كاسات التشيزكيك

المقادير

علبة	قيمر KDD الكبير 250 ملل بااارد
8 قطع	جبن كيري (بحرارة الغرفة)
2 كيس	دريم ويب
125 ملل	حليب سائل باااارد
علبة	جيلي فوستر كلاركس ليمون صغيره ( التزموا بالماركه هذي لان غيرها ما راح يعطيكم مثل الطعم )
نصف كأس	ماء مغلي
علبة	كيك سارالي (باوند كيك أبيض)
علبة	صلصة بلاك بيري (توت اسود)

التحضير

1- نضع القيمر مع قطع الكيري في خلاط الكيك و نخليه يخلط لييين يتجانس حيل مثل الكريم.

2- في هذه الأثناء نجهز نصف كأس ماء مغلي و نذوب الجيلي فيه و نتركه على جنب.

- نقطع الكيك و نصفه في ماعون خاص بالجيز كيك، و انا احيانا أسوويه في قلاصات و اقطع الكيك قطع صغيره احلى للتقديم خاصه لما يصيرون صغار..

- راح يتجانس القيمر و الكيري في هالفتره، اقوم احط أكياس الدريم ويب و الحليب البارد فوقهم بالخلاط.. و اخليه فتره لما يرتفع شوي.. (هني تبين اهميه بروده الحليب و القيمر علشان الكريمه (دريم ويب) تنتفش و كذلك اهميه خلاط الكيك, لو استخدمتي خلاط العصير ما راح تنفش معاج)

5- بعدين حطي قلاص الجيلي بعد ما يفتر شوي علشان ما ينزل الخليط.. و وزعيه فوق الكيك و دخليه الثلاجه يفضل اكثر من 6 ساعات.. انا اسويه قبل ليله..

6- بعد ما يبرد و يصك راح يكون بهالشكل.. شيليه و حطيه في ماعون التقديم

7- أخيرا حطي صلصه البلاك بيري و رجعيها الثلاجه لي وقت التقديم