سؤال للجميع وياريت الرد

بجد بسم الله ماشاء الله عليكم كلكم بتعرفوا تكتبوا وتعبروا عن اللى جواكم كويس اوى وللاسف كان نفسى انا كمان اكون بعرف بس يلا مش مشكله

بس عايزه استفسر عن حاجه اللى بيكتب حاجه لازم بيكون حاسس بيها او تجربه مرت عليه ولا الكلام ده بيطلع على اى اساس ياريت اعرف رأيكم كلكم فى الموضوع ده ومنكم نستفيد وشكرا
انا بس كنت مصره اكتب فى القسم ده وادينى كتبت

:cheers:

بصى يا نهال اكيد اللى بيكتب فى موضوع حب بالذات لازم يكون حاسس بيهاو على الاقل مر بالتجربة بس احيانا والله الواحد بيشعر بالموضوع وهو عمره ما مر بتجربة دى خالص دة راى

اكيد لازم يكون حاسس باللى يكتبو ده لو مكنش يعنى عاشه او مر بيه..................ديمووووووووو

على فكره ياجماعه انا كنت اقصد اكتب الكلام ده فى قسم الشعر والخواطر بس الظاهر انى نمت وانا بكتب ههههههههههههههههه

ههههههههههههههههههههههههههههه..............لا تعليق....................... غير اصحى يا نايم

اولا السلام عليكم

ثانيا انا راى الشخصى ان موضوع الكتابه بيختلف من فرد لفرد

انا مثلا بحب الشعر وهو هوايتى الاولى والاخيرة , يعنى ممكن اكتب فى اى موضوع حتى لو مش خضت التجربه بس بحتاج انى احس كل المشاعر الخاصه بالموضوع دة علشان يكون فى اجمل صورة واقدر اوصل كل الى انا عاوز اقوله .

وزى ما قلت دة رأى الشخصى

انا معاك فى الرائ مش شرط اكون مريت بتجربه علشان اكتبها ممكن اكتبها من وحى خيالى لان الشعر فى الاصل مش كله واقع ممكن يكون غالبا خيال لان مش كل كاتب يكتب قصه يبقى من الواقع واعتقد انى كلامى صح
أختك ملكه الحزن

وحشتينى ياقمرى بصى ياستى فعلا مش شرط انك تكونى مريتى بالتجربة عشان تكتبى عنها انا عن نفسى بكتب لما باسمع قصة حلوة من اصحابى او مشاعر جميله لاى حد

عارفه بقى انا نفسى اكتب

بس مش بعرف خااااااااااااااالص
اكيد كل واحد بيكون جواه حاجات حسسها بس مش بيقدر يعبر بيها فى الكتابه
والله انا نفسى اعبر عن حاجات بس مش بعرف خالص
بس حاولى انتى كده جربى يمكن تنجحى فى الكتابه
وربنا يوفقك

قمه التحدى انك تبتسم وفى عنيك الف دمعه
وقمه الالم انك تسكت وفى قلبك جرح بيتألم

علفكره لو ركزتي وانتي بتكتبي وصبيتي كل مشاعرك على القلم و حسيتي ان الحبر اللي بيكتب ده هو شعورك واحساسك وتفكيرك بل هو وجدانك وكيانك هتبقى بتكتبي أجمد مننا كلنا حاولي وانتي هتبقي زي الفل بس طبعا متبقيش نايمه وتكتبي الموضوع في مكان غلط بدل قسم الشعر والخواطر هههههههههههه و اظن ان كفايه ان الواحد يحس اللي بيكتبه ويصدقه ويقتنع بيه وهو يبقى زي الفل يعني مش محتاج تجربه قوي

بصى يا نهال انا لما بكتب بكتب يبقى تلات حاجات اولا يا حاسس بيها يا اما بكتب حاجة شايفها فانسان وبتاثر بيها يا اما موضوع منقول . ودية الحقيقة ومش عيب لما الواد يقرى شعر وعجبك ويجى يقدمهولكم زى مانتو مثلا عجبكم قصيدة كتبتها بس ورتوها للاصحابكم حاجة تبسطنى شخصيا ..... هيرووووو

كل دور قالوا ريهم اقول انا ايه ههههههههههههههههههههه الصراحه هما قالوا كل حاجه وانا هسرق كلمهم واكتب ههههههههههههههههههههههه

بصى يا عسل فى ناس بتكتب كلام جميل اوى مش ضرورى يكونوا مروا بالتجربة دى او فىها حتى لكن ممكن يكونوا بياخدوا من اللى حواليهم سواء اصدقاء او ناس تانية واللى بيعرف يكتب فعلا كلام حب هوه اللى عايش الحالة نفسها بيعرف يعنى يعبر عنها بشكل احلى وممكن اللى مر بها بس من رايى اللى في التجربة نفسها ولو عاوزة اى سؤال تانى انا موجوده سلام يا قمر

اولا ازيك يا نهال وبجد وحشتينى اوووى انا هرد عليكى واقولك راى ويمكن يختلف كتير عن اراء اخواتى اللى علقوا بس انا هقولك اللى بيحصل معايه انا عن نفسى مش بعرف اكتب حرف غير لما اكون عايشه فى الحاله اللى تأهلنى انى اكتب يعنى لو حصل معايه موقف او حاله غريبه وعدا عليها وقت مش بعرف اكتب حاجه لازم اكون حساها جدا وعايشاها فى نفس الوقت ويمكن

دا يكون عيب فيا وبجد انا بحترم راى كل الى علقوا وشايفاهم كلهم كلامهم منطقى ومعقول

انا زيك والله يا نهال بيبقة نفسى اكتب بس مش بعرف اعبر عن اللى جوية خالص

بصي مش كل حاجه الوحد بيكتبها بتكون من قلبو صعب اوي كانت كل حاجه تكون سهله بس للاسف