يا بنت بلدى لشاعرة العامية ايمان بكرى

[

يابنت بلدى عيب لما اللجـــــام
هيسيب يسترخصوكى الناس
فــى بـنـطـلــــون مـزنـــــــوق
وبـــــــلوزة شـــــــــــــبر لفوق
ولا حــــــــتى فــــى جـــمــبـاز
عــــــاريتى تحـــــت وفـــــــوق
ولا عـــــــادش عنــــــــدك زوق
ولا حتـــــــــى فـــــى احساس
لحـــم الخــــــروف مدبـــــــــوح
نجيـبة بعـــــــــــد الــــــــــــروح
ما تحصـــــــــــــــــــــل الانفاس
ولــــــــــــــــــــــــــحمتك بالكوم
دكـــــــــــــــــــــــان وطول اليوم
مفتوح لارخص نـــــــــــــــــــاس
يخرب زمــــــــــــــــــــــــانا زمان
كأن عمر ماكــــــــــــــــــــــان لنا
اصــــــــــــــــــــــــــل ولا اساس

اسمها بنطلون مزنوق

بائع الاحلام كتب:: اسمها بنطلون مزنوق

امال ايه ؟؟؟؟

لا انا قصدي القصيدة ماسمهاش يا بنت بلدي

اسمها بنطلون مزنوق

لا ياعم خليها يا بنت بلدى احسن

وهقولك قصيدة :

مفيش حاجة
مانيش عايزة خلاص حاجة

ولا محتاجة انا لحاجة

ولو عايزة صحيح حاجة

عموماً بصوا فيه حاجة

هقولها بس محتاجة

لعقول تفهم ولو حاجة

مهيش مفهومة او حاجة

نفسرها بكام حاجة

نوضحها بكام حاجة

وأهى حاجة مع حاجة

هتظهر وتبان لنا حاجة

وانا ما بخفش من حاجة

مانيش مسنودة ولا حاجة

لكن ما بخفش من حاجة

لكن فرضاً لو هقول حاجة

هيحصل إيه ؟؟؟ ولا حاجة

هيعملوا إية ؟؟ ولا حاجة

و بعد الشر بعد الشر

لو واحد من القاعدين

من السامعين من الضالين

فِهِم حاجة هَيعملوا إيه ؟؟؟؟

اكيد برضُه ولا حاجة

فنتوكل على الستار لوجه الله نقول حاجة

فيه ناس بتعيش علشان حاجة

وناس بتموت علشان حاجة

وناس بتموت على الحاجة

وناس تديلك الحاجة

وتبقى ليها محتاجة

وناس تديلك الحاجة

تاخد ادامها ميت حاجة

وناس تكبر تكون حاجة

و ناس تصغر علشان حاجة

وناس منظر ومش حاجة

وتلقاه كبير حرس ونفير عليه منظر

وهو جبان وشيخ منصر

ولا يبـنش عليه حاجة

كلامى يا خلق فيه حاجة؟

لحد دلوقتى فيه حاجه؟

كلام عادى وبسيط جداً ولا فِهشِ ولا حاجة

ما انا ما أقدرش أقول حاجة

صحيح نفسى أقول حاجة وميت حاجة

لكن مش قادرة اقول حاجة

لأنى لو هقول حاجة

هييجى ناس بتوع حاجة

وياخدونى ورا الحاجة

وهو لو سمع حاجة

هيعملوهالى ميت حاجة

عموما بصو لو واحد من القاعدين

عاوزنى أبلغه بحاجة

يقول مايخفش من حاجة

نعم فيه إيه؟

لالالالالأ مافيش سرقه
ولا تهليب ولا تهريب ولا حاجة

وبتقول إيه...مصمصوا إيه....
وخصخصوا إيه....
ده كله كلام مفيش حاجه ...
قضية إيه ... ياشيخ روح خلاص مافيش حاجه

حرامى إيه ... ولَكّح إيه ...
وهرّب إيه؟ شــفـافـيـه مافيش حاجة

وبتقول إيه

مصمصوا إيه؟ وخصخصوا إيه؟

ده كله كلام مفيش حاجه

قضية إيه؟

ياشيخ روح خلاص مافيش حاجه

حرامى إيه ؟ ولَكّح إيه؟وهرب إيه؟

شــفـافـيـه ومافيش حاجة

وبتقول إيه؟لالالآلأ عـــيب

لافيه تدليسولاترقيص

ولا تدبيس ولا حاجه

سمع مع هوووووووس

انا حاسسة انه فيه حاجة

دقيقة سكات لَتبقى حداد

انا حاسسه انه فيه حاجة

زمنكوا ياخلق فيه حاجة

ولازموا كام وميت حاجة

ده لو يعنى إذا كان فيه حاجة

انا عن نفسى مش حاسسة ولا بحاجة

ولا متضايقة ولا حاجة

سعادتك برضه مش زيـى مافيش حاجة ؟

أهـه بيقول مافيش حاجة

جنابك برضه مش زَيـىِ وعلشان زيي مافيش حاجة

أهـه بيضحك بيقول مافيش حاجة

ما أنا قولتلكو من الأول مافيش حاجة

عليا النعمه يا اخوانا مافيه حاجة

ورحمة ابويا ويا أبوك على إللّى جابوك ما فيه حاجه

وعهد الله . وعهد الله. وعهد الله

ما خللولنا ولا حاجه

بقولك ايه خلاص خلص و فركش

يلا يا اخونا مفيش حاجه

» لماذا يا بلدى وأنتى بلدى ؟
» مصر دى بلدى