وشوشه (فضفض لنا)

عندنا مشكله كدا حاولوا تحلوها

بسم اللـــــــــــ الرحمن ــــــــه الرحيم

أنا خطبت بنت خالي لمجرد إعجاب عادي جدا وللأسف تم الموافقة عليّ بسرعة شديدة وظللت خاطبها 4 سنين واستحيي أن أصارحها بحقيقة مشاعري. وفي موعد الزواج تمت الزيجة وأنا الآن متزوجها من 6 شهور ولم أجد أي مشاعر حتى الآن تجاهها.

لا تسيئوا الظن بي ولكن أريدكم فقط أن تقولوا لي قولا يعقّلني فهي تحبني جدا، أما مشاعري تجاهها فهي فقط مشاعر شفقة.

عاوزين الحل

حب اللى يحبك

وبعدين خلاص انت الواقتى زوجه

مش ينفع بقه الكلام ده كده انت بتظلمها معاك

يااااااااااااه اربع سنين
اربع سنين وبتتكسف تصارحها
وهى ذنبها ايه؟؟؟
انا مش هتكلم كان المفروض يحصل ايه؟؟؟
لانك دلوقت متزوج منها فعلا
انا رايى انك تحاول تقربها منك وتعطيها فرصة معاك
وخلى عندك امل انك فى يوم تحبها لانها اكيد بتحبك

بجد لازم تحبها
انك تلاقى حد يحبك كده
دا شىء مش يتعوض
وبعدين خلاص دى بقت زوجتك
حاول تشوفها بعين تانى
عين غير العين اللى بتقول مش بتحبها
واكيد هى ليها مميزات تخليك تحبها
حاول تلاقى فيها المميزات
بس بعين حد عايز يحب حدبجد
بجد دور وهتلاقى اكتر من سبب
يخليك تحبها
اولهم انها بتحبك قوى

ياااااااااااااااااااااااااااااااااااااااااااه
حرام عليك اوي يعني
اربع سنين ومكنتش قادر تصارحها
وخلاص انتوا دلوقتي متزوجين
يعني استهدي بالله كدا
وفكر ازاي تكون عيله ناجحه

ياااااااااااااااااااااااااااااااااااااااااااه
حرام عليك اوي يعني
اربع سنين ومكنتش قادر تصارحها
وخلاص انتوا دلوقتي متزوجين
يعني استهدي بالله كدا
وفكر ازاي تكون عيله ناجحه

مشاعرك تجاها مشاعر شفقة بجد مش عارف اقولك ايه
انت دلوقت زوج لبنت خالك وياعالم قريب هتكون اب لاولادها
وكنت مستحى اربع سنين انك تصارحها بحقيقة مشاعرك ياعم خليك مستحى اربع سنين كمان ولما يخلصو استحى تانى هوة العمر فيه كام اربع سنين
واوعى تفكر انك تطلق هطلق ليه هل هية مبتحبكش & مقصرة معاك فى حقوقك الزوجية مفتكرش.
اتقى الله فى زوجتك وفى نفسك مش زمبها انها قبلتك زوج ليها وحبتك ويكون جزائها منك فى الاخر انك تبدلها مشاعرها بشفقة منك. سامحنى على طريقة الرد لو كانت شوية مش ظريفة
وربنا يهديك ويهدى كل شباب المسلمين
وربنا يرزقك بالزرية الصالحة وتفرحنا كدة ببمبينو صغير يقولك يا بابا متهيئلى سعتها هينسيك الدنيا بالى فيها

شكرا يا اصحابى ع الردود
دى
ثانكث

مش فاهم بس ما علينا

الفهم في الزمن ده بقة مستحيل اصلا

اظن رد الشباب فيه البركة

السلام عليكم ورحمة الله وبركاته، أنا مش عارفة أحكي مشكلتي منين بالظبط، بس كل اللي أعرفه إن أنا وخطيبي مش متفقين مع بعض. أول حاجة أنا وافقت على خطيبي وأنا مترددة، ولكن وافقت لأن أخلاقه كويسة وده أنا لاحظته، وكان عندي إحساس إنه هيعاملني كويس بعد الزواج. لكن في بداية الخطوبة حسيت إن ده مش الإنسان اللي مناسب لي. دايما كان يفهمني غلط يعني الهزار ممكن يفهمه بجد، والعكس، وبعد أن ابتدينا نفهم بعض شوية بشوية ونتعود على بعض بس برضه مش لدرجة الحب ساعات كنت أحس إنه قريب مني، وممكن إني أحبه، لكن ده قليل ما بيحصل. ولما تحصل مشكلة بينا أرجع من نقطة البداية وأحس إني مش بحبه، ومش عارفة أحبه. وكذا مرة يتكرر الموضوع ده بس علشان أكون صريحة هو دايما كان بيصالحني ومش كان بيخليني أنام وأنا زعلانة. لكن ده كان في الأول، ومرة على مرة بقى الموضوع مش فارق.

بس فيه حاجة وهي دي يمكن تكون المشكلة مش عارفة أعمل فيها إيه؛ أنا ممكن أكون بتكلم معاه في التليفون مثلا وأقول كلمة مثلا ممكن تكون بتضايقه ممكن أكون أقصدها وممكن لأ، وهو مش بيعلق خالص واحنا بنتكلم. وبعد كده هو يقعد مع نفسه ويقرر إن أنا مش كان المفروض أقول حاجة زي دي، ويقرر إنه يضايقني. وفعلا أكون بكلمه ومش فيه أي حاجة في نيتي وألاقيه هو بيكلمني بطريقة رخمة ويعصبني، وهو عارف إني عصبية شوية ومش بيرتاح غير لما يتأكد إنه ضايقني، وبعد كده ألاقيه عايز يصالحني.. طب كان ليه من الأول؟ وليه مش يقول إنه اتضايق في ساعتها؟ وليه يقرر إنه يضايقني ولما يتأكد من كده يصالحني؟؟ هل ده شيء عدواني منه أو دليل إنه ممكن يكون قاسي عليه؟

المشكلة إن أنا لما بفكر في كده بخاف أكمل معاه لأن أنا اللي كان مخليني أكمل معاه هو إن فيه إحساس من جوايا بيقول لي إنه هيعاملني كويس، وهو ده اللي خلاني أوافق عليه. لكن إيه السبب في اللي بيعمله ده، وخوفي ده أعمل فيه إيه، وأنا كنت مترددة من الأول أصلا مش عارفة أعمل إيه معاه بالظبط؛ أبعد ولا إيه؟.. شكرا على تعاونكم معانا