كنا فيييييييين!! وبقينا فين؟؟؟

الماضى والحاضر .. كنا فين وبقينا فين

ياريت كلنا بعد ما نتصفح الموضوع نقول بكل صراحة كنا فين وبقينا فين
سؤال محتاج ردود
كنا فين ؟ وبقينا فين ؟

كنا عمال وفلاحين .. كنا زعماء ومفكرين
كنا ادباء ومبدعين... كنا فى الفن فنانين
كان كل شىء موجود خير وعلم ودين

فى مدينتى الاسكندرية امشى فى شوارع محطة الرمل مبانى كتير قديمة تقف شامخة بحالتها الطبيعة يرجع تاريخ بنائها الى ايام الاحتلال فأتذكر مبانى لم يتعدى عمرها ربع عمر هذه المبانى تصدعت وهدمت واخرى سقطت من تلقاء نفسها أنظر الى محطة قطار "محطة مصر" أرى فخامتها وكبر حجمها فعمرها من نفس عمر هذه المبانى القديمة اكل عليها الدهر وشربا ولذالت ايضا كما هي فهى منشأة حديدية مازال حتى الدهان الموجود عليها كما هو لم تصدء طوال هذا العمر . تسألت فى نفسى هل نحن غير قادرين على فعل اشياء مثل هذه ؟

أين فن العمارة ؟ أين حرفة الارابيسك الجميلة ؟ أين المشربية التى كانت تشتهر بها بيوت المصرين ؟ أين ذهب الابداع ؟ أين أين أشياء كثيرة لم يعد لها وجود أين نحن ؟

نحن غير قادرين على صنع أبرة خياطة أذا ذهبت وأشتريت أبرة خياطة ستكتشف أنها مكتوب

عليها صنع فى الصين ! دي أبرة خياطة ليست قطار أو سيارة !

تعالو بقا نروح نهر النيل اللى كلنا عايشين منه مصدر حياتنا كلنا تقدر دلوقت تمد ايدك وتشرب من نهر النيل من غير ما تقرف إو تخاف من حجم التلوث الموجود حالياً لو متقدرش تشوف نهر النيل وعايز تعرف حجم التلوث احب اقولك إن كل المياه الموجودة فى منازلنا مصدرها نهر النيل هات حضرتك قطعة شاش ضيقة المسام يعنى فرغات خيوطها ضيقة جدا طبقها على اربع طبقات وحاول تثبيتها فى احدى فوهات أى حنفية موجودة فى منزلك

أنزعها فى اليوم الثانى وأبقى أوصفلنا شكل قطعة الشاش ؟

ده بالرغم انها مفروض انها اتكررت وتم تنقيتها عشان تكون صالحة للشرب

تعالو بقا نتكلم شوية عن الزراعة انا معرفش هوة مساحة الأراضى الزراعية كانت قد أيه وبقيت قد أيه بس هسألكم هوة مين فينا وهوة مسافر أو فى أى مكان مش شرط يكون مسافر

مين مشافش قطعة أرض زراعية كبيرة وفى وسطها أو على حوافها مبانى ! أراضى زراعية

كتيرة جداً جداً تم البناء عليها مع إنى أعرف أن فى قانون يمنع كدة مش عارف هل القوانين أتغيرت؟ معتقدش .. بس طالما هذا يحدث يبقى من حقنا منلقاش رغيف العيش ونستورد قمح من الخارج وياريت قمح يكون صالح للاستعمال الادمى !!!!

طالما تكلمنا عن الزراعة أكيد لازم أتكلم على أكتر زراعة كانت تشتهر بها مصر

أكيد كلنا نعرفها هوة احنا لسة بنصدر قطن للخارج ؟ هل مازال القطن المصرى رقم 1 فى العالم ؟

أحنا مصريين بنحب بلدنا جداً وبنخاف عليها جداً ونفسنا نبقى أحسن بلد عايزين ديماً نخطو ألى الامام نتقدم بجد نفسى مرة أشترى كمبيوتر أو عربية ولا حتى ولاعة سجاير مكتوب عليها صنع فى مصر عندنا المؤهلات. عندنا موارد طبيعية مش موجودة فى بلاد كثيرة .

عندنا بشر تعمل من الفسيخ شربات دى مقولة شهيرة فى مصر !!!

عقول قادرة على صنع المعجزات. عندنا كل شىء نفسى كل اصحابى اللى سافرو يشتغلو برة

يرجعو مصر تانى يشتغلو هنا ويلاقو مرتبات احسن من برة !!

مش هكلم على التعليم والتدهور اللى وصل اليه ومش هكلم على الشباب الى خلصو تعليم عالى ومش لاقين شغل والبطالة اللى فى البلد ! مش هكلم عن التأمين الصحى اللى يوم ما زورته تعبت أكتر !! مش هكلم على الزبالة اللى مالية الشوارع !! وحجات تانية كتييييير !!
هسألكم بس.. احنا فين؟ بقينا فين؟ وصلنا لغاية فين؟

امممممممممممممممممممممممممممم

مش عارف والله ارد اقولك ايه

انا مش عارف احنا كنا ايه وبقينا ايه

بس اكيد كنا حاجة كويسة
وبينا حاجة وحشة
وحشة جدا جدا جدا

اعرف واحد صاحبي

بيحكي
مرة كان في الاردن
وطلع علبة المناديل فكان اخر منديل معاه
فرمي الكيس علي الارض

فجه وراه واحد اردني
ووطي خد المنديل ورماه في السله

وقال لمصري

اكيد مصري !!!

شوفتوا المصري مشهور بايه

قولوا انتو ايه الي هما بيقلوه علينا بافعالنا دي

ومرة تانية بيحكي كان راكب عربية وماشي في الطريق بليل هو واحد صاحبه

كانت تقريبا علي الفجر

وجه عند اشارة مرور فاضية ومش عليها ولا عربية ولا حتي عسكري مرور

والراجل الاردني وقف لما لقاها حمرا

التاي بيقوله متمشي فيه ايه

مفيش عربيات ولا حتي عسكري مرور

قال مو هون الفوضي دي عندكم هناك في مصر

هنا احترام للقانون

انا كنت حزين جدا لما سمعت منه القصص دي

والحاجات اللي بيقولوها علينا خارج مصر

وكله كوم ولما اول اول امبارح لما حسيت بخنقة فخرجت انا وابن خالي وعروسته
ونزلنا الكورنيش وخدنا مركب ونزلنا النيل

وشوفت منظر

انا عن نفسي استحقرته

المركب مليانة

وعرب اكتر من مصريين

والاقي ولد مصري شغال علي المركب

يقوم يرقص
رقص
احسن من الست المحترة فيفي عبده
اتخيلوا المنظر بقي وفي بوقه لبانة كمان

والناس بتصورة بكاميرات ديجيتال وموبايلات
وهو فرحان ومبسوط
شوفوا بقي لما الصور والفيويوهات دي تتحط في اليو تيوب " راقص مصري علي ضفاف النيل " في مصر المحروسة

ههههههههه

ولا ابص واشوف بنت

بسم الله ماشاء الله
محترمة جدا جدا جدا

عباية واسعه

نور بينط من وشها
طرحة
مفيهاش عيب

وابص القيها تولع سجارة

لييييييييييييييييييييييه يا ربي صدمتني فيها
هههههههههههههههههههه

وكمان شويا قامت رقصت

شوفت احنا كنا ايه وبقينا ايه

كان بينضرب بينا المثل في الامانة
والاخلاق والشرف والعفة والكرامة

دلوقتي ممكن نبيع نفسنا علشان خاطر فلوس

ممكن نغش في اساسات عمارة علشان خاطر فلوس

لوث النيل علشان الناس تشرب منه
تتعب

تروح المستشفي
تدفع التذكرة
تاخد الروجته
تروح الصيدليه
تدفع فلوس
وتاخد العلاج
هيحصل مضاعفات
هتروح المستشفي
تدفع التذكرة تاخد علاج تاني
فتروح تصرفة من الصيدلية
وتدفع فلوس
وتاخده

إلي ان يشاء الله ويرحمك في جنه الخلد

معلش لو طولت علي بس حالنا بقي وحش اوي اوي اوي

مممممممممممممممم

موضوع جميل

احنا زمان كنا حاجه
وحاجه كويسه قوي
بس دلوقت خلاص
مش بقينا حاجه
ولاحتي حصلنا حاجه وحشه
وكل اللي يعوز يفتخر بمصر
يقولك احنا بلد العلماء
احنا بلد زويل
بلد فيها 80 مليون
ومفيهاش الا زويل
اللي الناس عرفاه
بالذمه مش حاجه تكسف بجد

لما نكون بستورد
اكلنا
لبسنا
مواصلاتنا
حتي افكارنا
معدتش مصريه
ويقولك لازم نواكب العصر
ازاي بقي؟؟؟
لما نتخلي عن عاداتنا
وتقاليدنا
ودينا
لما نمشي ورا اي حاجه
لمجرد انها من بره
امال العالم يقول علينا متخلفين

بس فعلا اللي سافر بره مصر
هيشوف الناس بتفكر في المصريين ازاي
احنا عندهم لا نذكر

والله يرحم المصريين وكرامتهم

اسفه علي الاطاله

عندك حق والله يا ضحكة

احنا كرامتنا منداسه في كل مكان