الف شكر ليك يا حلم

احترت في ناس بتقسى على ناس من دمهم
وحتى السؤال عنهم بقى مش بييجي فى فكرهم
همي الفرحة ليهم واني اضمهم
والمنفعة والفايدة مني اول وآخرهمهم
,,,,,,,,,,,,,,,,,,,,,,,,,,,,,,,,,
الغربة بتاكل عمري اكل
والعقل من التفكير مل
ابص لنفسي واتعجب ما الاقي حل
,,,,,,,,,,,,,,,,,,,,,,,,,,,,,,,,
في ناس تتلهى فى نفسها وانها تكون مبسوطة
وناس بتقتل نفسها لاجل غيرها وبردو مبسوطة
وناس غيرها بيموت عشانها وهيا لموته مبسوطة
,,,,,,,,,,,,,,,,,,,,,,,,,,,,,,
اصلها اية اني اكون طاحونة
او اني اكون عفريت فانوس جوا اسطورة
ويا ترى الصرخة جوايا من مين مسموعة
,,,,,,,,,,,,,,,,,,,,,,,,,,,,,
الغربة بتتكتب حروفها بالالم وبسنين عمري
وسطورها وحدة وورقها كان همي
رسمت جواها على السما حلمي والريشة من دمي
,,,,,,,,,,,,,,,,,,,,,,,,,,
بس الحلم ليه لما بيكمل بيتقلب غول ونفسه يقتلني؟
لا انا عارف افوق منه ولا لاقي حد ينقذني
,,,,,,,,,,,,,,,,,,,,,,,,,,,
بستنى كلمة من ناسي من جوا بحور الاسي تنشلني
بس ازاي وانا اصلا عفريت فانوس وقت الطلب لازم البي
اخد بس امر وواجب عليا انفذ ولو كان التمن عمري
,,,,,,,,,,,,,,,,,,,,,,,,,,
تعرف ليه مهزوم انا ومغلوب على امري ؟
لو شوفت الفانوس اد ايه ضيق اكيد هتعذرني
,,,,,,,,,,,,,,,,,,,,,,,,
بس تعرف ؟ اوقات بحب ضيقه اوي عن ان غيري يملكني
ايه يعني وحدة وخنقة ؟انا يعني قبلها كانت القصور ملكي ؟
ما انا طول عمري كدا واني حلمت بغير كدا يبقى غلطة مني
,,,,,,,,,,,,,,,,,,,,,,
ارجعي يا سنين دا اللي فات منك بجماله اسرني
واللي جاي شكله غامق اوي وبسواد متحني
يا ايامي فوتي بقى بخير او بغير ,,,المهم انك تعدي
,,,,,,,,,,,,,,,,,,,,,,,
ووعد مني توبه حلمي يترسم عالسما او حتى بريشة من دمي
حلمي الجاي هرسمه فى كشكول قديم مهري
لو فكر انه ياذيني هيكون خلاص مرمي
,,,,,,,,,,,,,,,,,,,,,
وعلى ايه رسم حلم وخوف منه ؟ اعقلي يا دماغي بقى واتلمي
بص للحقيقة واعترفي
ان الناس للمصلحة بتجري والكل على الكل بيغني

ممممممممممممممم
لاتعليق
مفيش كلام ينفع ارد بيه
ياميمو
تقبل مرورى

ادى الدنيا وادى الزمن وادى القدر والمكتوب على الجبين

الناس مبقتش ناس ولا عادش فى احساس ولا عادش فى رجوع وحنين

عايشين ومش عايشين ونسينا ليه مخلوقين ليك رب اسمه كريم وهتشكى قوولى لمين

باب السما مفتوح وقت ما يجي النوح اشكيله فضفضله واوعى لغيره تروح

يارب احنا عبيدك كل امالنا فى ايدك ارزق فقير غلبان بيشكى مالحرمان

واهدينا للقرأن يا واهب الغفران

شرفتي الخاطرة يا شمس مشكورة على المرور الكريم
محمد مشكور على الزوق فى الرد وربنا يهدينا جميعا

يخرب بيت فقرك والله بجد وحشتنى

اولا كل سنه وانت طيب
تانيا بجد زعلانه منك جدا
معتقدش يعنى ان انت زعلان منى لغايه دلواقتى
ولا فينك ولا اخبارك ولا سئلت
وببعتلك السلام ديما مع فرواله
وانت ولا اى سؤال
بجد مش حبه تكون زعلان
اخويا وجوز اختى
بجد مش ينفع تكون زعلان
ومش ينفع برضه ان انت مش تسئل على اختك الصغيره
او حتى تبعت السلام
يلا اتعودت
كل سنه وانت طيب
رمضان كريم

________________________
بالنسبه بقه
للكلام المؤلم اللى انت كاتبه ده
بجد مؤلم اوى
انت اللى بتتكلم وانت اللى بتكتب وانت اللى بتتالم
انا حسيت بكده
شوفتك فى الكلام المكتوب
علشان كده قولت مؤلم اوى
ومؤلم لما تحس ان اخوك تعبان اوى كده
ومش قادر تعمل حاجه
غير ان انت تقول يارب
ابعد عنه الحزن والهم والالم
وقرب منه الفرح والسعاده

بسم الله الرحمن الرحيم
اولا كل سنة وانتي بالصحة والسلامة يا رب يا ساندي يا اختي الصغيرة
وثانيا انا عمري ما ازعل من اهل بيتي اللي كان زعلي منهم عشان كان ممكن بالتصرف دا يحرموني منهم
ثالثا انتي مش اهل بيتي وبس دا انتي اخت مراتي يعني عمري ابداما ازعل منك
رابعا بسأل على طول عليكي واسألي فراولة وبطمن عليكي
خامسا انا غيابي لظروف غصب عني وفراولة تقولك
سادسا انا اقدر مسألش ؟؟؟؟؟؟؟؟؟؟؟؟؟؟انا ليا غير بيتي ؟
سابعا رمضان كريم كمان مرة وكل سنة وانتي طيبة يا ساندي
بالنسة لكلامي اللي مكتوب دا ظروف وبحس بيها والحمد لله انها بتعدي من غير اي اثار سلبيه
واطمني اخوكي جامد زي ما قولتي قبل كداومهما حصل مش هيتكسر
وبالنسبالي كفاية اوي الاحساس اللي بحسه من اخواتي دا وطبعا
فى الاخر بقولكوا ادعولنا بقى احنا بنصوم فى درجة حرارة 40 ولمدة 15 ساعة
مش زي مصر دا انا حاسس اني بعد كدا لما انزل اصوم فى مصر هبقى كأني بصوم من الفجر للضهر زي بتوع ابتدائي وساعة الفطار هستخبى وانا باكل
هههههههههههههه
شرفتي الموضوع يا ساندي

اقول ايه بس مش هقول غير ربنا يرجعك بالسلامه واشوفك على خير
واشوفك انت واجمل فراوله فى الكوشه
ربنا يسعدكم يارب
وربنا ميجيب زعل بنا
وهضرب فراوله لان السلام مش كان بيوصل
انا اللى كل مكالمه اسئلها عليك
هضربها ومش تحوشها
ترجع بالسلالالالالالالالالالالالالالالالالامه