مسأله وقت؟

بســـــــــ الله ــــــــم الرحمن الرحيم





أنا طالبة بكلية الفنون الجميلة في سنة أولى ومن مرحلة الثانوية العامة وأنا كنت باحلم بهذه الكلية لأن كان عندى موهبة الرسم -الحمد لله، ودخلت هذه الكلية. ولكني عندما دخلت الكلية وجدت نفسي مش باجيب درجات حلوة مع إني والله حاسَّة إني باتعب في الكلية بالاقي الناس بتعمل بسرعة وبيعملوا حاجات حلوة وأنا باحس إني دايما أقل واحدة في أصحابي.. قلت معلش يمكن علشان أنا في إعدادي، لكن وجدت نفسي في سنة أولى حاسة إني ضعيفة في الكلية.

بجد أنا باتعب وبحب شغل الكلية بس مش بيطلع مني الشغل حلو خالص.. أنا بقيت حاسة إن قدراتي العقلية أقل من الكلية دي، نفسي أبقى كويسة فيها، نفسي أجيب تقدير حلو، تعبت أوي وباتضايق أوي لما ألاقي نفسي تعبت ومش باجيب حاجة.. أعمل إيه؟ أحول من الكلية ولاّ أعمل إيه؟ أحتاج فعلا إلى رأيكم.

ردوا ع البنت الغلبانه دى