يا روح الشهيد

يا روح الشهيد طيرى طير....وباركى اخواتك فى التحرير
دمك طاهر نقى وشريف....طالبت بحقك وانت عفيف
طالبت بحقك وحقوق جيلك....لقيت رصاص الغدر يجيلك
والبسمه لسه على جبينك....ودموع صحابك وهم شايلينك
وزمايلك ديما فاكرينك
بيقولوا مكانك لسه هنا....لسه نبضك وسطنا
بيضمنا- أصل حلمك حلمنا.....هنكمل وانت فى قلبنا
صوتك أكيد هيشدنا...ورد الجناين يطرح هنا
كان شعارنا سلميه....قبل غدر الداخليه
بيقولوا وزيرها اسمه حبيب...وهو عن الوطنيه غريب
ضربته ملهاش طبيب......وكأننا فى سجن أبو غريب
إعتقالات وكمان تعزيب..قسم الشرطه نار ولهيب
إنت طوارىء ظرفك طارىء.....الشرطه فى خدمه السارق والمارق
وقفت فى التحرير بين المفارق....طلقات فى مينا ومحمد وطارق
رحلتك رحله كفاح....جمعت من رجالتك كل السلاح
وقلت الشرطه خلاص ترتاح....وخرج كل مجرم وهرب كل سفاح
طلعوا بسلاحك للدنيا البراح..... دخلوا للتحرير خلوه أسى وجراح

قرار الأنسحاب كان قرار مجنون....كان فرار للمجرمين من كل السجون
وكأنه سوبر ماركت خرج منه الزبون....بس صاحى شبابنا يصيبهم فى العيون
شباب طالب عداله يا عم عادلى ...بدل ما تحمينى فى الضلمه ليه تلبدلى
عاوز تضيع حلمهم بدرى....غصب عنك راح يطلع هنا فجرى


أ/مصطفى فتحى

(درش)