طعم الخيانه

لون الخيانه اسود قوي
ده لانه بيعيش في الضلام
ضعيف
هزيل لكن فوي
لو حتي كان جيً فـــ منام
مصاص دماء
دايما يخاف من اي نور
قادر يعدي الف سور
لما ضمير الناس ـــ ينام
طعم الخيانه
لذته مليان مرار
ونعيمه وهم
نهايته نار
واللذه ايه؟
هزة جماع؟
طب قد ايه؟
وكام دقيقه؟
قد ايه مرعبه قوي الحقيقه
لما تفوق
وتبص فوق
وتلاقي نفسك
جوه بير ملهوش أرار
بتموت غريق
خايف تنادي علي صديق
...
..
.
ان كان في قلبك لسه نور
هتلاقي رب رحيم غفور
ياخد بايدك ينجدك
ترجع بريء

وان كنت حابب دنيتك
واخترت دي تكون سكتك
فاعرف بأن
صوت الخيانه لو اتسمع
زلزال بيهدم كل شيئ
...............
هي الخيانه ايه صحيح؟
عقد اتفاق واضح صريح
عملوا الشيطان مع البشر
وباء وفي قلوبنا انتشر
والهــــــــــــــــدف..
قتل الشـــــــــــرف
والشرط
انه لو انكشف
فيه قتل روح
يمكن جنين
يمكن دكر
مليان جروح
عشان عبيط
ومن البدايه اختار خطأ
ويمكن ذكي
بس النصيب معاه فرق
ويمكن بريء
وكل عيبه انه اءتمن
وكان التمن
قتل الشرف
أو حتي خاين
واتخان نتيجه لعملته
بس الخيانه عمرها
ف يوم مابترد اعتبار
ان خنت خاين
فانت خاين
مبروك عليك
وان خنت مخلص ليك وفي
فانت منزوع الضمير
قاتل
حقير
ملعون ابو اليوم اللي فكر فيه ابوك
يبلينا بيك
وان كنت دايس عرض غيرك
أبشرك..............
بكره بعنيك هتشوف وجيعتك
ساحبه ف اديها زل ومهانه
والعار هايجي يفكرك
يكسر عنيك
يكويك بناره
عمر الشرف مابينسي تاره
ومهما طال بيك الزمن
لازم هتدفع التمن
فرحان بنفسك قال
وعايش ف الترف
جتك القرف
جاتك القرف
.
.
.
يتبع لو في العمر بقيه