الجرح اللى جرحهولى حبيب زمان
لسه معلم فـ كل مكان
ده جرح فـ كرامتى اهم شئ عندى
كنت اديله كنت اوفيله
كان انانى كان ينسانى
عمره ما قدر عمره مافكر
كان نفسى اشكيله كان نفسى احكيله
كان يظلمنى كان يصدمنى
خلاص ضيعنى خلاص ودعنى
ـــــــــــــــــ
حتى صحبى حبيبى صحبى صديقى
اقرب الناس ليا اغلى ما فـ الدنيا ديا
كان يبعد عنى وارحله
كان يغلط فيا واسامحه
كنت فاهمه مكنش فاهمنى
كان دايما غصب عنه بيظلمنى
اقول عادى ده صحبى واعديله
مهنش عليا فـ يوم اشكيله
كانت تبقى معايا الحاجه واديله
احرم نفسى واحاول استحمل
ده صحبى حبيبى صحبيى صديقى
ده انا بعت حبيبتى فـ مره عشانه
قولت ده صاحب عمرى وماله
ده شويه عليه لو بعت الدنيا عشانه
كان نفسى افضفضله ويسمعنى كان نفسى اقوله عـ اللى واجعنى
لكن عمره ما فـ يوم فهنى
حتى صحبى كمان جارحنى
مش صاحب واحد ده كل صحابى
كله يمكن منى قريب لكن عن قلبى بعيـــــــد
ما بينا صداقه بجد ما بينا صداقه حديد
لكن نفسى فـ واحد يقرب منى اكتر وكل حاجه بينا تكبر
اكبر من اى واحد نفسى فـ صاحب واحد ابقى انا وهو واحد
نفسى فـ اى حد ميبقاش بينا حد
يفضل طول عمره جانبى وميتخلاش فـ يوم عنى نفسى فـ حد يفهمنى
ـــــــــــــــــــــــــــــــــــــــــــ
حتى اهلى اللى من دمى
اخواتى وابويا وامى
محدش منهم بيفهمنى
وانا فى وسطهم ببكى مالنار اللى جوايا كان نفسى حد ويايا حد يبقى معايا
ابويا دايما مشغول بيغيب وغيابه يطول
نفسى اقعد معاه ويقولى يابنى قول
ساعات بياخدنى فـ حضنه
بحاول على قد ما اقدر عنيا متبكيش
خايف لمره تقدر دى دموع مبتختشيش
نفسى مره فـ حضنه ابكى ليه يا دموعى بتستخبى؟
ده ابويا وانا حته منه ده ابويا متخافيش منه
ــــــــــــــ
حتى امى مش حسانى حتى امى مش فهمانى
كنت دايما اخليها تضحك وهى كانت تشوفنى تضحك
وانا كنت معاها اضحك
انسى ان الضحك متحرم عليا والاقى البكا مالى عنيا
كنت بخاف احزن امى كنت بخاف اشيلها همى
ــــــــــــــــ
حتى اخواتى كله فـ حاله
بعيد عن التانى ومش شاغل باله
كان نفسى اخويا حبيبى يقرب منى احكيله يحكيلى ويفهمنى
ـــــــــــــــــــــــــــــــــــــــــــــــــــــــــــــــــــــــــــــــــ
حبيبتى صحابى اهلى وناسى
كله ظالمنى كله ناسى
حتى الدنيا بتظلمنى مش مخليه ولا واحد يفهمنى
نفسى فـ حد اشكيله همى ابكى فـ حضنه ويمسح دمعى
يداوى جروحى يقولها روحى
ـــــ*ــــــ*ــــــ*ــــــ*ــــــ*ـــــ*ـــــ*ــــــ*
مليش فـ الدنيا غير قلمى هو اصاحبى هو حبايبى هو اهلى هو قرايبى
لو خلص الحبر اخد من دمى
مليش فـ الدنيا غير قلمى
هو اهلى وناسى هو كل احساسى
هو اللى بيخلينى اضحك هو اللى بيخلينى ابكى
هو اللى بيخلينى اشكى هو اللى بيخلينى احكى
واخرج كل اللى جوايا
محدش بيقرأه غيركم محدش بيفهمه غيرى
يمكن حد يفهمنى ويحس بالنار اللى كويانى
انا قلمى بيبكى والدموع تنزل فـ ثوانى
وان مبكتش وانا بكتب يبقى انت مش هتبكى وارجع اكتب من تانى
مش لازم دموعك تنزل كفايا احساس حزين يملاك ويملانى
وبعد كده ارجع افرحك من تانى
بس من ورا قلبى لان الموع مليانى
ــــــــــــــــــــــ
انت يمكن تستقل بكلامى بس عادى
الكلمه اللى جواك قولهالى
متخافش مش هتجرحنى فى حاجات اقوى جرحانى
فى حاجات اقوى جرحانى
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
سبايكى
موضوع: مـــلـــيـــش فـــ الــدنــيــا غـــير قــلــــــــمـــــــى 
الخميس أغسطس 16, 2007 4:52 pm
