فراغ الكون ..

واصرخ بكلمة حق
وصراخي يبقى سكون ..



لازم ساعتها اقف
واحارب الدخان ..

انا جندي بحمي الارض
وسلاحي نار بركان ..

بقتل بنبض القلب
وادبح بصوت انسان ..

انا نفسي اكتب شعر
يفضل صداه ازمان ..



ويقولوا كان يا ما كان
ويغنوا اغنية ..

ويحكوا بصدق كمان
حدوته مصرية ..

وانا ماشي لقيت ع الارض
سيجارة مرمية ..

مش عارف ان كانت قايدة
او حتى مطفية ..


وقفت عليها ودست
وبعزم ما فيا ..

هتفضلي طول العمر
يا بلادي محمية ..



هتفضلي طول العمر
يا بلادي محمية ..