أروع ما قرات يوما

رميت دماغى ع المخدة
ورغم التعب ماعرفتش أنام..
فتحت الجورنال أتسلى اتخبط
ف جدول الدورى العام..
لقيته شبهنا.. وبنفس الترتيب
ونفس الأرقام..
فريق ع القمة متربع
وبيبرطع لوحده قدام..
وهيصة وزيطة
وهتيفة وإعلام..
يشترى ويبيع
لا حد يسأله منين
ولا إزاى ولا بكام..
وف إيده كل مفاتيح
السعادة والأحلام
والقضايا و المحاكم
و دفاترالشهر العقارى
والمواليد والوفيات
وجداول الانتخابات
وأرقام جلوس التلامذة
وهو البطل الوحيد
فى جميع الأفلام..
وفريق فى المنطقة الدافية..
يادوب يعدى بالعافية..
ولو نجح فى العربى
يسقط تاريخ وجغرافيا..
عنده شقة تمليك
فى مدينة نصر
كرانيش ف السقف
وأرضيات رخام..
مسموح له فى الخميس الأول
من كل شهر
يمارس الحب والغرام..
ويصحى يصلى الجمعة
ويتغدا ملوخية
ويغنى ف الحمام..
وباقى الفرق
تقريبا بتلعب حافية..
لا حارس مرمى
ولا دفاع ولا هجوم
وتنام وتقوم خايفة..
وساكنة ف حتة
فى مدينة السلام..
و مفيش طبعا ف السقف
كرانيش
ده يا دوب نص جير
ونص كسر قشانى
من سوق الإمام..
وساعات تعيش
فى خيمة إيواء..
وتعمل م النكتة لقمة
وغطا وفرشة..
وعندها بنت دبلوم تجارة
وعيل صغير
صبى ميكانيكى ف ورشة..
وبتكافح من أجل البقاء..
تسمع الأغانى من بعيد
وتتفرج ع الدنيا
فى مراية الحلاق
ومطلوب منها
فى نهاية كل موسم
تشكر الأمن
وتهتف للبطل
وتسقف للحكام..

علي سلامة

كلمات كبيرة ولا عدة معانى
سلمت يمينك
:momooo:

طول عمرك مالكش حلو ياابيمووووووووو

ربنا يوفقك بجد
وتوصل كلمتك للناس اللى مش بتحس بحاجه وحاطه اعصابها فى تلاجه

تسلم ايد اللي نقل
وايد اللي كتب

» أروع جدال بين : الذكر و الأنثى
» أروع كلمة
» أروع ماقيل في الأمثال
» يوما ما
» أجمل°•° أروع°•° أحن°•° أطول°•° أصعب