يا مصرى يا ابن العرب

:affraid: منذ أن ولدت و أنا اسمع أسم هذا البلد "مصر" تلعن على لسان الدول الاخرى و للاسف على لسان أبناءها
معرفش ليها بيشتموا فيها , لو موش عجباهم يسبوها يمشوا
هل موش عارفين ان كل اللى هى فيه ده بسببهم و بسبب أعمالهم
ماشى فى الشارع اسمع واحد يقول "امتى بقى يصلح حال البلد بنت......."
بعيد عن ابناءها شوية
المصرى أنسان محتقر فى جميع البلدان العربية
السؤال ليه؟
هل حقد , عداوة قديمة و لا ايه بالظبط
انا ادعى بل اجزم انه ازكى انسن موجود موش تعصب بل بسبب التركيبة العقلية و الاستعداد للتعلم
جميع النماذج اللى انا شوفتها رجعت من دول الخليج هربا بكرمتها
هل كلمة مصرى اصبحت شتيمة
مواطن محتقر جوه بلده وبره بلده
امتى بقى حنحترم نفسنا بينا وبين بعضا امتى
بعيد عن البلدان التانية
داخليا مافيش نظام سياسى هيتغير ببساطة لاننا شعب بيحب الدكتاتورية
والديمقراطية بالنسبة ليه فوضة
شعب منقسم الى طائفتين
طائفة بتجرى ورا لقمة العيش و شعارهم انشالله تولع انا مالى اللى يمسك يمسك
وطائفة منصبة نفسها المدافعة عن حق الشعب اللى هو اساسا مستغنى عن الحق ده فى الديمقراطية
لانه ما يهمهوش غير بطنه و الجواز
والطائفة دى تشمل الاحزاب امثال الوفد و كفاية و غيرهم
ده غيرهم الطبقة الحاكمة و طبقة "الحرامية"
موش عاوزين نحط رسنا فى الرمل
الشعب من جواه مخلخل
شعب بيشتم فى بلده و معندوش انتماء ازاى ننتظر منه حاجة

من كل اللى فوق نستنتج ان كلمة مصرى = شتيمة ------------------ ده 1

اضافة كلمة عربى الى كلمة مصرى تذيد الطين بله
امة فى ذيل الامم
تأخذ ولا تعطى و ترقص على انغام التافهه
تمد يديها لتأخذ وموش لتعطى
لا تشارك فى اى قرار او اختراع او عمليه تطورية فى العالم
الحى الميت هذا هو الوصف الدقيق
من حق هذا العالم ان يقول عفوا لقد نفذت كرامتكم ----------------- ده 2

اذا من واحد واتنين يتبين

"يامصرى !! يأبن العرب ! " دى شتيمة القرن
سجلت 2006 منقووول

عندك حق في كل حرف قولتيه لكنك مش أضفتي حاجه جديدة الكل عارف ان مصري ,,ابن العرب

بقت شتيمة
وكمان الكل عارف ان الشعب المصري اذكى شعب على وجه الأرض
ومحدش يقدر بنكر ده لكن؟؟؟؟؟؟؟؟؟
احنا عملنا ايه بالذكاء اللي بنتكلم عنه ده؟؟؟
شوفي اليبان اللي هما أقل منا في معدل الذكاء--وده أبحاث عالمية مش كلامي أنا-- شوفي استغلوا ذكائهم ازاي قارني بينا وبينهم هتقوليلي مفيش وطنية في البلدي هقولك لا في وفي كتير كمان الشباب اللي بيخرج بتظاهر وهو متأكد مليون المية انه هيروح يصيف ورى الشمس مش وطني؟
العالم اللي قالوا لا الحل مش في الحزب الوطني ميعتبروش وطنين؟
الأمهات اللي بتربي ولادهم علشان يحموا مصر ويدفعوا على عنها مش وطنين؟
هقولك من الاخر الكل وطني غير
الحرميه وأولهم عمو حسن.......كملي انتي علشان الرقابة مش توديني أصيف مع الشباب
والحزب الوطني اللي قولهم برده عمو حسن........وابنه جما........و أحمد ع..........وحبيب العادل..........

السؤال دلوقتي هنعمل ايه الحل ايه؟؟؟؟؟؟؟؟؟؟؟
مقدرش أقول غير ان البداية علشان ننجح لازم ننطق وأدينا نطقنا ويا ريت مش نتكتم بعد كده
ونفكر في حل تاني نبدأ فيه

ومعلش على الإطالة

وبجد شكرا على الموضوع الجميل ده

المشكله ان الحاجه الوحيده اللى شعب بيعملها انو بيتكلم بس لكن مش بيتحرك دايما جبان اول ما يشوف الامن كله بيخلع ويفكر في نفسه امال فين الديمقراطيه وان الشعب هو اللى بيحكم نفسه والكلام ده اللى عمالين ندرسه لكن دايما مقيدين عجولنا قصدى عقولنا و مبرمجين الشباب وصدقنى محدش هيتحرك الا لما تحصل مصيبه

المشكلة اللي اكبر ان الناس بدؤا يتعبوا من الكلام وانتي بتقولي لازم تحرك تسمحيلي أتجرأ وأسالك نتحرك نعمل ايه مظهرات عملنا اعتراض عملنا اثبات للكل اننا مش قابلين برده عملنا نعمل ايه اكتر من كده قوليلي؟؟؟؟؟؟؟؟؟؟؟؟؟؟؟

انا مش بالذكاء الكافى عشان اعرف احنا لمفروض نعمل ايه بس لازم يبقي في حديعرف والا ما نبقاش شعب ذكى اكيد في حل غير المظاهرات والتمرد على العالم

وانا مش لقيت حل غيرهم المشكلة ان الظروف المحيطة متساعدش الواحد انه يفكر كل حاجه في البلدي زي الزفت نعمل ايه احنا نفكر ازاي نأمل ازاي نحلم ازاي؟؟؟؟؟؟؟؟

احنا في بلد غير صالحة للاستخدام الأدمي

هههههههه حلو اوى التعبير بتاعك ده ((((احنا في بلد غير صالحة للاستخدام الأدمي))))))))))) احنا نقلب مصر كلها مزرعه دواجن وبعدين نعدمهم عشان انفلونزا الطيور وتختفي مصر و بعدين اكيد يا امريكا يا اسرئيل هيخدوها ههههههههه ايه رئيك في الحل ده

جميل اوى انك تقولى لازم احنا فى بعضنا اهل مصر يعنى يحترموها وانا متأكده ان ساعتها هايتغير كتير اوى وكفايه احترامنا لنفسنا ومش مهم انت مصرى عربى هاتبقى شتيمه من الناس الاجنبيه لاننا هانكون مش شايفين نفسنا كده وربنا يصلح الحال يارب

هى فعلا شتيمة يا نهال مش هتبقة شتيمة ومشكورة يا نسمة موضوع رائع

مشكوره نسمه اتفق مع نهال

[size=18]يا نسمة المشكلة ان كلنا او معظمنا مش راضى عن حال البلد والمشكلة الاكبر اننا معندناش حل عشان نعدل بيه حال البلد ولو عندنا مش حتقدر نعمله ومفهوم طبعا ليه واحب اوضح لك حاجة اللى بيشتم مش قصده بيشتم فى مصر كدولة لاء اطلاقا قصده بيشتم حاجة تانية بس بتتفهم انها على مصر وكفاية كدة عشان انا خايفة على نفسى وشكرا ليكى يا نسمة[/size]

المشكله ان الكل وقت مايجم يتحدوم يرجعم عن بعض مش عارف ليه قلة ايمان ولاضعف من المسلمين

بجد موضوعك يا نسمه موضوع هايل وكلام بيمو ونهال وكل الاعضاء جميل بس عارفين فين الغلط الغلط فينا احنا كل مصرى حاليا مش عارف غير حاجه واحده فقط انه يطلع بره مصر علشان يجيب الفلوس بقى همنا الاكبر هو الفلوس لان بلدنا بسم الله ما شاء الله مش بتمشى غير بالفلوس بمعنى اللى ممعهوش ما يلزموش كل الشباب مالهاش هدف لان كله بقى عارف انه مهما ها يعمل هياخد شهاده ويقعد فى البيت الغلط والعيب فينا احنا احنا اللى وصلنا نفسنا كده من الاول بعد ما كنا احسن بلد فى كل شئ ولينا كلمه حاليا ...... وعن الموضوع ده بتاع اننا بقينا بنخاف نقول اننا مصريين فى البلاد العربيه كان فيه برنامج على قناه فضائيه بيتكلم عن المشكله دى وشخص اتصل فتكلم عن الموضوع ده وراح قال حته عجبتنى قوى قال ايام عبد الناصر فى بلد عربيه اهانوا مصرى كان شغال هناك مدرس وعبد الناصر عرف توقعى عمل ايه راح سحب البعثه كلها من البلد العربيه دى لغايه ما يعتذروا وفعلا اعتذروا

تعالى حاليا المصرى بيتشتم وبيتعمل فيه عمايل واحنا فين ولا هنا المهم نجيب فلوس حتى لو كرمتنا اتهانت علشان بلدنا كتر خيرها مفيش فيها شغل والاسعار غاليه جدا والمعايشه كله عارفها

هاقول ايه غير ربنا يرحمنا

ان الله لا يغير ما بقوم حتى يغيروا ما بانفسهم

وفى النهايه انا اسف على الاطاله

» عشان انت مصرى لازم تعانى
» اين انتم ايها العرب ؟؟؟؟؟؟؟؟
» الجزائريين اسرائيل العرب
» فضائح حكامنا العرب بالصور
» رسالة من طفل فلسطيني الى وزراء الخارجية العرب