إسمعى حروف حنينى

عينى دابت من الفراق

نفسها فى يوم لقا

قلبى عطشان اشتياق

بيناديك .. إرجع بقى

روحى بعدك قايدة نار

ضايعة منى فى غربتى

محبوسة بين مليون جدار

ولا قادرة تهزم وحدتى

صعب بعدك الاختيار

صعبة بعدك دنيتى

كل ليلة بعيشها صاحى

ونار جراحى علمتنى

اطير وانا مكسور جناحى

اطير وانا محتاج اليكى

اسير بحارب وفى ايديا

درع حبك وشوق عنيكى

نفسى انسى الدنيا ديا

واترمى أنا بين ايديكى

صورة واحده اللى فى عنيا

عودت روحى تناديكى

علمتنى اعيش غريب

وكمان قسيت على فرحتى

ونسيت فى وسط الدوامات

مركب شراعه بسمتى

مركب بحوره من دموعى

والرياح هى فراقنا

وفى نهاية السكة مينا

ونفسى توصله رحلتى

وفى رصيفه شوفتك انتى

واقفة تستنى رجوعى

نسيت وسبت مراكبى ضايعة

وحلمى انتى وقصتى

مدى ايدك ارسميلى

فوق جزيرتك نور فنار

حتى لو غرقت مراكبى

حتى لو طال الانتظار

حتى لو شطك بعيد

حتى لو راح النهار

هسيب عشانك جواب حروفه

هتتكتب من حبر دمى

هتتكتب قبل الدمار

قبل مايموت الاختيار

هتتكتب وكل همى

تسمعى حروف حنينى

الجواب من كلمة واحدة

ومش لواحدة غيرك انتى

(( هتوحشينى ))

من كلماتى
تحياتى

ممكن يتقال ايه على الكلام الجميل

انما بجد

كلام غاية فى الرومانسية

كلام جميل واحساس اجمل

كلام غاية فى الروعة
تسلم ايدك ياتمام

كلمات رقيقة وروعة
مرسي على الموضوع الرائع

يسلموا يا احمد

موضوعك رومانسى اوى

ميرسى ليكوا كلكوا

ورمضان كريييم

شرفتونى ورفعتوا روحى المعنوية

تحياتى

واواوا حلو بس لية التشائم ذا

مفيش تشاؤم خالص

يمكن لما الواحد بيبعد عنه حبيبه

بيحس انه ضاع

يمكن ده تشاؤم

بس أنا شايفه أمل أو تحايل

يمكن هى تحس بيا وترجع

شرفنى مرورك

تحياتى

بجد كلام تحفة تحفة اوووووى
تسلم ايدك
تقبل مرورى

» حنينى .......!!!!!!
» حروف فوق المعانى ................
» غيمة حروف..................
» حروف الحب
» حروف اعجبتني