اصلة معداش على مصر

ماشفش الامل في عيون الولاد وصبايا البلد

ولا شاف العمل سهران في البلاد والعزم اتولد

ولا شاف النيل في احضان الشجر

ولاسمع مواويل في ليالي القمر

اصله معداش على مصر .. يا حبيبتي يا مصر

1- ماشفش الامل فى عيون الولاد اللى بيدخلوا المدرسة ولا تعليم ولا احترام من مدرس فاضل ولا وزيركان سابق ولا علم كان نافع مشفش الامل فى عيون الولاد اللى اتخرجوا ولا شغله ولا غيروا منين اصل الحاجه عائشة قالتها بالفم المليان (مفيش تعيين ومفش شغل واللى عاجبة عاجبة مش عاجبة يشتكى) قادر وتعملها.
مشفش الامل فى صبايا البلاد اللى كانت البنت منهم زمان بتتجوز 17 سنة ولما يبقى عندها 20 سنة تبقى ام لطفلين وليها بيت بيجمعها لجوزها سابوا البنات تكبر لحد 30 و35 سنة لحد ما العنوسة زادت بقت 23مليون بنت عانس فى مصر وادى الامل الامل اللى بيغرسوا فيه الفحشاء وبيشجعوا البنات والشباب على الحرام وادى الامل.
2- ولا شاف العمل سهران فى البلاد العمل اللى بنعملة بنسهر على القهاوى بالليل وياسلام لو حجرين شيشة ولا واحد صاروخ محشى من واحد جاى منهم عايز يدمر فينا صاروخ يعدل احلى دماغ بس ياترى هيعدل دماغهم هما كمان ياترى هنلحق نكون اجسمنا من جديد ياترى هنولد عزم جديد ياسلام على العزم عزم الفراخ البيضاء عزم وقوة فعلا عزم العمال اللى بيحفروا فى الصخر فى الصحارى طول النهار فى عز الحر شقيانين تعبانين وكل ده من غير عزم العزم من عند ربنا 0
3- ولا شاف النيل فى احضان الشجر النيل نهر من انهار الجنة وياليتة ليس منها النيل اللى الاجانب عرفوا قيمتة اكتر مننا وقال هيرودوت( فيه مصر هبة النيل) وجت من بعده دكتورة فى الجامعه قالت سورى هيرودوت مصر ليست هبة النيل النيل هو اللى هبة مصر لان النيل بيمر فى 11 دولة بيقى كده النيل هبة ال11 دولة لكن مصر هيا اللى بتزيين النيل النيل اللى عمك صاحب ال7 مصانع دفع اكتر من 500000 جنية علشان ياخد قرار بالبناء جواره ويلاقى مكان يرمى فيه مخلفاتة هو ده النيل نيلنا نهر من الجنة ياترى الجنة دى مصر هتبقى جزء منها والشجر اللى النيل حضنة الشجر اللى اتزرع بكفاح فلاحين وكفاح انسان جه واحد حرام اننا نقول عليه انسان حطلنا فيه مبيدات مسرطنة علشان كام مليون ياعم روح شوفلك كام مليون شجرة ازرعهم خدلك بيهم كام بليون حسنة احسنلك عند ربنا كتير من كل فلوسك والى ربنا يحرقة وجه من بعده زعيم كبير سحب المبيدات ودخل اسمدة شفتوا عمركم فاسد يسلم فاسد المفروض يعنى من فساد لصالح لكن دول العكس خالص ولسة ربنا هيعمل كمان وكمان.
4- ولا سمع مواويل فى ليالى القمر سمع العنب والبلح والخيار سمع كلام جنان من انسان مش انسان كلام جميل ولا له مثيل وازاى هيبقى ليه مثيل من بعد ما كنا بنقول كلام جميل من بعد درويش ومكاوى وعبدالمطلب جالنا بعرور ساحب معاه العنب وسمعنا التانى بيدور على نفسة مش لاقيها انا ومش انا مش مصدق نفسة من صدمتة فى نفسة اصلة مش انسان وبالتالى لايوجد له عقل تحبوا تشوفوا ايه كمان تشوفوا الفن الاصيل تشوفوا الفن الاصيل ولا نفضل مع العيال تشوفوا البنت اللى قالت اخيرا اتجوزت ولا اللى قالت اخيرا اتجراءت.
5- شوفوا ليالى القمر القمر اللى مبقناش نشوفة دلوقتى زى زمان دلوقتى الحزن كاسية وحاجب نورة عنا غضبان ماهو غصب عنا كان زمان بيحتفل بيه الرسول ويصمله التلاتة القمرية دلوقتى بنحتفل بيه احنا كمان لكن فى ليالى التلفزيون وفى شارع الدول العربية نروح الهرم سوا نلاقى القمر ظاهر هناك كمان بس فين فى ملهى ليلى ظاهر قاعد كاسى بنات الليل العرايا للاحتفال بتمامه اهكذا يكون الاحتفال بليالى القمر ياخسارة عليكى يابلد فعلا اصلة معداش علي مصر أخ كنت هنسى اسف اصلى نسيت اقول لاء عدى والله عدى بس كان يوم من غير قمر يوم ظلام عدى العملاقة الامريكية بالسلاح من قناة السويس علشان تضرب فى اخواتة العراقيين شفتوا ظلمناه ازاى وقلنا معداش عدى ياجماعه بس مسبش حقة طلع بعملتة وطلع بالنسبة وايه بالدولاد رمى عملتة بإيده تحت رجلة وشغل غيرة معاه وفاكر نفسة كسبان بس والله مهما كسب هيفضل خسران شفتوا ياجماعه شفتوا كانوا بيعلمونا يوم6 اكتوبر علشان نطلع نعمل الحفلة بتاعة الانتصار العظيم وتغنى شادية بس ياخسارة الغنى كان كدب ضحك من ورا القلب كلام غير الكلام وتفسير غير المعان ياخسارة يابلد النيل ياخسارة يابلد ياخسار يابلد عرابى ومصطفى كامل وسعد زغلول واه واه يابلد.
اصلة معداش على مصر.

مصر احسن من كده يا عبد العزيز
ليه دايما فاكرين الجانب السيئ بس
مصر بخير

دمعة قمر كتب :

مصر احسن من كده يا عبد العزيز
ليه دايما فاكرين الجانب السيئ بس
مصر بخير

اختى الجميلة دمعة القمر مصر مكان كريم وبلد عظيم والا مكنش ربنا ذكرها فى القران فى اكتر من موضع مصر فيها خير كتير جدا ومش بذكر الجانب السئ بس لكنى هقولك حاجه صغيره وهتقدرى تستوعبيها الجانب السئ ظاهر اكتر لان كل اللى فيه بيلعبوا على كده زى مصباح علاء الدين بيفضل اللى لاقاه يحك فيه جامد دول كمان بيمسحوا جامد فى مصر بس فى الجانب السئ وعواقبه بتظهر فى المجتمع اما الجانب الجميل اللى المفروض نحافظ عليه وننمية ثرواتنا ودينا واسلامنا ومعالمنا السياحية الكل اهمل فى الحجات دى ده السبب اللى مخلينا بنقول عايزين راجل يمسك بلدنا ويديرها صح
اختى الجميلة دمعة القمر انا قولتها فى الدستور افتخر انى مصرى ولكن عار على ان اكون تحت طائلة حكام مث هؤلاء

دمعه القمر ردك جميل جدا وانتمائك لبلدك اجمل تحياتى اختى
ياريت كل الشباب زيك كده

ياترى معداش ليه؟

1- مكنش فاضى

2-الطريق كان واقف

3- ولا صحى متاخر

اللى يعرف الاجابة يتصل ب 123456789

شوفوا الرخامةبتاعت شاردة

بسم الله الرحمن الرحيم

الاجابة
تونس

عبد العزيز مصر جميلة جدا وكويسة

بس احنا كمان السبب في الخراب والبهدلة دي

وعلي راي الريس في فلم طباخ الريس

انت متعرفش مين اللي كان بيقعد هنا ( النيل ) احمد شوقي
تعرفه

اه طبعا احمد بيه شوقي ريئس مباحث مش عارف ايه

احنا اللي بنرمي
وبنوسخ
وبنخرب
وسبب في كل الفساد اللي مصر فيه
لما نصلح نفسنا
الحكام هتتصلح

تحياتي

سؤال جميل يا شاردة
بس اظن ان الطريق كان واقف
زى ما هو واقف دايما
بس ياترى ممكن اعرف الغرض من السؤال
ياريت يا شرادة
ولو هتردى على اجابتى
اتصلى عليا
تحياتى لكى اختى
دمتى بخير ومشكورة لمرورك العطر

بسم الله الرحمن الرحيم
ان الله لا يغير ما بقوم حتى يغيروا ما بأنفسهم
صدق الله العظيم
بس مش معنى كده يا هيما ان المسؤليه كلها على الشعب
سوء اختيار الادارات بيبقى من الحكومة
وسوء اختيارنا لحكامنا يؤدى فى النهاية الا
الفساد
تحياتى لك هيما
مشكور لمرورك اخى الكريم

الاختلاف في الرأي لا يفسد للود قضية

المبداء واحد يا هيما
وكلنا عارفين الفساد جاى منين
ولا ايه رئيك

هههههههههههههههههههههههههه

وهو في راي بعد رايك

تسلم يا غالي