النكتة السياسيه..شر البلية مايضحك..خش وشارك (متجدد على طول)

عملا بالمدأ المذكور أعلاه , ان شر البلية ما يضحك , ولآننا - المصريين طبعا - مشهورين بقدرتنا علي مواجهه أصعب المواقف والظروف بالسخريه , لذلك أدعو كل واحد للمشاركه بنكته سياسيه عجبته , وفطسته علي نفسه من الضحك , ولاني صاحب الموضوع هستأذنكم اني اقول أول نكته

مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم

أبليس : طب هات ودنك وخد الفكره دي .....وش وش وش وش

مبارك : لالا يا ابليس الفكره دي مش نافعه , عاوز حاجه أشد

أبليس : طب خد دي ...... وش وش وش وش

مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه

وش وش وش وش وش

ابليس : لا يا راجل حرام عليك

المشكله انى مش بقدر امسك نفسى كل مره اقول ياواد اعقل واسمع كلام امك واخواتك ابعد بعيد بس لازم ارجع تانى وغير كده اخلاق خطيبتى اتغيرت اوى بقت رومانسيه وبتاعه ورد احمر وحاجات من الشغل ده وانتى عارفه انى واد جد اوى وانشاء الله هحصلكم فى لعب الاعضاء

النكته دى جديده::
واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين

اهم حاجه يا نهال انك تشاركى وان كل واحد فينا يفرغ اللى جواه بشكل نكت ممكن يكون هوه اللى مألفها او يكون سمعها من اصحابه او من اى مكان

إخبرنى بصراحة يا نظيف ولا داعى للمجاملة أو النفاق .
نظيف : أمرك يا ريس
الريس : أنا الأفضل ولا عبدالناصر ؟
نظيف : انت طبعا يا ريس .. جمال مين اللى كان بيخاف من الروس !!
الريس : طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان !!
الريس : طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف من ربنا .. انت لأ

مرة سيادة الريس مد إيده في جيبه لقي 5 مليون جنيه!!فزعل قوي وخاف وقال إيه الفلوس دي؟ دي الفلوس دي حرام؟ فسأل أحد مساعديه فدله على طريق الشيخ طنطاوي رئيس الأزهر وقال له: اسأل الشيخ وهو يقول لك الحل.
ما كدبش خبر وجري على طنطاوي وحكا له القصة فرد: 5 مليون بس إيه النزاهة دي؟ دي بسيطة خالص يا ريس ما تزعلش نفسك؟ كل اللي هتعمله هتروح وتطوف حول الكعبة 10 مرات.
الريس راح لقي عمنا صفوت فقال له: أنت بتعمل إيه هنا؟ أنت هتلف كام لفة؟
عمنا صفوت :78 لفة.
الريس: يخرب بيتك أنت؟ ده أنت خربت البلد!!
عمنا صفوت: أنت جاي علي انا؟ روح شوف علاء ابنك جايب موتوسيكل وبقاله 3 أيام
بيلف

\\\\\\\\\\\\\\\\\\\\\\\\\\\\\\\\\\\


*كان فى سرير المرض حينما أخذ يلقى بوصاياه الأخيرة لوزيره نظيف :
- وصيتك الحكم من بعدى يا احمد ..
- فى رقبتى يا ريس .. كله تمام والسلطة هياخدها جمال ..
(ثم راح فى غيبوبة .. أفاق منها بعد قليل )
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
(ثم راح فى غيبوبة .. أفاق منها بعد قليل )
- احمد
- نعم يا ريس؟
- ماتنساش .. توكيل الزلط لعلاء

هههههههههههههههههههههههههههههههههه جامدين يا حسن

حلوين اوى اوى اوى اوى تسلم ايدك يا ابو على

الله يخرب بيت جيرانكم هنتقفش هنتقفش انا معرفكش ماشى.............ههههههه الله يخرب بيت دمك جامد اوى اوى يا واد............اللواء ديمووووو

اهلا سياده اللوا منور الموضوع والله بس انا عايزك تشارك كده وتبقى العمليه تمام

انشاء الله ده انا هبهدلهم ........اللواء ديموووو

ايه يا بيمو الحلاوه دى طيب اصبر عليا هجبلك حبه من بتوع الوريد

اي خناقة ثبتلك الموضوع اهو بس يا ريت بقى تملاه نكت علشان الدنيا تولع

يا بيمو باشا انا مش عارف اشكرك ازاى بجد متشكرين عالتثبيت بس انا عايز الناس كلها تشاك عشان الموضوع يستمر وبشكر كل الجماعه اللى شرفونا

النكت كلها حلوه اوووووووووووووووووى مشكورين بس انا مش ليا فى النكت اوى وكمان سياسه لا الطيب احسن خلونى اشوف نكتكم انتم