اضحك من قلبك 2

واحد بلدياتنا بيهرج مع مراته فرماها من الدور العاشر فطلعت قالت له والله ما انا لاعبة معاك تانى

واحد رفيع قوى بيبص من خرم الباب بعينيه الاثنين

واحد بلدياتنا وقع على السلم فظهره وجعه .. راح للدكتور.. فكتب له مرهم وقال له إدهن مكان الاصابة.. فراح دهن السلم

سبعه بلدياتنا اشتروا عربيه سابعه راكب علشان يكسبوا منها، خافوا للسائق يسرقهم فضلوا راكبين معاه رايح جاى، لما لقوا نفسهم ما بيكسبوش استشاروا ابن عمهم خبير الاقتصاد فاقترح تغيير السواق

خمسة بلدياتنا بيلفوا لمبة فى السقف ...أربعة مسكوا اللمبة وواحد لف السقف !!!

واحد بلدياتنا معاه واحد صاحبه وطالعين ناطحة سحاب على رجليهم علشان الكهرباء مقطوعه وهما ساكنين فى الدور الـ 200 طلعوا للدور الـ 199 فبلدياتنا بيقول له فيه خبرين واحد حلو والثانى وحش فصاحبه قالوا قول الحلو الأول .. قال له الخبر الحلو أن احنا فى الدور 199 والخبر الوحش ان مش دي العمارة

واحد بلدياتنا راكب القطر ومعاه ابنه ومش عاوز يدفع له تذكرة .. فلما جه الكمسرى حط ابنه فى شوال ومسكه بايده برة الشباك فالكمسرى بيقوله ايه اللى مطلعه فى ايدك برة ده .. فدخل ايده جوة وقال له ما فيش حاجة.

ما وجه الشبه بين الموز و التفاح؟ الاثنين لا يصنع منهم عصير جوافه

اتنين بلدياتنا زهقوا من الأليس عليهم فسافروا الهند.أول مانزلوا من الطائرة لقوا الهنود بينحنوا عشان يحيوهم فواحد منهم سأل الثاني هما بيحترمونا كدة لية؟ قال له أصلهم هنا بيعبدوا البقر.

واحد لقى اوتوبيس مكتوب عليه السيدة زينب قلع الجزمة وركب

واحد مسطول بيقول لصاحبة المسطول أنهاردة كام فى الشهر فقال لة أربعين فرد علية المسطول الثانى وقالة لحقنا نوصل لنصة

واحد وقع من الدور الثاني لقى مصرعه ، وواحد وقع من الدور الرابع لقى حتفه ، وواحد وقع من الدور الثامن لقى الاثنين مع بعض

واحد كسلان دخل للحلاق فقاله الحلاق شعر ولا دقن قاله شعر قاله ارفع راسك قاله خلاص خليها دقن

واحد بلدياتنا واقف و معاه ارنب فعدّا عليه واحد و قال : بكام الحمار اللي معاك ده؟ فقاله: ده ارنب يا عم ! فقاله:ان مش بكلمك انت..انا بكلمه هو!

واحد راح للدكتور بيقولوا يا دكتور كل ما اكلم واحد ينام مني ........... يا دكتور ........... يا دكتور

مره عشرة بلديتنا ماشيين ورا بعض وقعوا في حفرة واحدة

مره واحد بلدياتنا ، جه يًًزوّّر فلوس ، فقال يجرب ورقة عشرين جنيه ، فراح رسمها كويس أوي ، وكتب بدال العشرين .. تمانتاشر ونزل مصر عشان يفكها ، فقال لواحد ممكن تفكهالي جنيهات ، فقله الراجل زورتها ازاي ، فبلدياتنا خاف ، و خد بعضه و رجع بلدهم و بيفكر ازاي الراجل عرف انها مزورة ، فراح يجرب يفكها من ابن عمه ، فقال لابن عمه ممكن تفكلي تمانتاشر جنيه دي جنيهات ، فقله ما فيش جنيهات فكه ، تاخد ورقتين بتسعة ..

مرة واحد راح للدكتور قال له يا دكتور لما احط ايدى على عينى ما بشوفش حاجة الدكتور عملة عملية خرملة ايدة