الى سندريلا وبيمو وعاشق

بما انكم هنا الكل فى الكل هنا وكلمتكم مسموعة فعندى شكوى هى مش بتاعتى بس الاعضاء الجداد بيشتكو ان فى كل مشاركتهم مش لاقين اقبال عليها سواء العاب او مزكرات شوفلكم حل ومن الناس دول سما وسما دى بقى تبعى واياك حد يزعلها وخاصة انت يا واد يا بيمو وديمو كمان وارجو التفاعل مع كل الاعضاء عشان الناس دول مايزهقوش ويسيبو المنتدى ولا ايه رايكم يا اعضاء ده رجاء لكل المنتدى ارجو التفاعل مع الناس الجديدة زى ما بتتفاعلو مع الناس القديمة وحسنة قليلة تمنع بلاوى كتيرة وهنيالك يا فاعل الخير والثواب

مشكوره يا سالى بتشحتى عليا والله كتر خيرك طب كنتى قولت عشان جلبيه الشحاتين واربط عينى ولا اقطع ايدى ونقعد سوا ونقول لله تعليق لله طب اشتراك فى لعبه لله

هههههههههههههههههههههههه مين انا ضمن الكل في الكل لالالالالالالالالالالالالا كده كتير عليا

انتي عاوزه السندريلا تقتلني وتقول اني احتليت المنتدى منها ههههههههههههههههههههه انا يا ستي زي زيك بستنى الردود وكمان السندريلا بذات نفسها بتستنى الردود بس المشكلة بقى ان الدنيا دلوقتي صعبة شويتين ومش الكل بيدخل واللي بدخل بيخطفله موضوع اتنين ويجري وكمان تعالي هنا قوليلي انتي معتبرة سما من ضمن الجداد ده بغلاوة القدام كلهم وكمان ملكيش دخل أرخم عليها أغلس عليها أعاكسها ده حاجه بيني وبينها هههههههههههههههههههههههههه وان شاء الله متخافيش الكل هيرد عليها بإذن ربك

ويلا بقى خدتي وقتك علشان أروح أرد على سما وبطلي تسييح للبشر بعد كده ده انتي كان باقي تقولي صدقة للمرحومة ايه ده وانتي سكتلها ازاي يا سما
--ما تخديش في بالك انا بحب أهدي النفوس بس--

والله ياسالى احنا بنحاول نرد على اكبر كميه من الموضوعات بس زى مانتى شايفه المنتدى فيه اقسام كتيره اوى وعشان نرد فى كل الاقسام مش بيبقى فى وقت بس اهو بنحاول نعمل اللى نقدر عليه وسما بتعجبنى كتاباتها اوى ليها اسلوب خاص بيها فى الكتابه وانتى كمان مواضيعك حلوه المهم دلوقتى ياريت ماتكونو ش زعلانين مننا

هههههههههههههههههههههههههههههههههههه مانت محتل المنتدى من زمان يا بيموووووو المهم ياسالى والله عندك حق بس معلش والله انا النت عندى وحش جدا ونادرا لما بيحن عليا ويبقى كويس معلش يا سما مش تزعلى حقك عليا وبازن الله كل حاجه تبقى تمام يا قمر معلش مش عاوزه اى حد يزعل بليززززززززززززز

وهو ديمو ليه دعوه بحد ده زى الحمل الوديع......الواء ديمووو

كلام فى محله

يعنى فعلا لو الواحد ملقاش اقبال على مذكراته اكيد هيزهق

اختك

فجر

معلش يا سالى اصل زى مانتى شايفة فية ناس كتير مش بقت موجودة بس ان شاء الله المنتدة يكون احسن

السلام عليكم الاول
اذيك يا سالي
كل الناس في المنتدي الكل في الكل
موضوع ضعف الرورد ده بيكون ليه اكتر من سببب
اهم سبب ضعف ردودهم هم علي الموضوعات يعن لو انتي نزلتي موضوع وحد علق عليه من باب الزوق طبعا هتدخلي تعلقي علي موضوعه
تاني سبب ان فيه ناس كتير جدا مش بتدخل كتير زي حالي كده وطبعا انا بعتذر عن ده وياريت بجد بتمني الكل يشارك والموقع بتاعنا يبقي احلي موقع في الدنيا
اخيرا اي حد تبعك علي راسنا من فوق طبعا واهلا بيها في المنتدي منورينه انتي وهي

ازيك يا سالى ياررب تكونى بخير
انا حبيت اعلق على كلامك واقولك ان التفاعل اكيد لازم يكون موجود
لكن عايزه اوضحلك حاجه ان مافيش حاجه هاتعجب عضو سواء جديد او قديم الا وهايرد عليها وهايتابعها
ولازم الناس الجديه كمان ثبت وجودها مش بكتره الموضوعات ولكن بالمستوى
وبصراحه فى ناس بدون ذكر اسماء ناس فعلا تستاهل كل شكر واكيد الكويس معروف والوحش معروف
وانا مش ملاحظه ان حد وحش بصراحه واى مساهمه من اى عضو اكيد بتفيد واللى مش بيعجبه موضوع هايعجبه التانى
مششرط الموضوع الكل يعجب بيه لولا اختلاف الازواق لبارت السلع
وبعدين كفايا اننا فى بيت واحد اكيد كلنا مستوى واحد وكفايا الروح الجميله بينا ربنا يدمها
وياريت الاعضاء الجدد يعرفونا بس بنفسهم اكتر من خلال اشتراكتهم وزى ماقولت الشئ الكويس مش بيحتاج حد يشاور عليه

لا بصرحا عندك حق بس لزم نصبر شويه علي شان المنتدا لسه جديد وان شاء الله هنخلي بالن من الموضوع ده