احبائى اعضاء منتدى ســــــاندى
انا مش مصدق اللى انا هقوله ده بس دى الحقيقه
لو سمحتم ممكن تسيبو المنتدى وتمشو
ولا لاء ده كمان لازم تسيبوه
دي نصيحتي ليكم يا جماعة
اطلعو من المنتدي دلوقتي حالا
عارفين ليه ؟؟
واهوه انا قبلكم هطلع كمان
مستغربين ليه !!
بتسألوا ليه !!
عايزين تعرفوا ليه مش كده !!!
اول حاجة :. اطلعو من المنتدى
وقت الصلاة
اخواني واخواتي لما تسمع صوت التكبير والادان سيب كل اللي في ايدك وقوم صلي
الصلاة نور لصاحبها في الدنيا وفي الاخرة
قال تعالى:"إن الصلاة كانت على المؤمنين كتابا موقوتا" ، سبحان الله و كأننا نسمع الآية لأول مرة...
تاني حاجة :. اطلعو من المنتدى بس
لو والدك او والدتك طلب منك حاجة تعملها
متقولش كمان شوية بس اخلص اللي ايدي
انتا تقوم بسرعة
وربنا هيوقفك
قال عز وجل:"و قضى ربك ألا تعبدوا إلا إياه
و بالوالدين إحسانا"
تالت حاجة :. اطلعو بس من المنتدى
لو شوفت اهلك قاعدين مع بعض
جلسة عائلية يعني قوم اقعد معاهم
واسمع كلام الصغير والكبير علشان تكون واصل للرحم
وصدقني الكلام ده بيأثر وليه فوايد كتيير
قال صلى الله عليه و هو يُخاطب حنظلة:" يا حنظلة
ساعة و ساعة".
رابع حاجة :. اطلعو بس من المنتدى
لو جه عليك صاحبك وعايز يقعد معاك ..
مش مشكلة قوم اقعد معاه ..واتكلم معاه
يمكن عايز يقولك حاجة تهمك في حياتك
بس مقابل ده كله......
ما تطلعش من المنتدى
لو كنت بتفيد اخواتك وبتنزل مواضيع مهمة الكل
هيستفيد منها
ما تطلعش من المنتدى
لما يكون ليك صداقات ..تجمعها محبة الله ورسولة
والاسلام
صداقة بمعني الصداقة
ما تطلعش من المنتدى
لما ترد علي موضوع مهم لانو ممكن اللي بعدك يرد عليك
وتسيبو وبكده ..هيكون محتاج ردك ..وانتا بكده هتعلقو
و
الموضوع هيفقد قيمتو لو موصلتش فكرتك صح
ايه اتخضيتوا ...تعيشوا وتاخدوا غيرها
ااذا كان انا مقدرش استغنى عن المنتدى ازاى هقولكم امشوا منه
اوعوا تصدقونى تانى المره الجايه