انساها يا صحبى وروق كل دى فى الاخر اوهام
وكفايا كلام متزوق مش بيحوق فيها كلام
صحابى كان دايما زعلان واما اقوله مالك يا صحبى كان يقولى مش قادر وربى
قلبه كان حزين وضايع صحبى كان للدنيا بايع
يمكن كان كتير بيضحك بس من جواه بيبكي
قلبه كا على طول يعاتبه
صحبى من ساعه ماحبه
اتغير فيه حاجات كتير
صحبى كان انسان عنيد بس قلبه وداه بعيد
ابعد مكان ده كان زمان يا صحبى ارجع مش مكانا
هى فى حالها واحنا فى حالنا
ارجع يا صحبى متبقاش عبيط بكره تندم على اللى كان وتقول يا ريت يعود زمان
صحبى كان انسان جرئ بس قلبه كان رقيق
حبيبه ولع فيه حريق
سابه ما طفاه خلاه يجرى وراه
صحبى عمره ما كان انانى من ساعه ما حبه بقى حد تانى
صحبى اتغير عن زمان صحبى اتغير واللى كان كان
صحبى كان مخدوع فى حبه وحبه كان مخدوع فى نفسه
صحبى كان واثق فى نفسه بس حبيبه سد نفسه
كان كتير علشان خاطرها يحاول ميبصش لغيرها
مع ان غيرها يتمناه يا ناس ده صحبى وانا بمشى معاه
بس اما يحس انها ظالماه يشوف غيرها ياخد ويدى معاه
ويرجع يقول
انا بعمل ايه انا كده بغلط فيه قلبى مش لغيره قلبى بس ليه
صحبى كان بيدوب فى هواها عقله كان دايما وياها
صحبى كان بيخاف عليها كان مناه يخبى عنيها
وما يشوفها غيره ويهواها بعده حد تانى
بس حبيبه كان انانى بيحب نفسه
صحبى كان هواه هواه يعنى صحبى حب نفسه
ويارتها نفسه دى نفس حبه
صحبى كان كتير يقولى انا هنسى مادام هى عليا تقسى
ويجى ليلها يقولى فينها مقدرش انام من غير ما اشوفها
كنت اقوله
متستهلش لو انت غاوى شفلك غيرها
هى غيرها واحلى غيرها
صحبى كان بيموت فيها صحبى كان بيغير عليها
صحبى كان كتير يقولى نفسى تسمعنى ولو مره نفسى اقولها عـ اللى واجعنى
بس ازاى ده انت صحبى ومش سامعنى
مفيش حد حاسس بيا لا انت ولا حتى هى
يا صحبى هو بيحبنى ولا دى عادته وعاملى مش قصده
ولا انا عادى مفرقش عنده
طب وماله ما يقولهالى يريح باله وبالى
ويقولى انسانى ومشفكش تانى
لو جواه كده عايز اسمعها منه يمكن بعد كده لبطل احنله واشوفه ما ابصله
ساعتها يا صحبى هتمنى اموت
كنت اقوله
لا يا صحبى لو انت بايعنى انا شاريك
انا هدعيلك تنسى حبيبك
كان يقولى
اوعاك يا صحبى عايز اموت وانا بهواه عايز اخلى قلبى معاه
يمكن ساعتها يفتكرنى ويجى لو مره يزورنى
ولا هيتقل فـ دى كمان حبيبى قلبه ده ايه حرام
يا صحبى اصحى وفوق متبصش لتحت بص لفوق
انسى اللى كان يا صحبى وروق
لا يا صحبى انساها وانسى هواها وكل زكرى معاها
لاهى ليك ولا انت ليها وبلاش تفكر فيها
يا صحبى انا خايف عليك الحياه بتمد ايدها وانت مش شايف الا ايدها
ارجع يا صحبى .ارجع يا صحبى ارجع يا صحبى
موضوع: **انا وصحبى **اهداء الى صديقى مصطفى ليفه 
الجمعة أغسطس 17, 2007 11:16 pm
