الى ملكة الحزن

بصى يا ملكة . انا كنت عاوزة ابعتهالك خاصة بس معرفتش اعزورينى

تقريبا كدة انتى مش مستظرفانى وانا محبش اتكلم مع حد مخنوق منى وانا بصراحة زعلانة منك ومن هجومك عليا . يمكن ده ميهمكيش بس يهمنى انا

انا حبيت بس اقولك علشان متزعليش منى انا مش هرد على اى كلام منك علشان ميبقاش فيه بينا شد فى الكلام

وصدقينى انا لو حسيت ان فعلا المنتدى بيكرهنى اقسم لك انى مش هدخلة ولو المنتدى مفيهوش غيرك صدقينى كنت مش هدخله .

اسفة لو كلامى ضايقك . بس مبحبش اكتم صوت جوايا

اسفة تانى وسلام

دانا اقتلك وااخط بودى لو فكرتى تسبينا انتى عارفه ان كلنا بنحبك وبنحب رخمتك وغلستك انا مش عارفه ايه اللى حصل بنكم بس ياريت يا ملكه تعرفى ان تيستى انسانه جميله اوى واختنا ومعانا من زمان وكلنا بنحبها وتيسيتى بطلى هبل محدش بيسيب بتيه ويمشى وشوفى احنا مع بعض من امتى محدش يقدر يدمر العائله بتاعنا انتى سامعه يا بت انتى اقصد يا خاله انتى معلش يا خالتى العتب على الكيب ورد فكوا بقه الاشكال ده سامعين

فى ايه ياجماعه انا اول مره اخد بالى من الكلام ده وعايزه اعرف انا عملت ايه ده كله علشان كنت اما بلعب فى لعبه سجن الاعضاء سجنتك مره ولا مرتين عادى دى لعبه وانا بجد لو انتى اللى مخنوقه من وجودى انا اللى هااخرج من المنتدى ده خالص وبعدين انتى زى اختى وبجد مش كان قصدى حاجه وعمرى مااذيتك فى حاجه ولااتكلمت معاكى فى حاجه وبعدين انا اسفه اذا صدر منى اى اساءه ليكى بس انا متأكده انى مش زعلتك خالص

لالالا تيستى هو انتى زعلانه من ملكه علشان كده امال هى وبيمو وديمو وكتير من المنتدى يعملوا ايه داحنا بهدلناهم لالالا يا تيستى مش ينفع يكو ن عقلك صغير لو ده السبب وانتى عارفه ان ملكه بتهزر وانها على طول بتهزر ياريت محدش يزعل من التانى تيستى لو ده السبب يبقى مش ينفع يكون فى زعل سمعه ولا اضرب ولو فى سبب تانى انتى شايفه قولى اوككككككك فكوا بقه بدل مضرب خلاص يا ملكه مفيش حاجه حصل خير

ليه بس الموضوع مش مستاهل احنا اخوات وعيب كده والله

اية بس ياجامعة احنا فى الاول والاخر اخوات

19/7/2007

والله احنا كنا تحف

tepesty كتب:

19/7/2007

والله احنا كنا تحف

ههههههههههههههههههههههههههههههههههههههههههههههه


كلنا عسل والله