لو عندك الشجاعة قولها

السلام عليكم ورحمة الله وبركاته
هاى عليكوا ازيكوا كلكم بنوتة بنوتة و ولد ولد
اة تفرقة عنصرية بسلم على البنات الاول طبعا

عندى فكرة بس مش عارفة الكل هيوافق عليه ولا لاء
عايزة حد جرىء وصريح وصادق مع نفسه اولا وبعد كده معانا
المهم انا عايزكوا تحكوا اصعب مواقف اتعرضتوا لها سواء كانت حزينة أو فرحة او مضحة وساعات كتيرررر محرجة المهم نكون عندنا الشجاعة نقولها وعشان اكون صريحة معاكوا هبتدى انا

اكتر موقف محرج اتعرضت له وفى نفس الوقت ضحكت عليه بس بعدين
لما حبيت اخض اخويا وكان مسافر استخبيت فى شنطة العربية عشان لما يفتحها يحط شنطته اخضه
اعدت بتاع عشر دقايق فى الشنطة وده مجاش ومقولكش بقا على القعدة عرقت وشعرى اتفك والسر الالهى كان هيطلع وشوية العربية اتحركت قلت لا بقى الموضوع هيقلب جد فخبطت عشان ينزل يشوف ايه فى العربية فتح شنطة العربية والحقيقة اتخض طبعا بس مش هنا الاحراج الاحراج انه مكانش لوحده كان واحد صاحب وثانيا كنا فى وسط الشارع وطبعا نزلت من الشنطة وانا بندم انى مستخبتش فى الكنبة ورا ومفيش داعى اقولك على الاحراج واللى غاظنى انه صاحبه لحد دلوقتى لسه بيضحك على الموقف مع انه عدا 4 سنين

يلا انا مستية مواقفكم الحلوة والوحشة اللى تضحك و المحرجة و متخافوش سركو فى البير محدش هيعرف غيرنا ومن جهة الحواديت دى انا عندى مواقف كتيررررررررر

انا الموقف المحرج با لنسبه ليا ان انا كنت بحب واحده فا اهلى ماكنوش موافقين عليها فا اتفشكلت وهيا اتخطبت فا هيا بتيجى عند بنت خالى فا بقعد استنها عند واحدصاحبى تحت البيت علشان اشوفها بس والله العظيم فا مراة خالى تقول لى بن خالتى هو حماده قاعد علشنها فا بن خالتى يقولها لاء ده هو قاعد كده عادى ويقولها ان حماده مايعرفش ان هيا هنا اصلا ويكون بن خالتى هو الى قايلى ان هيا هنا فهو ينزل يقولى على الكلام الى مرة خالى بتقوله فا اقوله انا ماشى لان انا بتحرج جامد بس

الموقف المضحك ان كنت خارج انا وبن خالتى وصحابنا فا فى عندنا فى دمياط حاجه زى مقام فى ناس تولع شموع ومداد ياسيدى الهلول هههههههه فا كان فى 2ستات واقفين ومعهم بنت فا واحد من صحابنا عاكس البنت دى تقوم ست من الى واقفين دول تضرب بن خالتىمع ان هيا كانت عاوزة تضر ب صا حبنا ده مع ان بن خالتى ماعملش حاجه تخيلوم الست دى تطلع ايه هههههههههههههههههه تطلع عندها (حول) فى عنيها انا اسف للاطاله بجد والله الحاجات دى حصلت بجد

ههههههههههههههههههههههههههههههههههههههههه بصرحا كان شكلك وحش ههههههههههههههههههههههه انا اكتفيت اني اضحك عليك بس علي شان التفرقه العنصريه بتعتك

ميرسى على مشاركتك يا حمادة اثبت شجاعتك
وميرسى لمشاركتك يا هيما ومش هتخلى عن موقفى الذوق والمفروض ان البنات اول خليكوا كده مفروسين منا هههههههههه بهزر والله

انا حصل معاية موقف عمرى ما هنساة وهوة ان اخويا كان جى من السفر ومن كتر ما انا عايز اشوفة استنيتة على اول الشارع من الساعة 8 مساء حتى الساعة3.5صباحا واتضح فى الاخر انة دخل البيت من الناحية التانية بعد انا ما نزلت بخمس دقايق ولما رجعت وسئلتة طيب انت لية متصلتش بية علشان تعرفى انك جيب قالى اصل انا مكسل اقوم اجيب الموبايل من الصالون والنبى ممكن تجيبهولى علشان اطمن واحد صحبى انى دخلت البيت

وفى موقف حصل قدامى فعلا وبسبب الموقف دة كان هيجيلى حالة نفسية والموقف عبارة عن انى كنت واقف على طريق الاوتوستراد وفجاة لقيت شاب بيعدى الطريق بسرعة وفجأة تيجى عربية من الناحية التانية وتخبطة ودوس علية بالعجلتين بس الحمد لله قام وزى الفل لكن من الخضة بيريح قلبة وهوة قاعد على الاستراحة سند على عمود اتكهرب مات ...........(سبحان الله)

ميرسى على مشاركتك بس بجد الموقف التانى صعب اوى اوى

بصراحة مش متزكرة مواقف محرجة ليا خالص بس ممكن ليا مواقف غبية او حزينة لكن محرجة مافتكرش [/u]

مش فاكره خالص اى موقف ولا فاكره اى حاجه فى اى حاجه حاسه انى فقدت الذاكره

انا أسوأ موقف حصلي إني عرفتك ههههههههههههههههه ولى نسيتي ايام الطققان ههههههههههههههههههههه بيني وبينك مش فاكر قوي قوي يعني

انا بقا حياتى عباره عن مواقف متواصله لدرجه ان ماما بتقولى اعملى كتاب وسميه يوميات سما على سبيل المثال وليس الحصرانى فى مره فى رمضان كنت راجعه من الجامعه مقتوله المهم الكل نزل يصلى التراويح معادا انا واخويا الكبير دخل نام المهم خدت دوش وبعدين سرحت شعرى وكسلت المه ونمت على الارض ادام التليفزيون وكنت بتفرج على فيلم رعب وعند ما كان الوحش هيهجم على واحده النور قطع وانا خلفى اتقطع فقومت اقعد على الكرسى فراح التليفون رن فجاه كل ده والنور قاطع المهم قومت نورت شمعه وحطيتها فى اول التورئه ودخلت اصحى اخويا اترينى كان شعرى وقف من الخضه وكنت لبسه ازدال بس منزلاه من على راسى وتخيلو ضوء الشمعه جاى من ورايا احمر كنت عامله زى العفريت اللى جاى من جهنم ورايحه اصحى الواد الغلبان ولسه بقوله اصحا يا ميدو النور اتقطع وانا خايفه والواد بيفتح عينه ولم عليا الدنيا والله وكان هيرمى نفسه من الشباك بس انا كنت مستغربه عمل كده ليه..ههههههههههه موقف تانى مضحك ..كنت فى الثانويه ومش عرفه الم ماده واخويا ميدو برده عمال يغتت عليا ويضربنى وانا مش عرفه اعمل زيه سكت لحد ما جه ينزل يقابل الجو وهوا لابس ومتشيك ونزل وبيعدى من تحت شباكنا وكنت انا مجهزه كيس ميه وروحت رامياه جاب الشياكه الارض اصل نزل فوق راسه بالزبط تخيلو المنظر وهوا واقف تحت الشباك وخايف حتى يبص لفوق وانا وقعت على روحى من الضحك لدرجه ان المجاوره طلعت الشبابيك تشوف فى ايه

اما الموقف المحرج هوا انى كنت بحب شخص واخويا ميدو برده كان عارف ففيوم ميدو قابل الشخص ده عالنت بس حبيبى مش كان يعرف انه اخويا وجت سيرتى فى وسط الكلام فرد حبيبى على اخويا وانا قاعده بانى مجرد عابر سبيل مر فى حياته يلا ربنا يسامحه بقا
معلش طولت عليكم

ميرسى يا تستوسة على مشاركتك ولو انك مذكرتيش موقف يلا ما عليا
وميرسى يا نهال الزهايمر اشتغل عندك بدرى
اما استاذ بيمو ده حسابه معايا بعدين
وبجد بجد يا سما انتى زى العسل ومواقفك بتفكرنى بيا واخويا بنعمل مع بعض عمايل سودة بعيد عنكوا

هههههههههههههه احلى حاجه ان اللى يدخل يفضل يضحك عليكوا واحد واحد واحده واحده يالا تفرقه بقى.............اللواء ديموووو

ماشى يا ديمو

بتضحك طيب اضحك وابقى شوف مين يسامحك لما تندم على اللى قلته ندم كبيرررر

:cyclops:

انا مش هكلمك بس عشان انريكى اجلاسيس يلا بقى لحسن يزعل منى

هههههههههههههههههههههههههه حلوة هتندم دى يا دودو

ههههههههههههههههه

يا خبر ابيض موقف يضحك طبعا

بس فعلا انتى كان ممكن يجرالك حاجه الحمد لله على سلامتك

انا عندى سلسله مواقف

بس هبدا دلوقتى باكتر موقف محرج بس اوعى حد يضحك انتوا هتفطسوا بس

كان بجد اكتر موقف محرج فى حياتى

كنت فى تالته اعدادى وكان عندى درس عربى

كان فى واحد فى الدرس مكنتش بحبه ابدا كان فاكر نفسه فلانتينو وكل البنات بتحجبه

المهم كنت نازله ع السلم
فاتكعبلت ووقعت

مش دى المشكله المشكله انه كان واقف وانا كان ممكن اخد السلم كله على دماغى

زحلقه لوللاا انى مسكت فين تخيلى

مسكت فى بنطلونه ههههههههههههههههههههههههههههههه

لولا كده كنت هقع بس انا بصى ع الاحراج اللى كنت فيه هههه بجد كنت خلاص هموت

مش لاقيه غير دجه وامسك فيه

اللى غاظنى انى قمت وقلقتله iam sorry مردش بص بصلى بصه زى ما يكون هيقول ايه البلاوى اللى بتتحدف علينا دى

كنت خلاص نفسى الارض تنشق وتبلعنى

الموقف التانيه مره تانيه ان شاء الله

اختك

فجر

هههههههههه

فى حبه مواقف تحفه بجد

بالزات بتاع سما اول واحد

وبرده اللى وقف يا عينى يستنى اخوه لو كان حصلى الموقف ده كان ممكن يجرالى حاجه

اختك

فجر