يجب ان ينظر الانسان الى المستقبل من بؤرة تتسع معها افاق الحياة
وهذا يتفق مع ميكانيكية المنظومة الاستراتيجية للاجيال المختلفة
وفالواقع البحر مليان بالقواقع =================================================
نكت جديدة يا رب تعجبكم
1- مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحة
2- مرة واحد غبي ابنه قاله انا عاوز موبايل ابوه قاله موافق بس بشرط تركب اخواتك معاك
3- إتنين أغبية إشتروا حصانين وعاوزين يفرقوهم عن بعض راح الأولاني قطع ديل حصانه وقال لزميله أنت حصانك ديله مش مقطوع قاله لا مش باينه، راح شوية ورجع راح قاطع رجل حصان زميله وقال له حصانك رجله مقطوعة قال له لا مش باينه، راح قاطع راس حصانه ورجع قاله حصانك راسه مش مقطوعة قاله بيتهيألي أوضح حاجه إن حصانك بني وحصاني أبيض
4- مره اتنين مجانين اتفقوا انهم يهربوا من المستشفى واحد قال للتانى لو لاقينا الصور عالى هنهده لو لاقيناه واطى هنط من فوقيه التانى قاله ماشى راحوا مالاقوش صور خالص قالوا يخساره المهمه فشلت
5- مره قرية كلها أغبيا كان فيها حفره كل يوم واحد يقع فيها عملوا مجلس علشان يشوفوا
حل للحفره دي قام واحد وقال يا جماعه احنا نحط عربية اسعاف جنب الحفره علشان المصابين يتنقلوا بسرعه قام التاني قال احنا نبني مستشفى جنب الحفره علشان يتنقلوا أسرع قام التالت قالهم يا جامعه انتوا مغلبين نفسكم ليه احنا نردم الحفرة دي ..ونحفر واحدة تانية جنب المستشفى
6- واحد غبي جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الاخير لركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "يا عم دول طالعين رحله .. انا طالع شغل
7- بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين؟
8- بيقولك 2 حرامية حبوا يسرقوا شقة واحد ففى واحدنط فى البلكونة فالراجل مسكة فقالة انت بتعمل اية هنا قالة بص ياعم الحج انا كنت بحارب الاعداء بالطيارة بتاعتى وفجاءة انضربت ونطيط بالبرشوت هنا راح الراجل قايلة ايوة كدة انت بطل مش التانى اللى نايم فى البانيو ويقولى ضفادع بشرية
9- مرة واحد غبي ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة
10- اتنين سكرانين بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو اظاهر انها الحلقه الاخيره
11- سكران بيتمنى رمضان يبقى زى كاس العالم كل اربع سنين وكل مره فى بلد
12- واحد غبي كان بيدق مسمار في الحيطه فوقع فقاله تعالى ما جاش، تعالى ما جاش، قام جاب شويه مسامير ورماهم عليه وقالهم...هاتووووووه
13- واحد مسطول راح صيدلية يشترى جبنة حاول الصيدلى يفهمة ان مفيش جبنه بتتباع هنا وشويه و مسطول تاني جه، فالصيدلى قاله فهم صاحبك ان مفيش جبنه بتتباع هنا قال لة ياعم سيبك منة دا غبى ادينى بنص جنيه لانشون
14- محشش قطع رأس أخوه وهو نايم...وقعد يضحك ويقول: هيتجنن لما يصحى الصبح وميلقهاش
15- واحد غبي رجع من السفر لقى الشقة مليانه صراصير.. غير قفل الباب
16- عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!
17-اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش===================================================
ودول شوية قصص طريفة قابلتنى لذيذة فعلا يا رب تعجبكم
1- إذا أخذت وقت طويل في عمل ما فأنت بطئ... لكن اذا أخذ رئيسك وقت طويل في ذلك فهو دقيق. اذا لم تعمل ما كلفت به فأنت كسول .. لكن اذا لم يعمل رئيسك ما كلف به فهو مشغول. اذا عملت خطأ فأنت أبله .. لكن اذا عمل رئيسك خطأ فهو بشر. اذا كنت في اجازة مرضية فأنت دائما مريض.. لكن اذا كان رئيسك في يوم اجازة مرضية. اذا اتخذت موقفا ما فأنت أرعن... لكن اذا عمله رئيسك فهو حازم. اذا أسعدت رئيسك فأنت متملق... ولكن اذا رئيسك أسعد رئيسه فهو متعاون. اذا عملت شئ ما بدون أن تكلف به... فأنت متجاوز لصلاحياتك... اما اذا عمل رئيسك نفس لشئ فهي مبادرة. اذا خرجت من مكتبك بالتأكيد انك تتجول في الخارج... اما اذا فعل رئيسك نفس الشئ فهو في مهمه عمل. إذا أغمضت عينيك فأنت نائم... اما اذا أغمض الرئيس عينيه فهو يفكر في طرق تطوير العمل.
2- انا دوللى مرة كنت خارجه انا وماما واختى وحصلى موقف وحش قوى، انا اتاخرت فى اللبس وماما استعجلتنى خالص وبسرعه المهم نزلت وانا خارجه من باب العماره لقيت الناس كلها بتبص لى قولت يمكن انا اموره انهارده حبتين، فرحت وقولت والله كويس وركبت العربيه وروحنا المعموره وبرده لقيت الناس عماله تبص لى وتضحك، ولقيت واحد ولد معجب بيا فرحت وقولت لماما "عايزه اروح الحمام بتاع الكافيه" وانا جوة وعماله اسرح شعرى فجأه ببص لقيت نفسى لابسه فرده شوز كوتشى والتانيه كلاسيك روحت مصوته وزعلت ساعتها علشان كل الى كانوا بيبصوا لى ويضحكموا وكنت فكراهم معجبين بيا اتاريهم بيضحكوا عليا.
3- انا كنت في يوم مروح و ركبت الميكروباص ورا السواق و طلع جمبي طفل صغير مع امه، فالولد ده اجتماعي قوي فقالي "اسمك ايه" قولتلوا "محمد" قالي "و انا محمد مجدي الغيطاني، انت تعرف بابا؟" و انا زي الامور قولتلوا "دا الحاج مجدي ده حبيبي" المهم قعدت اكلمه في وسط الكلام قولتلوا "دانا لسه مقابل والدك الحاج مجدي امبارح" قاللي "قابلته فينن يا كذاب ده بابا مسافر البحرين" طبعا انا قولت علي جنب يا اسطي و نزلت من العربيه من كسوفي و الركاب اعدوا يضحكوا عليا
4- نا مرة كنت راكبة ميكروباص انا واخوي الصغير وهو متعود انه يقعد على رجلى دايما واحنا قاعدين كانت فيه واحدة ادامنا شعرها قصير وكانت حاطة بنسة في شعرها راح كريم اخويا بعلو صوته في الميكروباص كله قالى الحقى يا بوسي الراجل اللى ادامك حاطط بنسة في شعره رحت قلتله بس يا كريم دي ست راح قالى بصوت عالى يا لهوي وكمان عامل نفسه ست طبعا الميكروباص كله فطس من الضحك وكان شكلى محرج اوي ادامها
5- مجوعة من الطلبة كانوا امام احدى الجامعات واقفين بيشتروا ساندوتشات- واحد بيشترى والباقيين واقفين وراه وعندما انتهى البائع سأل الطالب اللى واقف قدامه: تيك اواى وظهر عدم الفهم على وجه الطالب الذى رفع صوته الى زملائه تيك اواى فصمتوا جميعا الا واحد رد عليه: قللوا يحط بس ما يكترشى
6- كنا بنلعب كورة فى الملعب فى المنطقه عندنا ومندمجين وكل فريق عاوز يغلب علشان يزل الفريق التانى عدت عربيه من جنب الملعب فى وقت واحد كان بيشوط الكورة فى العالى مرت من فوق العربيه السواق برد فعل غير عادى وهوا جوا العربيه وطى راسه ساعتها كل الى فى الملعب وقعو على الارض من كتر الضحك حتى الراجل بصلنا وضحك ورمى علينا السلام وكان من احلى المواقف الى مرت علينا فى لعب الكورة
7- في أحد الأيام كنت أنا وأصحابي نتمشى، أمام أحد البيوت سمعنا صوت صراخ و أصوات ارتطام، بصينا لبعض وقلت يلا يا رجالة نطلع نشوف فيه إيه، طلعنا بمنتهى الشجاعة بسرعة وفي الدور الثالث وجدنا واحد ماسك سنجـة كبيرة في إيده وبصوت مثل الرعد بص لنا وقال فيه حاجة؟؟ وفي ثانية تبدلت شجاعتنا لجبن وأصبحنا مثل الفئران المذعورة ونزلنا مشتتين كل واحد مننا طلع يجري في ناحية، كل واحد مننا راح بيته وأفتكر إننا قعدنا أسبوع ما شفناش بعض بعدها.
موضوع: نكت جميلة لكم يا رب تعجبكم 
السبت يونيو 16, 2007 5:23 pm
