رباعيات

أنــا الخيــر اللـي معجـون شــر , أنـا الإنســـــــان
أنــا النـُـص اللـي فيـَّا مـــلاك , ونـُـص شيطــــان
حــاولت كتيــر أقـلـــــد ده , أو أصـبــــح ده
فـشـلـت , رجعــت لطبيعتــي , بقيــت إنســــان

..............................

زرعــت الخيـــــر ورويــته بمــيِّة شـــــــر
وسهـرت جنبــه عشان أحميــه في عـز الحــر ,
و عـز البــرد , وجـاه اليـــوم عشـان أحصـــــد
لاقيــت خيــري اللي أنا زارعــه , بطعـم المـــر

..............................


كابـوس سابنـي , كابـوس جالـي , كابـوس هايم
و فــ كـل ليلــة يـيـجـي لــي كابـوس وأنا نـايــم
وأقـول أهـون , وأخـاف من نومـي لـو أصحـى
لأن الواقــع الحالـي ــ بأحزانــه ــ كابـوس دايـم