شاردة بك.....لاأكثر!.
عضـو فضـى
عدد الرسائل : 517
العمر : 38
البلـــد: : شاردة
الوظيفة: : ابحث عن ذاتى
الهوايات: : ابحث عن نعمة النسيان
مزاجـى: : 
الهوايات: : 
نقاط : 5937
التقدير : 0
تاريخ التسجيل : 28/09/2010
 |  موضوع: البت باتعه للشاعر المصري أمين الديب  الجمعة أكتوبر 15, 2010 8:36 pm | |
| البت باتعه للشاعر المصري أمين الديب
البت باتعه... بنت زيد عبد الصبور
الي أمها يوم عرسها
كان عفشها... حلّة وبابور
ومعاه كمان صندوق خشب
كان أصله سحارة صابون
فيه بنستين والمكحلة
ومراية والفلاية والملقاط
وحجر وليفة ومبخره
وقزازة كان فيها البخور
وجوز صحون
ومنٍخُلين..
والطشت والقروانه والغربال..
ومقشّه ليف...
ومقشتين عرجون
وزير وزلعة وقلتين وماجور
وحصيره من سوق التلات
ولحاف بإيدها منجداه
ومخدتين
والوش كان دمُّور
في الانفتاح
علي رأي صاحبي ولانبطاح
وفتحنا مصر سداح مداح
ونسينا حي علي الكفاح
والشعب محكوم بالسلاح
اتلخبطت كل الأمور
وقيم كتير
وعادات كتير اتغيرت
من ضمنها غًلو المهور
البنت دي
بنت أم باتعه
مش عاجبه حد في مشيها
إكمنًّها.. مشيت طريقها لوحدها
والأسرة غابت عنًّها
مشغولة عنها بعبئها
سايبينها هيًّ وشأنها
وإكمنًّها مستهدفه
الأجنبي ومعاه غبي
فكّر لها
قال أولا:
ترفض معيشة أهلها
ترفض أوامر ربها
ترمي الحياء والانتماء ورا ضهرها
تقطع جدورها بنفسها
أوعز لها
إزاي حتعرض لحمها
وتبان مفاتن جسمها
من ضفرها.. لأعلي خصله ف شعرها
عمل الصالات... تعرض موضات
والاعلانات... ماليه الشاشات
بالشنبوهات والتسريحات
وحاجات كتير فرحت بها
تاهت ونسيت نفسها
وتكلًّمك ربع الكلام بالأجنبي
وتقول هالو...
بنت أم باتعه تقول هالو
مرسيه يا شوشو وثانك يو
وكَمٍ يا توتو ويالا جو
وكبار شيوخ المسلمين
ما عرفش ليه مًتلجًّمين
والمسئولين... فتحوا البيبان علي وًسعها
قام قال سلامة ألمًّها
يمكن تغيّر فكرها
ترجع لدينها وربها
وتعيش حياتها بحلوها وبمرها
راح ل أمها...
يخطبها منها وقال لها
بصراحه بنتك..
عاوزه حد يلمّها
وأنا قدّها
قالت: وماله
البنت يلزمها الجواز
شخشخ جيوبك.. واشتري يالا الجهاز
قال: اطلبي...
قالت: تجهز شقه.. قد أربع إوض
أحسن نابوليا في البلد
وتجيبها من دمياط
وتجيب نجف من غير عدد
والمكنسة بشفاط
والدِش قبل الدٌش
والفيديو والبوتاجاز
وتجيب لها تلاجة ستاشر قدم
وتجيب لها قبل الجواز...
الفرو والمحمول
وتجيب لها غسالة فول
أنا قصدي فول توماتيك
شقتها كاملة..
زي أي بوتيك
وتجيب لها قبل الجهاز
الشبكة طقم من الدهب
أنا مش حاقولك ألماظ
وتجيب لها فستان زفاف
من غير كمام من غير كتاف
علشان يبين صدرها
وتبان مفاتن جسمها
وتجيب غوازي تزفها
والي اسمه إيه شهر العسل
في الشرم والا الغردقة
وبلاش أمور البعزقة
آدي مطلبي
إن كنت قادر مهرها
قرَّب لها
أنا مش حاميّل بختها..
قال: يا ام باتعه حاجيب منين
أنا لاني راجل مرتشي
ولا أحب أجيب بالدّين
ولا أرضي بالتقسيط..
الطاق بيبقي طاقين
ويكتّبوني شيكات
أو أمضي علي ايصالات
علي إنها امانات
وحكاية مش هيّ
لو بس فات شهرين
مادفعتلوش قسطين
بدل المحامي اتنين
حايجيب له رفض الشيك
ومصيبه وقضيه
ومش حاقولك عالقرف
وحاجات مخلًّه بالشرف
اما البوليس والمحكمه
حابقي ف نظرهم منحرف
وباكسر القوانين
شوفي يا ام باتعه
أنا عندي شقه محندقه
معقوله ماهش ضيقه
فيها يادوب أوضتين
وعملت جمعيه
مع ناس أماره زيكم
وقبضتها ألفين
وادي الي عندي وقلتلك بصراحه
وبإذن واحد أحد
ربًّك حايفرجها..
وباتعه حتريَّحك.. وتعيش مرتاحه
قالت له: قم من هنا
قم فضها سيره
أنا احترمتك.. عشان الأهل والجيره
بتقولي الفين جنيه?!!
وانا الي قال بافتكر..
باتعه حاتخد بيه
حافظ علي كلمتك يا اهبل..
وخلًّيك زوق
دي باتعه طول عمرها
دايما تبص لفوق
لاحمر ولاخضر
وشي محزَّق وبنطلونات
والشعر فوق كتفها سايح
وفي الكوافير
مش كل طير يندبح
خد دش وانت تفوق
وتفوق لنفسك
وتكلم كلام موزون
وفرضنا انت الي عاقل
والمستمع مجنون !
ألفين جنيه للغوازي والا للمأذون?!
فيه ناس كتير زيكم مش عايشة في الدنيا.
مابتسمعوش الرداوي.. والا تلفزيون?!!
شفت الي بيقدمه الحاج متولي?!!
الشقه بالعفش كامله..
وفلوس كتير في البنك
كتبه لعروسته..
دَا غير البس والمصاريف
شايفاه بعيني
ولا واحد غريب قالًّلي
كل المسلسل تابعته دقيقه بدقيقه
والحاج متولي إلاهي لم يشوف ضيقه
راجل صحيح مًقٍتًدًر
كل البنات عاوزاه
وباتعه بنتي..
إلاهي يكون نصيبها معاه
مش جاي تقولي الشباب !!
أنا ناقصه هَمٍ تقيل
قال: يا ام باتعه اسمعيني
كل دا تمثيل
قالت له: ده قصر ديل
وبلاش كلام فاضي
الشعب راضي
مافيش غيرك عامل لي تقيل
ما تكونش ماهر يا شاطر
واسم أبوك عطار
والشاي علي النار
وقاعد لسَّه عالرمله
والحلوه تيجي تلاقيك
فارش لها المنديل.?!
قال: يا ام باتعه
دي ناس بتوزع الأوهام
ساعدوا العدو بجهلهم
في الحرب عالإسلام
وأنا مش بالوم جهلهم
الوم علي الإعلام
قالت: خلاصة الكلام
أنا بنتي مش من مقامكم
شوفولكو ناس علي قدًّكم
أنا بنتي حلوه مثقفه
حافظه الأغاني كلها.
أحدث شرايط عندها.
دي لما تلبس بنطلونها الجينز
كل الشباب تجري وتخطب ودّها
ونانسي عَجرم نفسها
ما تجيش في خصله ف شعرها
ولا تيجي ضفر ف رجلها
طب والنبي...
لو شافها واحد أجنبي
ليجيب لها.
كل الي يجي ف نفسها
| |
|
hema_sina
مشرف
عدد الرسائل : 6132
العمر : 37
البلـــد: : ...................
الوظيفة: : ...................
الهوايات: : ...................
مزاجـى: : 
الهوايات: : 
نقاط : 11200
التقدير : 13
تاريخ التسجيل : 12/10/2007
| | موضوع: رد: البت باتعه للشاعر المصري أمين الديب السبت أكتوبر 16, 2010 12:34 pm | |
| امممممممممممممممممممممممممممم
باتعه وامها ملوا البلد
هنروح منهم فين
اخص
تحياتي | |
|
شاردة بك.....لاأكثر!.
عضـو فضـى
عدد الرسائل : 517
العمر : 38
البلـــد: : شاردة
الوظيفة: : ابحث عن ذاتى
الهوايات: : ابحث عن نعمة النسيان
مزاجـى: :
الهوايات: :
نقاط : 5937
التقدير : 0
تاريخ التسجيل : 28/09/2010
| |
بنت فلسطين
عضـو فضـى
عدد الرسائل : 681
العمر : 38
البلـــد: : سويد
الوظيفة: : طالية
الهوايات: : سماع الاشعار وقراءة القصص والطبخ
مزاجـى: : 
نقاط : 6361
التقدير : 9
تاريخ التسجيل : 23/08/2009
| | موضوع: رد: البت باتعه للشاعر المصري أمين الديب السبت أكتوبر 16, 2010 8:05 pm | |
| اها بجد كلام جميل بس اكيد الكلام مش بينطبق على الكل | |
|
عبدالعزيز موسى
عضـو فضـى
عدد الرسائل : 693
العمر : 38
البلـــد: : 6 اكتوبر
الوظيفة: : مدير ادارى
الهوايات: : كرة القدم - الكتابة - القراءة
مزاجـى: :
نقاط : 6005
التقدير : 0
تاريخ التسجيل : 12/10/2010
| |
hema_sina
مشرف
عدد الرسائل : 6132
العمر : 37
البلـــد: : ...................
الوظيفة: : ...................
الهوايات: : ...................
مزاجـى: :
الهوايات: :
نقاط : 11200
التقدير : 13
تاريخ التسجيل : 12/10/2007
| |
عبدالعزيز موسى
عضـو فضـى
عدد الرسائل : 693
العمر : 38
البلـــد: : 6 اكتوبر
الوظيفة: : مدير ادارى
الهوايات: : كرة القدم - الكتابة - القراءة
مزاجـى: :
نقاط : 6005
التقدير : 0
تاريخ التسجيل : 12/10/2010
| | موضوع: رد: البت باتعه للشاعر المصري أمين الديب الأحد أكتوبر 17, 2010 11:53 am | |
| هههههههههههه
واحنا اللى بنشيل فى الاخر يا هيما
هههههه | |
|
