وزاره الماليه

موضوع: وزاره الماليه الخميس مارس 24, 2011 1:16 am

المالية وزارة فى العالى *** أمسكها بس وأطير طوالى
وأعيش وأحقق كل أمالى *** وهريح كل اللى فى بالى
وهوزعها يمينى وشمالى ***أصل الريس قال دى حلالى
ولو سألونى هقول وأنا مالى***بابا حبيبى بطرس غالى
وسرطان الزراعه يوسف والى***كان فى المجلس عضو مثالى
وفى الزراعه أحلى مجاعة***تاكل خضار تحتاج لإشاعة
ولو فاكهة تشد اللحاف*** لحد ما توصلك إســعـــاف
انت مصرى اوعى تخاف *** لعب عيال سرطان وجفاف
والى ويوسف عبد الرحمن ***جابوا مبيدات كلها سرطان
خدم الأسرة والسكان ***عشان عددنا يقل قوام
واوعى تعيب ع المبيدات ***إدتنا كتير ياما وفيات
وأرض مصر تئن وتبكى*** وعن ترتبها الغالية بتحكى
بس قولولى لمين راح تشكى* ** من غير مزاد باعوها فى توشكى
100 ألف فدان يا ولاد الحلال*** كانوا عملوا مشاريع تخرج الأجيال
لو كنا قولنا كده ورقعنا بالموالى***كانوا قالوا فيه طوارىء أو أمر اعتقال
الأرض دى حقنا رزقنا بالحلال***هنديها هديه للوليد بن طلال
وذكريا عزمى يا رئيس الديوان***اظهر بقى وبان وعليك الامان
عشت ليه بوشين ما كل شىء بأن ***غلبان..أبو اربعين ألف فدان
من أجمل الأراضى الخصبة فى أسوان***زرعتهم موالح تصدير للأمريكان
فى المجلس معارض ويا للعجب***تزعق ع الفساد وتقول بقى للركب
حرام عليكى يا ثورة يناير ***فتحتى ليه عليهم النور والستاير