عاوزه افضفض

يا رب

انت عارف كل حاجه وعارف اد اي انا محتجالك
كل ما اقرب الدنيا بتشدنى
انت عارف اد ايه جهلى وضعفى
بيخلينى ابعد عنك اعمل حاجات بتزعلك منى
او اعمل الحاجات اللى ترضيك
بس مش دايما بالطريقه اللى ترضيك
نفسى ابقى مش زعلانه من حد
ولا حد زعلان منى
نفسى ابقى راضيه عن نفسى
وكل حاجه فى حياتى تبقى ليك لوحدك يا رب
انا لوحدى ضعيفه وبيك هبقى اقوى
ماتسبنيش لوحدى يا رب
مش عاوزه الشيطان يتحكم فيا
ولا استسهل المعاصى الصغيره
يا رب القدره والقوه كلها بأيدك
لوحدك
لا حول ولا قوه الا بك
:"قل هل ننبئكم بالأخسرين اعمالا , الذين ضل سعيهم في الحياه الدنيا و هم يحسبون أنهم يحسنون صنعا , اولئك الذين كفروا بأيات ربهم و لقائه فحبطت أعمالهم فلا نقيم لهم يوم القيامه وزنا"

مش عاوزه ابقى كده
ولا ابقى مع دول

عاوزه افتكرك على طول مش
فى وقتى ضيقى بس

انا متأكده انه كل الحزن والفرح
والهم والضيق
والفرج والظلم والقسوه
والغدر والخيانه
والحب والنجاح
والنكد والمصايب
والمعاصى والذنوب
ليها حكم بس مش عارفه ايه هى
كل اللى نفسى فيه ابقى مرتاحه
وراضيه عنى
واحس انك راضى عنى
نفسى اغمض وافتح احس الدنيا اتصلحت
ومبقتش خايفه من بكره
ومصيرنا اللى مستنينه
ومش خايفه من بنى ادم يأذينى
لان مصيرى بأيدك سبحانك
نفسى الاقى الطريق الصح
نفسى
ارضيك
يا رب نور طريقى
اللهم انى اشكو اليك ضعف قوتى وقلت حيلتى
وهوانى على الناس
انت رب العالمين
انت رب المستضعفين
وانت ربى الى من تكلنى الى بعيد يتجهمنى
او الا عدوا ملكته امرى
ان لم يك بك على غضب
فــــــــــــــــلا ابالــــــــــى

ممم
مش عارفى اقول ايه
بس لازم اقولك اول حاجة بحبك اوى
ونورتى المنتدى
ويارب تكونى كويسة ومش تغيبى عننا كتييييير

وتانى حاجة بقولك كلامك ده فعلا
كل واحد فينا او اغلب الناس عاوزة تقولوه


تسلمى كنزى

وبجد انتى انسانة جميلة اوى

قريت كلامك اكتر من مره
وكل مره مش كنت بعرف ارد
مش عارفه ليه
او يمكن لاننا زى مقولتى
فينا كتير من بعض
علشان كده حسيت كلامك اوى
واتمنيت كمان اللى اتمنتيه
نفسى اشوفك ديما فرحانه
نظره الحزن لما بتكون فى عنيكى
بتكون صعبه اووووووووووووووووووووى
ولما بتكونى فرحانه ينهااااااااااااااااار
بتكونى حاجه تانيه خالص
يارب ديما اشوفك فرحانه
ويارب ديما ادخل القيكى معانا
اى نعم انا وانتى بنشوف بعض
بس بفرح اوى لما القيكى دخله هنا
لو عاوزه تفرحينى خليكى هنا على طول

ازيك يا كنزي عاملة ايه

بجد بحب اشكرك علي الفضفضة الجميلة دي
واكيد احنا كلنا بنفضفض بالكلمات دي
وبنتمنا رضا ربنا علينا

كلام جميل ومؤثر جدا
وربنا يرضي علينا كلنا





بس فيه خطأ في الاية اللي انت كتباها
هو مش خطأ بس في كلمة ناقصة
ياريت تعدليها

:allah:

:"قل هل ننبئكم بالأخسرين اعمالا , الذين ضل سعيهم في الحياه الدنيا و هم يحسبون أنهم يحسنون صنعا , اولئك الذين كفروا بأيات ربهم و لقائه فحبطت أعمالهم فلا نقيم لهم يوم القيامه وزنا"







اللهم اغفر لنا جميعا يارب العالمين

مشكورة يا كنزي علي موضوعك

تقبلي مروري

بجد قبل ما اكتب رد فضلت اعد حوالى نص ساعة زى اللى حد مات عنده بعد الشر يعنى

وزعلت من نفسى جدا بس رجعت تانى عشان احط الرد ده ، ده مش ليكم لوحدكم ده ليا انا كمان لانى مقصر فى حق ربنا جدا وكلنا عارفين ان صلة العبد بربه هية الصلاة والصلاة عماد الدين من اقامها اقام الدين ومن تركها ترك الدين يبقى اكيد لازم نحافظ على الصلوات الخمس فى مواقيتها عشان صلتنا بربنا تكون متقبلة .. معلش انا هطول عليكم بس متضر لعلى افيد زى ما استفدت وزى ما كلام كنزى اثر فيا اكيد اثر فيكم وانا بشكرها على الفضفضة ديه لانها بتحرك حجات جوانا بتفكرنا بتقصيرنا فى حق الله .
الكلام ده هنقله ليكم من كتاب للشيخ السديس انا لقيته على النت اسمه 15 عقوبة لتارك الصلاة.
روي عن علي رضي الله عنه، بينما كان الرسول صلى الله عليه وسلم جالسا بين الأنصار والمهاجرين، إذ أتى إليه جماعة من اليهود، فقالوا له: يا محمد إنا نسألك عن كلمات أعطاهن الله تعالى لموسى بن عمران لا يعطيها إلا لنبي مرسل أو لملك مقرب، فقال النبي صلى الله عليه وسلم: سلُوا، فقالوا: يا محمد أخبرنا عن هذه الصلوات الخمس التي افترضها الله على أمتك، فقال النبي عليه أفضل الصلاة والسلام: صلاة الفجر)، فإن الشمس إذا طلعت فإنها تطلع بين قرني الشيطان، ويسجد لها كل كافر من دون الله، قالوا: صدقت يا محمد، فما من مؤمن يصلي صلاة الفجر (40) يوما في جماعة إلا أعطاه الله براءتين: براءة من النار، وبراءة النفاق، قالوا صدقت يا محمد.
أما (صلاة الظهر) فإنها الساعة التي تسعر فيها جهنم، فما من مؤمن يصلي هذه الصلاة، إلا حرم الله تعالى عليه لفحات جهنم يوم القيامة.
وأما (صلاة العصر)، فإنها الساعة التي أكل فيها آدم عليه السلام من الشجرة، فما مؤمن يصلي هذا الصلاة إلا خرج عن ذنوبه كيوم ولدته أمه ثم تلا قوله تعالى: "حافظوا على الصلوات والصلاة الوسطى".
وأما (صلاة المغرب)، فإنها الساعة التي تاب فيها الله تعالى على آدم عليه السلام، فما من مؤمن يصلي هذه الصلاة محتسبا ثم يسأل الله تعالى شيئا إلا أعطاه إياه.
وأما (صلاة العتمة) صلاة العشاء، فإن للقبر ظلمة، ويوم القيامة ظلمة، فما من مؤمن مشى في ظلمة الليل إلى صلاة العتمة، إلا حرم الله عليه وقود النار، ويعطى نورا يجوز به على الصراط، فإنها الصلاة التي صلاها المرسلون قبلي.
فقالوا: صدقت يامحمد.
ومما ذكر يتضح أهمية الصلوات الخمس المفروضة، والمحافظة عليها وأدائها في أوقاتها ومع جماعة المسلمين.
انا منقلتش ليكم غير الفوائد بس لأن العواقب ربنا يحفظنا ممممم
انا اسف جدا على الاطالة فى الرد بس غصب عنى تقبلو اعتزارى ويارب يهدينى ويهديكم ويهدى كل الناس يارب.

منمن:
نورتى الموضوع وبنا
يعلم انا كمان بحبك اد ايه
وربنا يخليكى يا قمر
عارفه انه مشكلتنا معظمنا
اننا كل مابنقرب ينتشد تانى
بس اهو يمكن نلاقى حل


ساندى
بجد والله وحشتنى جدا
الامتحانات اخدتنا شويتين
بس ان شاء الله خلاص
هنتجمع تانى
والله ما فاكره اخر مره فرحت من
قلبى امتى اهو ينضحك ونهزر
بس بردو لسه شايلين هم بكره
وخايفيين مع انى والله العظيم
راميه توكلى على الله
وبردو بحاول اعمل اللى عليا
وان شاء الله يا ساندى هحاول ابقى
موجوده كتير
وعلى فكره نفسى اشوفك

نور
الحمد لله ماشى الحال
انتى اخبارك ايه
صح والله لو حسينا ان ربنا راضى عننا
واننا راضين عن نفسنا
خلاص هنحتاج ايه تانى



هيما
الحمد لله انا كويسه
انت ايه اخبارك
شكرا ليك انا خلاص عدلت الايه
وميرسى انك نبهتنى
ربنا يكرمك ويجعله فى ميزان حسناتك

سبايكى
فرحت لما لاقيت ردك
ويارب اكون كده فعلا زى ما بتقول
ولكون عند حسن ظنك

محمد

والله استفدت كنيييييييييييييير
من ردك وياريت كلنا نبقى فى نيتنا كده
اننا نساعد نفسنا ونساعد بعض
يا رب يجعله فى ميزان حسناتك
وعلى فكره مش حسيت خالص ان ردك طويل