**=--___حــــكــــومـــــتــــنـــــا و صـــــيـــــامــــنـــــــا ..

في إيطار سعي حكومتنا العفيفة الطاهرة للاختلاف .... قرروا -- سيادتهم -- ان يبتكروا نوع جديد من المشاريع التي تخدم الشعب وتوفر عليهم مشقة الصيام .

الجملة اللي فاتت دي مش منقولة من جورنان الاهرام لا
ولا حتى اخواته الصغيرين الجمهورية واخبار اليوم وشوية الحبشتكلات دي

الجملة دي مش عبارة عن موضوع مفتكس -- اسم المفعول من فاكس -- طرأ إذ فجأةً على دماغي فقولت يلا هوب اكتب الجملة دي واقلب تحتها أي كلمتين من اياهم وأهي ممكن تضرب صدفة مع الواحد ويخلوه يكتب ان شاء الله في مجلة زوقيني يا ماما

الجملة دي واقع بنعايشه كلنا يومياً بقالنا حوالي 18 يوم

الجملة دي طالعة وبكل صدق وعنفوان وابتسامة من بني آدم من ساعة ما اتولد مبيعرفش يعمل أي حاجه في حياته غير انه يكره الحكومة دي .

لكن الحزب الوطني يفاجئه ويفاجئ كل المترقبين والمستمعين ==== كعادته ====
لكن المرادي مفاجأة جديدة جددددددددددددداً

حيث قررت حكومتنا الفاضلة أن تقوم بمشروع ===--- الإفطار الجماعي ---===

مالك اتخضيت كده ليه؟؟؟

ايوه ياعم بتكلم عن مصر اه

ههههههههههههههههههه انت بتهرج يا معلم اكيد ........ وربنا اه ده انا .... انا إبراهيم الشعار نفسه

يا باشا أنا حقاني ودي حاجه جامده جدي وزي الفل عملتها الحكومة أكدب يعني .... ولا هو انت فاكرني حافظ مش فاهم؟؟؟؟؟

أيوة انا بعترف ان الحكومة ابتكرت طريقة جديدة جدا للإفطار الجماعي الغير مكلف نهائي

**********************************
فبعد مرور ما يزيد عن نصف رمضان بالتمام والكمال لم أرى في الايام الماضية كلها سوى أمرين فقط متشابهين :
1- الحر الشديد ........... -- ودي حاجه مقدرش أتكلم عنها ده بايد ربنا --.

2 - وأنه في كل يوم تقريبا في الفترة ما بين الساعة الساعة صباحا إلى الساعة الحاديه عشر ظهراً تقوم حكومتنا المصونة بخدمة جليلة لشعبها الغلبان حيث تخوض حملة مكثفة وتغطي جميع محافظات المخروبة من أجل افطار الجميع .

ففي هذه الفترة يوميا تهطل علينا كمية لا محدودة من الاخبار المفطرة
== وده تعريف سطحي يقدمه شباب النت والفايس بوك لنوعية الأخبار التي توصف في غير رمضان بانها أخبار بنت تيييييييييييت ==
والأمثلة على هذه العينة من الأخبار لا تحصى ولا تعد
فقرارات وزير التربية والتعليم ........ و وزير التعليم العالي ............ وانقطاع الكهرباء .... وتصدير الكهرباء الى الاردن في أمس حاجتنا إليها ..... وان السبب في انقطع الكهرباء هو قلة الغاز
بعد بيعه لاسرائيل ..... وان مصر تشتري الغاز مجددا من اسرائيل ب14 مليار -- وهو السعر العالمي له -- ...... وهي تبيعه لاسرائيل في نفس اللحظة ب 2 مليار أي مجمل خسارة 14+12=26 مليار جنيه
بالإضافة لكمية المسلسلات التي لا توضع سوى للإفطار مثل الجماعة وزهرة وأزواجها الخمسة
وكذلك الاحداث الفردية من قتل ونهب ونصب وهرب وسرقة واختلاس
والتي تؤدي بدورها لانتحار بعض المواطنين وهجرة بعضهم واكتئاب البعض الآخر وبالتأكيد ............... إفطار الجميع

ببساطة فحكومتنا مميزة للغاية لأنها دائما ما تنفرد وتتفرد وتملك قدرة رهيبة على مفاجئتنا بأفكارها الجهنيمة المتجددة والمتطورة دائماً .

فبالتأكيد هي الحكومة الاولى في العالم التي تتمكن من إفطار شعبها اجمع يومياً .

ولكن يعيب عليها فقط إختيار الوقت الخاطئ لهذا الإفطار الجماعي .

واسمحولي اخيراً أن اختم كلامي وكلي أمل أن تتعلم الحكومة من خطاها هذا العام وتدرك أنها تفطرنا في الوقت الخاطئ
لعلها العام القادم == ان استمر ابتلاؤه سبحانه لنا ... بها == تقرر سيادتها (( الحكومة يعني )) أن يكون وقت عرض الاخبار في المغرب

وأهي تكسب فينا ثواب بدل ماهي مضيعة مني الشهر كده

28/8/2010
9:04
إبراهيم الشعار

اللهم لك صومت وعلي رزقك افطرت وبك امنت وعليك توكلت ، ذهب الظمأ وابتلت العروق وثبت الاجر ان شاء الله

الله ينور عليكي يا حكومتنا

فيها الخير
وربنا يجازيها كل خير

وزي ما قال شاعر النيل
هتبقى حر امتى وازاي؟
بطلوا عبودية بقة
عوبدية بقة

هتودينا في داهيه يا شاعر

وات زيز ايز عبوبدية

هههههههههههههههههههههههههههههههههههه

hema_sina كتب:

اللهم لك صومت وعلي رزقك افطرت وبك امنت وعليك توكلت ، ذهب الظمأ وابتلت العروق وثبت الاجر ان شاء الله

الله ينور عليكي يا حكومتنا

فيها الخير
وربنا يجازيها كل خير

وزي ما قال شاعر النيل
هتبقى حر امتى وازاي؟
بطلوا عبودية بقة
عوبدية بقة

هتودينا في داهيه يا شاعر

وات زيز ايز عبوبدية

هههههههههههههههههههههههههههههههههههه

ياض يا جاهل قولتلك مليون مرة لما تنقل الكلام مش شرط تنقله بالنص
ابقى صلح الاخطاء الاملائية

ده بالنسبة لحوار كلام شاعر النيل اللي هو انا يعني

اما بقة عن ردك

فبتشكر في الحكومة برضو

جبااااااااااااااااااااااااااااااااااااااااااااااااان

ياخرابي يجي يسمع كلامك والله الشاعر حيموت منك حطفشو

بنت فلسطين كتب:: ياخرابي يجي يسمع كلامك والله الشاعر حيموت منك حطفشو

أطفش نفسي يعني ؟

داان الشاعر ده Smile

**=--___حــــكــــومـــــتــــنـــــا و صـــــيـــــامــــنـــــــا .. 97539

بس ياض متتغرش في نفسك كدا

دا انا بمدح فيك

ال شاعر النيل ال

بحد الحكومه عملت كده؟برضه صلحو حاجه من ضمن حاجات كتييييييييير
كويس والله
واهلا بشاعرنا المبجل
طب قولنا حاجه كده من ديوانك المعروف
هاتقول هاتقول

طب انا جيت بعد ما الصيام خلص

كل سنه وانتو طيبين

وانت بخير

طب والله العظيم

الحكومه توشكر على كل حاجه

ولا انتو ليكم رأى تانى؟؟؟؟؟؟؟؟؟؟؟؟

وهو حد ليه رأي بعد رأيك يا بركوته باشا

نورت يا مجروح باشا

مصر فوق الجميع

ده الاهلي

طلع الاهلي من الموضوع

مصر والاهلى فوق الجميع

مقولنا طلعواالاهلي من الموضوع

هههههههههههههههههههههههههههههههههههههههههههههههههههههههه
بس انا عندي اضافه بسيطه لعبقرية الحكومه يا بيمو انت ماخدتش بالك منه ومعرفش فاتك ازاي
العبقريه بانها تغلبت علي حدود الزمان والمكان واستطاعت ان تمد مشروع الافطار الجماعي هذا لكل مصري موجود خارج وفي اي مكان بالعالم اتحداك تجيب حكومه قادره كده
لا وكمان تخطت الامر لافطار بعض الاخوان العرب والاجانب اللي بيعرفوا شويه شويه حتي
وتسلم
ويجعلوا عامر