كــــلاكــــيـــــت مـــــــــــــع .........

التوبيك فكرته جبتها من منتدى تاني
واللي نزلت التوبك جابته من برنامج المخرج
والفكرة هي اننا هنستضيف عضو

ويحكيلنا فيلم حياته من خلال انه يجاوب على مجموعة اسئله ::-

1- اسم فيلم حياتك ايه ؟؟

2- قصة الفيلم بتدور في اطار ايه ؟؟

3- ملامح شخصية البطل (اللى هو انت طبعا -- أو انتي --)

4- مين بطلة الفيلم -- لو ولد وبطل لو بنت -- (مش شرط تكون حبيبتك يعنى اختك صديقتك كده )؟

5- مين هما ابطال الفيلم ؟؟

6- ايه هو ال The main scene في حياتك ؟؟

7- الموسيقي التصويريه بتاعت الفيلم هتكون اغنية ايه او موسيقى ايه ؟؟

8- مين ضيف شرف الفيلم (شخص واحد ) ؟؟

9- هتعزم مين في العرض الخاص (الناس اللى أثرت في حياتك ) ؟؟

10- واخيرا اوصفلنا افيش الفيلم هيكون ازاى ؟؟

يارب بقى الفكر تعجبكو ونلاقي حاجه عليها نشاط

ههههههههههههههههههههههههههههه

لا حلوة
تسلم ايدم بيمو

ايدم؟؟؟؟؟؟

شكل تعليمك طلياني

لا يا ولا
دا
فرنكاوي

طيب ايه رايك في الفكرة يعني

حمااااااااااس؟

تمام يا بيمو
الفكره زى الفل
ها هتختاورا عضو امتى
بس الفكره جامده تسلم ايدك

كليوباترا

حماس ايه يا عم

هتودينا في داهيه

لا فتح الله احسن

او

حزب الله

نموت نموت ويحيا بيمو

ههههههههههه

يسلمو بيمو
منور بيتك
والفكرة جميلة جدا

فكره حلوه
بس هتختاروا امتي
تسلم ايدك ي بيمو

تسلم ايدك

تم التثبيت

علي ايه يعني يتم التثبيت

يلا فكوه تاني

اسمعوا الكلام

ولا هو علشان بيمو خوفتو منه

نموت نموت ويحيا بيمو

واسطة بقة دي انتم

انا ممكن اختار انا أول واحد وبعد كده اللي يقعد هو يختار اللي بعده محلولة يعني

وانا هختار ساندي اكمنها هي اللي ثبتت الموضوع

:برررررررررررررررررررررررررررررررعي:

اوك ساندي ساندي

الموضوع حلو يا هيما ويستحق التثبيت
متغاظ ليه انت

شكرا يا بيمو ع اختيارك

وشكرا يا هيما ع تأييد الاختيار

يلا يا سوسو جاوبى ع الاسئله

طبعا لازم اايد

مش القائد بتاعنا قال بيمو
يبقي بيمو

نموت نموت ويحيا بيمو

ههههههههههه

ده أقٌل واجب

:برررررررررررعي:

يلا يلا من هنا

يلا يا سوسو جاوبى ع الاسئله الموجوده

يلا يا بنتي انجزي

BimO كتب:: التوبيك فكرته جبتها من منتدى تاني
واللي نزلت التوبك جابته من برنامج المخرج

تسلم فكره حلوه فعلا

والفكرة هي اننا هنستضيف عضو

شكرا انى كنت اول عضو تختاره

ويحكيلنا فيلم حياته من خلال انه يجاوب على مجموعة اسئله ::-

1- اسم فيلم حياتك ايه ؟؟

رفيقه عمرى

2- قصة الفيلم بتدور في اطار ايه ؟؟

بنتين اللى بنهم فاق كلمه الزماله او الصحوبيه او الصداقه وحتى الاخوه
اللى بينهم حاجه كبيره اوى حاجه ملهاش معنى اصحاب بقالهم 8 سنين
وكل سنه منهم ب 8 سنين بنهم مواقف كتير اوى
البنتين دول من كتر حبهم لبعض لما واحده فيهم بتتعب التانيه بتحس بيها
لا ومش بتحس بيها وبس بتتعب نفس التعب
عارفه ان فى ناس مش هتصدق
بس والله دى حقيقه انا ورفيقه عمرى كده لما اتعب القيها تتصل بيا وتقولى انتى فى كذا بيوجعك اقولها اه
الكلام ده من سنين انا مكنش زيها هى اكتر منى انا نفسى كنت بستغرب لغايه لما انا كمان بقيت احس بتعبها
ولما تكون مخنوقه احس ان فى حاجه عملها تخنقنى وقلبى مقبوض اكلمها او ابعتلها مسج علشان تكلمنى
تقولى انها تعبانه فعلا رفيقتى دى اول حد فى الدنيا ياخدنى فى حضنه عيطت فى حضنها كتير اوى

3- ملامح شخصية البطل (اللى هو انت طبعا -- أو انتي --)

ازاى يعنى مش فهمت السؤال

بس لو شخصيتى يعنى

فكلكم عارفينها

بس اوعى تنسوا ان من ملامحى انى عاشقه الدموع

4- مين بطلة الفيلم -- لو ولد وبطل لو بنت -- (مش شرط تكون حبيبتك يعنى اختك صديقتك كده )؟

رفيقه عمرى رحاب

5- مين هما ابطال الفيلم ؟؟

بطله الفلم رحاب وانا وبس

بس فى معانا ممثلين والصراحه مثلوا دورهم باتقان

الزمن: اللى كتب علينا بعد مكونا طول اليوم سوء ومش بنفارق غير وقت النوم ان كل واحده تكون فى مكان ونشوف بعض كل فين وفين

البعد: البعد مش الفراق لان هناك فرق البعد اللى قدر يبعد المسافات بنا بس مقدرش يبعدنا عن بعض

ولا يبعد قلوبنا عن بعضها بالعكس احنا ديما بنقرب من بعض

اهلها : ربنا يسامحهم اللى اختاروا انهم يسافروا يعيشوا فى مكان تانى

اهلى : اللى برضه ربنا يسامحهم من خوفهم عليا مش بيخلونى اسافر ليها وهى اللى بتجيلى ع طول

الوجوه الجديده

محمد: يا خوفى يا محمد انت كمان تبعد بنا المسافات وانت كمان تقسى علينا زيهم.

6- ايه هو ال The main scene في حياتك ؟؟

7-
الموسيقي التصويريه بتاعت الفيلم هتكون اغنية ايه او موسيقى ايه ؟؟

اجدع صحاب

و

خدنى الحنين
الاغنيه دى اول لما نزلت كنت انا وهى كل منسمعها نعيط

8- مين ضيف شرف الفيلم (شخص واحد ) ؟؟

احمد اخويا

9- هتعزم مين في العرض الخاص (الناس اللى أثرت في حياتك ) ؟؟

هعزم اهلها واهلى واخليهم يشوفوا فلمنا

هعزم محمد علشان يعرف قد ايه اللى بنا قوى

ويعرف قد ايه هى حد مؤثر فى حياتى

وان اى قرار ياخده بنا هيتعبنى اوى

هعزم اصحابى كلهم علشان يعرفوا الصداقه الحقيقه

وهعزم الانسان اللى هترتبط بيه علشان هو كمان مش يبعدنا عن بعض

10- واخيرا اوصفلنا افيش الفيلم هيكون ازاى ؟؟

افيش الفلم منظر حقيقى بيحصل بنا من يوم سافرها

وهى جايه تسلم عليا علشان خلاص العربيات واقفه وهى مسافره

سلمنا ع بعض واحنا دموعنا بحور مناديل الدنيا مش هتكفينا

ولا حد هيقدر يقول كلمه تداوى اللى جوانا

سلمت عليا ونزلت وهى بتتظاهر بالقوه علشان اكون كويسه

وسبتنى ونزلت وانا بصيت ليها من فوق وهى فى الشارع مش قدرت تمسك نفسها وكانت كتبالى كلمه للذكرى

يبقى الافيش بنت بتبص من البلكونه وحضنه فى ايديها اجنده وبنت واقفه تحت والاتنين بيبصوا لبعض

ويسئلوا نفسهم ياترا هنشوف بعضنا تانى

ملحوظه : حياتنا كلها مكنتش هاديه وحب وبس لا قبلنا مشاكل كتييييييييييييييييييييييييييييييييييييير جداااااااااااااااا

مشاكل كان كل نتيجه ليها اننا نبعد عن بعض انما ديما احنا متمسكين ببعض

وكل واحد عارف قد ايه التانى بيحبه ومش بنتأثر بأراء اللى حوالينا ومش بنفذ ليهم اللى فى بالهم

يارب بقى الفكر تعجبكو ونلاقي حاجه عليها نشاط

حلوه اوى وهتخلينى اعيط كتير

محدش يختارنى تانى

ايه هو ال The main scene في حياتك ؟؟

يعني المشهد الرئيسي

او اساس بقية المشاهد

بس فيلم جميل جدا وتفة بجد

ربنا يوفقك يا ساندي وتقدري ترسمي النهاية السعيدة ليه

اختاري بقة اللي هيتدبس بعدك

امين يارب

اختارك يا بيمو

يلا قولنا فلم حياتك

مبعرفش اكتب :برررررررررعي: