ازاي تكوني احلي من القمر في عيون الناس

انسي
متحاوليش
انت هتستهبلي ولا ايه
خلا يعني كلمتين في منتدي هم اللي هيخلوكي احلي من القمر
عجبت لك يازمن مفيش فايده






بس اقولك
عاوزه فعلا تكوني احلي من القمر ؟؟؟؟؟؟؟
في روحك
اه
روحك
سيبك من الميك اب والبلاوي دي
ماهو كده كده هيشوف جنابك علي حقيقتك وانت قايمه من النوم
فكك من الكلام الفاضي ده
ويعني انتي تفتكري الطلاق زاد ليه ماهو عشان بيشوف الهانم علي طول متشيكه وجاهزه والوش متلون حتي العين مبقتش هي
مش هتكلم كتير كلنا فاهمين المهم انه بعد كده بيلاقي يتجوزوا ويتفاجيء انه يلاقي ابن عمه نايم جمبه
فحاولي تخليكي طبيعيه علي قد ماتقدري بلاش الالوان في اي حاجه لا في شكلك ولا تصرفاتك لان الالوان ممكن خليتك تنجحي انك تلاقي الشخص اللي يرتبط بيكي بس تفتكري هتحافظ عليه لان الالوان مهما استمرت هتبهت ويوم ماتتمسح مهما كان اللي تحتها اجمل هيبان وحش لان العين اتعودت علي الزيف وزوقها فسد
عرفت جميلات كتييييييييييير وكتير وشوفت اكتر بكتير مافتكرش منهم دلوقتي غير قليل قوي ومشوفتش اجمل ولا اروع من جمال الروح النفس الطباع طول عمري
لما اتصدمت بالواقع اللي احنا عايشين خفت قوي
خفت علي اخواتي واتمنيت ان ماكانش يبقي ليا اخوات بنات
بس في ناس قابلتها وهم مش كتير بجد بجد حسيت انهم اخواتي وفرحت بيهم قوي ورغم فكرة الخوف ان يكون ليك اخت او حبيبه كانت مسيطره عليا لاني فرحان انهم بقوا اخواتي عارفين ليه؟؟؟( عشان جمال روحهم وطباعهم) منهم (فراوله) واساله ميمو عنها يقولكوا
ومنهم (ساندي) واسالوا محمد عنها هيقولكواومش معني كلامي ان جمال الروح هيخليكي تكسبي اخ وتقولي يافرحتي كسبنا صلاة النبي
لا ياخويا انا عاوزه اتجوز عليلك انت الاخوه
تبقي عبيطه اسالو ميمو وويسبر انتوا شوفتوا بنات كتيييييييييييييييييييير وعمر ماواحد فيكوا فكر يدخل علاقه جاده اشمعني ؟؟؟؟؟؟ واشمعني؟؟؟؟؟؟؟؟؟ وايه الفرق بين اللي اخترتها تكون شريكة عمرك وبين كل بنات الكون يمكن تفهموا

جمال شكلك مش هيتغير لا بالوان ولا بعفاريت حمر حتي ومتستهبليش فيها انما جمال طباعك واخلاقك هم اللي هيزينه جمالك
وعشان تبقي عارفه غالبا المحروس اللي هيتهطل في مخه هيكون شاف كتير ويمكن اجمل منك ويمكن احلي بكتير
واقسم بالله العلي العظيم وانا عارف بحلف ازاي اكتر حاجه هتخليه طاير من الفرحه وحاسس انه بجد لمس نجوم السما انه يلاقي روحك وطبعاك جميله

كنت داخل اشتغلكوا شويه بس شكلها قلبت بجد
يللا بقي قدر الله وماشاء فعل