عاشق بلا حبيبه والغربه منه قريبه

حزينه خطوت تايهه
ولا عارفه لفين راحه
كرهت عتمتي وسارحه
تدور عن طريق راحه
بتقدم وتتاخر
بطيئه ماشيه بتجرجر
بواقي حلم متكسر
بيموتها بالراحه

تلاقي طريق .في اخره النور
تجري عليه ... تلاقي سور
تعديه .. تلقي بحر كبير
نزوله يلزمه باسبور
نفارق اهلناوناسنا
ولو أمواجه هتدوسنا
نغير جلد احساسنا
مانلقي ايدين تدواي كسور

نحس البعد هياخدنا
نبص لروحنا نتحسر
علي العمر اللي ضاع منا
في حلم لا مات ولا اتفسر
وطلعت موجه شدتني
خدتني بعيد ودتني
وخوف جوايا موتني
نهاري ولادته تتعثر

وانا مرمي في وسط البحر
بحارب موجه بايدييا
بدور عن شراع او صخر
وصورة مصر في عنيا
بنادي عليها تنجدني
تقوللي انسي
مادمت خرجت من حضني
عليك هقسي
لقيتني بتوه ف بحر كبير
لا شايف بر ولا مرسي
ومصرين كتير بيعافروا حواليا

ياخوفي يا أمي يوم نغرق
ونتفرق ماتنجيدناش
ولو نوصل في يوم برك
تضيق أرضك ولا تساعيناش
سنين الغربه تسرقنا
يشيب العمر بفراقنا
ونار اشواقنا تحرقنا
ومهما نادينا تحمينا ماتنجيدناش

كتابه:عاشق بلا حبيبه

ربنا يرجعه بالسلامه يارب هو كل اخواتنا المسافرين

يارب

ويحفظهم يارب

تسلم ايدك يا يوسف

وتسلمى يا سوسو

ربنا يرجعك بالسلامه يارب
وربنا يهون عليك الغربه
اختك الكميله
ساندى