عرَّافٍــة البحر

ع البحر ماشي في يوم
كان عيد لكنه غيوم
والنور يادوب طالع
عَرًافه ندهتلي
عملت مش سامع
جت جمبي وقالتلي
مالك كده مهموم

قولتلها مش ناقصك
متقفليش يومي
وسيبيني ف همومي
لا يبقي يومك يوم

وايدي ع المطوه
بعدت بعيد خطوه
لكنها باصرار
جت قربت تاني
وكلام كما الاشعار
بتقوله ف وداني

مالك حزين كده ليه
والحيره في عيونك
مين اللي تاه تِناديه
في البحر بهدومك

تعالي شوف الوَدَع صدقني ماهَغِشك
وافتح كفوفك كده شوف ايه مخبيه
ده الكف فيه اسرار ماتْبَانْش علي وشك
شايفه ف عنيك كلمةْ ماتغوري ياوليه
الكلمه اهي باينه ومن عنيك طَلًـَه

لا تغوري ولا تُقفي انا اللي ماشي خلاص
انا اصلي مش ناقص منك كلام تخاريف
حافظاه وبِتْكـَرر تغشي بيه الناس
واهي مهنه واخداها بتقضي بيها الصيف
واللي بيسمعلِّك يخرج من المِلـًه

وحظي انا عارفه
ماهوش بايد مخلوق
رب العباد كاتبه
مابين غروب وشروق
لابايدي ولا ايدك

ارجوكي من فضلك
سيبيني بقي امشي
ولو الفلوس غرضك
خديها اهي وامشي
وكأنها عيدك

يعود عليك بالخير
والفرحه تسمعني
دانا جايه قاصده الخير
طب ليه بتمنعني

ولو الفلوس غرضي
مالناس اهي كتيره
فَـَكِرني شحاته؟
دانا راكبه خنزيره

ياستي مش قصدي ..يايوم ماهوش فايت
انت هتضربني؟ طب هات يا واد ايدك
ولا ايدي ولا رجلي وخلاص انا ساكت
طب وحد الديان وصلي علي سيدك
عليك صلاة الله وسلامه يانبينا

جرب هتخسر ايه اطلع من الميه
وان شوفتني خرًفت سيبني أوام وامشي
خد رمله من شطك بالملح مَسقِيَّه
وامسكها بين ايدك حَرَّس ماتنزلشي
واهدي بقي علينا

الدنيا ومافيها نعسانه علي رِجلك
شايفها ليه قُمْقُم دي الدنيا يابني براح
شايل هموم الناس ولا حد شال همك
وفرحتك دايما ساحبه ف اديها جراح
بدأنا اهو نغني وده اللي قصدي عليه

حواليك كتير نسوان ف دماغها حطينك
حذاري كيد النسا ع الشر ناوينلك
واللي رايدها هواك بعيده عن عينك
بتجري ورا طيفها وهو بين نِنَّك
لو صح صلي عليه
عليك صلاة الله وسلامه يانبينا
بتداوي كل الناس
تنزف ولا تقولشي
من طبعك الاخلاص
يخونوك وماتخونشي

الكدب مش طبعك
والغدر ماتحبوش
قلبك قوي مطاوعك
وانت مابتطوعوش

بس الوجع ساكنُه
بيهده ويهدك
سنين كتير راكنُه
وقافله علي حبك

حوالك كتير نسوان
بس انت مش رايد
عشقت مره زمان
وبعشقها معاند

تنزل دموعها عليك
تمسحها من عينك
لكنها مش ليك
ولا حتي من طينك

فابعد بعيد عنها
وكفايه جرح قلوب
ساكناك وساكنها
بس القدر مكتوب

ولامتي يابن الناس
تحبس كده طيرك
وتعيشلها باخلاص
وهي مع غيرك

تدفع حياتك مهر
ومهرها مدفوع
وتعيش في هم وقهر
علي قلبها الموجوع

ماتسيبها للي قضاه
رب العباد ليها
وسيبها عايشه معاه
وادعيلها يحميها

واوعي تقابلها ف يوم
دي النفس امًاره
وقبل بقي ماتقوم
خد مني دي أَّماره

إن الهموم هتروح
والجاي اكيد احسن
والقلب لو مجروح
علي ايدي يِتْحَسِّن

الرمل جوه ايديك
ماسك عليه لسه
خده قربه لعنيك
وَشْوِشْلـٌه كام همسه

وقوله خد همي
بحق يوم العيد
وامسح خطوط المي
خدهم وطير لبعيد

وَحِّد بقي ربك
ونبيك تصلي عليه
افتح كده كفك
وقولي شايف ايه

الرمل ملهوش أثر
ولا حَبه موجوده
قلبك خلاص انتصر
طب فين بقي الجٌوده

إديتها مطلبها
وسيبتها ومشيت
خايف لاصدقها
لقيتني انا اتغميت

ورجعت كلي هموم
اكتر من الاول
ياحي ياقيوم
ياهادي يا اول

اغفرلي واهديني
ودلني ع الخير
يارب وِإديني
من فرحتي قناطير

يارب مؤمن بيك
علي وجعي قويني
انا روحي ملك اديك
خدها فِدا ديني

يارب عبدك تاه
علي بر رسيني
خليك يارب معاه
احميها واحميني

هذا هو عاشق بلا حبيبه
يااااااااااااااااااااااااااااااااااااارب

اغفرلي واهديني
ودلني ع الخير
يارب وِإديني
من فرحتي قناطير

يارب مؤمن بيك
علي وجعي قويني
انا روحي ملك اديك
خدها فِدا ديني

يارب عبدك تاه
علي بر رسيني
خليك يارب معاه
احميها واحميني

ياريتك تسمع كلامها وكفايه بقه عند مع نفسك

ربنا يسعدك

بجد كلام جاااااااااااااااامد واستمتعت وانا بقرءاه اووووووووووووووووووووووى

تسلم ايدك يا عاشق ولكن بلا حبيبه

ربنا يبعتلك الحبيبه اللى تخطف قلبك

» ذبد البحر
» ايها البحر
» فى حضن البحر بكيت
» على شاطىء البحر
» ايها البحر