سـتــــــــــات مــــــش شايــــــــلة هـــــــــــــم

منقول من منتديات الوعد الحق
وصلة الموضوع : http://www.true-islam.net/montada/index.php?showtopic=8615

سـتــــــــــات مــــــش شايــــــــلة هـــــــــــــم

أولاً : أنا كنت كتبت جزء من الموضوع ده وسبته .. بس امبارح بالليل ... وفي لحظة تهور مني

كملت الموضوع ... في واحدة من المرات النادرة اللي أكتب فيها حاجة وأكملها للآخر .... ولو جواب حتى

المهم

أنا بعد العصر قاعد على الكرسي فوق خالص ... بالنسبة ليا يعني ..فوق سطح الدور الرابع بتاع بيتنا

وأختي الصغيرة هاجر على رجلي ...والجرنال في ايد خالي ..

وكله تمام ... لا لو تمام مكنتش هاعمل موضوع أصلاً ..

اللي حصل بقى

خالي بيقرا ويدندن كده : يوم السبت القادم يفتتح في نادي حفل دبي للأزياء والماس ينظمه النادي

تحت رعاية رئيسته الشيخة منال بنت محمد بن راشد آل مكتوم حرم الشيخ منصور بن زايد آل نهيان

لا يهم ماذا سيعرض في النادي من مجوهرات وقطع ماس ثمن القطعة منها يزيد على العشرة ملايين دولار ؟؟!!

ايه ده .. مش مهم ... ازاي ؟ وليه ؟ وكيف ؟ ولماذا ؟ ........... الخ

يبص خالي ليا ويقولي : بطل " لك " عايز اقرى ... ( لك معناها كتر كلام يعني ) بلغة بلدنا

المهم

أسكت غصب عني ... لأن مفيش قدامي فرصة لإني " أتنح " ولا حاجة .... لأنه ما شاء الله لو اداني قلم على وشي .. ولا حسد طبعاً

هيوديني فوق السطح التاني اللي قبالنا وهو مش اعلى من بيتنا ... واضطر احسب سرعة السقوط وادخل في الفيزياء .. وخلافه

خلاص : أمال ايه المهم ... يبص ليا تاني وهو ساكت كده ... واسكت أنا فوراً

ويكمل : لكن ما لفت النظر فستان زفاف شيك ( عاري الصدر والظهر ) ترتديه إحدى العارضات تم تحديد سعره بمبلغ 8.9 مليون دولار أمريكي

قلتله : هات الجرنال كده.. واخدت الجرنال وفتحته مش على صفحة الموضوع

فتحت على صفحة البورصة والأسعار.... والدولار بخمسة ونص ... وانا واقف بستناك ... وعنيا عليك بتبص ... يا حبيبي ومش شايفاك ..

. مع الاعتذار لاخونا العندليب اللي كان بيغني الأغنية في الدي جى اللي كان جنب بيتنا امبارح في خطوبة واحدة جارتنا ومنمتش منه

يعني حسبة بسيطة نضرب 8.9في 5.5 يطلع لنا 48.95 جنيه مصري

وبعد ما نفاصل شوية .. زي ما بيفاصلوا مع البياعين كده .. في بلدنا المتقدمة يعني يبقوا خمسين مليون جنيه

الرقم مرة أخرى وأنا بكامل قواي العقلية .. خمسين مليون جنيه مصري بالتمام والكمال

وفستان من غير ظهر ولا صدر كمان .. يعني لو سليم شوية كان بوظ اقتصاد قارة اسيا

خمسين مليون جنيه .. تمن فستان زفاف العروسة هتلبسه ساعتين .. ولا عشر ساعات حتى ... خمسين مليون جنيه

قد لا يستوعب البعض هذا المبلغ .. فهو يمكن أن يحل كل مشاكل لاعبي الأهلي .... وكل مشاكل لاعبي منتخب مصر ..

. وكل مشاكل نادي غلبان مهدد بالهبوط زي الزمالك ومش عايز اتكلم عشان ما ازعلش حبايبنا الزملكاوية .

. ويحل مشاكل الاتحاد المصري لكرة القدم ... ويفيض مبلغ يكفي لحل مشاكل أندية الترسانة والأوليمبي وطنطا

ثمن الفستان يكفي لصرف إعانة لكل مراكز شباب مصر بحيث يحصل كل مركز على 25 الف جنيه ..

. ويكفي لبناء 100 وحدة صحية مجهزة في 100 قرية فقيرة لعلاج المرضى

فستان الزفاف اللي هتلبسه العروسة سعيدة الحظ لمدة خمس ساعات بس وبعدين " تحنطه " في الدولاب

تمنه يكفي لدفع المصروفات الدراسية لمليون طفل وطفلة من الغلابة غير القادرين

اسم العبقرية اللي صممت الفستان ده وهي من اليابان واسمها " سومي كاتسورا " وهي ما صممتهوش عشان يعرض في اليابان وأجوارها

لا .. دا عشان تعرضه في مدينة دبي في الإمارات .. عشان يتهافت عليه بنات الشيوخ والأمراء والأثرياء العرب

واللي معاه قرش محيره .................................. أكمل

لا يمكن أن تكون مدام كاتسورا المكسورة دفعت الخمسين مليون جنيه لوجه الله ... ولا عشان تدخل موسوعة جينس للأرقام القياسية ..

لا .... عشان تبيع منه كام واحد للعائلات العربية .. اللي هتتفاخر لمدة 150 سنة جاية بان المحروسة لبست في ليلة الفرح فستان بـــ 50 مليون جنيه

وأنا من قلبي .. ومن كل أعماق قلبي .. ومن شغاف قلبي .. وكل الصور البلاغية اللي قالها الشعراء واللي مش شعراء

أتمنى ان صينية كبايات مليانة على آخرها شربات ويكون اللون أحمر يا ريت تتقلب على العروسة وهي في الكوشة

ولا ربنا يرزقها بولد شقي كده يدوس على ديل الفستان يقطعه أو يقطع منه حتة بنص مليون ولا حاجة

مع عدم إغفال توفيق ربنا .. يمكن اعدي من وراهم الاقي الحتة ام نص مليون .... " أتنغنغ " بها واعيش عيشة مرفهة لمدة 20 سنة ولا حاجة ..

اشتري ليا كمبيوتر في البيت بدل ما انا قاعد بكتب من سيبر وصاحب السيبر خانقني كل شوية .. لو سمحت بدل المايك ... ركب الكاميرا للآنسة .. وخلافه

ما عليكم مني .... نرجع للموضوع

كلا مي ده مش حقد على العروسة .. بس غيظ من اهلها اللي ممكن يدفعوا مبلغ زي ده تمن فستان هيستخدموه لمدة ليلة واحدة

ومش هتلبسه تاني

**********************************************

لو إن صاحبة الفستان ده او اسرتها تبرعوا بالمبلغ ده لبناء مدرسة .. مدارس يعني ... ولا مستشفى مش هيكون أفيد ؟؟؟؟!!!!

فعلاً

سـتــــــــــات مــــــش شايــــــــلة هـــــــــــــم

ملحوظة : أنا من فقعتي ما حطيتش ابتسامات مع إنها كانت هتعمل شغل في الموضوع

منقول من منتديات الوعد الحق
وصلة الموضوع : http://www.true-islam.net/montada/index.php?showtopic=8615

ايه الستات دى

ولا كامل قواهم العقليه ولا نصها حتى

هههههههه\

شكرا ليكى

اختك

فجر

الحمد لله وشهد شاهدأ من اهلها ههههههههههههههههههه
ــــــــــــــــــــــــــــــــــــــــــــــــــــــــــــــــــــــــــــــــــــــــــ
جنــــــــــــ سيد مرسي ــــــــــرال
الروح ماتهجر جسد الا يجيه الموت لقيت الروح من جسمي تفارق لحظه غيابك

كان زمانى زاكرت القصه ياعم عموما مشكوووووووور بس هنعمل ايه يعنى ما باليد حيله

وأنا من قلبي .. ومن كل أعماق قلبي .. ومن شغاف قلبي .. وكل الصور البلاغية اللي قالها الشعراء واللي مش شعراء

أتمنى ان صينية كبايات مليانة على آخرها شربات ويكون اللون أحمر يا ريت تتقلب على العروسة وهي في الكوشة

ولا ربنا يرزقها بولد شقي كده يدوس على ديل الفستان يقطعه أو يقطع منه حتة بنص مليون ولا حاجة
ههههههههههههه تصدق دمك خفيف جدا ربنا يوفقك بس خد بالك مش كلنا كده انا واحده من البنات برفض المظاهر الفارغه وسيبك الهابله اللى هتشترى الفستان ده هتخسر الف مره اولا فستان عارى هتعصى بيه ربنا وبمبلغ خيالى اكيد الجوازه هتفشل فى النهايه صدقنى يا ابنى البساطه عمرها ما تدخل فى حاجه اللى وزينته

ههههههههههههههههههههههههههههه لية بس الحقد دة يا جمعا تلبسوا وتتهانة وتعدى الليلة بس تقع فى ايدى بس لحتة ام نص مليون دى وافتح السنتر اللى نفسى فية بس Very Happy

:lol!: :lol!: :lol!:

يا عينى يا عينى على ايه يا عنى