امتحان السفارة فى بلدك للحصول على الجنسية

صباح الفل حبايبي الأعزاء
يشترط لدخول الامتحان ان المتقدم يكون معاه كل أدواته اللازمة :
قلم رصاص – أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة)
في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)



السؤال الأول:اختار من بين الأقواس الكلام الصح:



1- حنان ترك اتحجبت يعني............ (لبست جزمة - لبست ساعة - لبست ايشارب)

2- اللي بنى هرم خوفو............ (طلعت مصطفى - المقاولون العرب - مقاول أنفار - خوفو)

3- اللي بنى..بنى مصر كان في الأصل......(حلاق - نجار - تاجر مخدرات - صلاح - حلواني)

4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - يا ريس - يا مصر)
- بص في ورقتك يا حيواااان!

5 - مصر هى أمي نيلها جوا...........(عبي - بطني - رجلي - جيبي - دمي)

6- رئيس مصر القادم السيد......(جمال مبارك - جمال مبارك – و حياة أمك جمال مبارك - كل ما سبق)



السؤال الثاني:أكمل الجمل الآتية بكلام م الآخر:

1- انتبه من فضلك السيارة ترجع إلى............ ......... ...

2- ماما زمنها............ .....

3- من خلال تجاربك السابقة...البامبرز استيك منه............ .

4- طلعت أدّب نزلت أدّب لقيت الدب بيأزز............

5- اسم والد اللاعب وائل جمعة الحاج............ ..
- و لو بتشجع أي فرقة من الفرق الأجنبية "ريال مدريد ولا برشلونة " مافيش دين أم جنسية



السؤال الثالث:ضع علامة صح أو علامة غلط أمام الكلام الجاي:

1- بابا فين؟؟ ..بابا هنا..قوله مين؟؟ قوله عمو ( )

2- الشرطة دائما في خدمة الشعب ( )

3- أذان المغرب في رمضان بصوت "طارق نور" ( )
- صح يا أهبل ، كل حاجة في رمضان بصوت طارق نور

4- شاي الجوهرة حتة سكرة ( )

5- يحكم مصر النظام الملكي (

سفاره


دى شكلها السفاره اللى فى العماره
هههههههههههههههه

شكرا ليكى


اختك

فجر

ياريت تشوفى فى قسم الصور امتحان الثانويه العامه

هيعجبك ان شاء الله

اختك

فجر

هههههههههههههههههههههههه الحلى سؤال- رئيس مصر القادم السيد......(جمال مبارك - جمال مبارك – و حياة أمك جمال مبارك - كل ما سبق)
هههههههههههههههههههههههههههههه حلوه اوى دى تشكرى يا قمر على السفاره