كرســى الاعتـــراف...نهــال

أخر كرسى اعتراف كان لــــ ديمو

يا ترى مين اللى هيقعد على الكرسى السابع والتامن نختار واحد من الشباب وواحدة من الفراشات

الشبــــــــــــــاب
ـــــــــــــــــــــــــــــــــــــ

عاشق بلا حبيبه

دريمز

سبايكى

تامر عياش

هـيـرو

السلطان حسن

ميدو الازورى

يوسف مشاكل

جلاديتور

علاء اهلاوى

حماده رزق

سبايكى اونلين

ميدو

هيمه

الـــفــراشـــــــــــــات
ـــــــــــــــــــــــــــــــــــــــــــــ

نهال

دودو

عاشقه المستحيل

بنوبنايه المنتدى

ضى القمر

هنـد

فجر الزمان

نانسى

هدير

سالى ..سبيكتر

دينا ... ديناتلو

سما

بسبوسه

مايا19

نسمه

نختار كلنا واحد علشان نبدأ معاه المسابقه بكره ....

مده المسابقه اسبوع

[/center]

نفسى تامر عياااااااااااااااااااااااااااااااااااااش يقعد بقى عليييييييييييييييييييه

على فكره اللى هيقول سبايكي اونلين دى هضربه :evil: ماشى؟
اسمى سبايكي يا ابله ساندى اوكى؟ ههههههههههههههههههههههههههههههههههههههههههههههه
انا اختار الواد ميدو المجنون
واختار الفراشه باكى
:lol!: :lol!: :lol!: :lol!: :lol!: :lol!: :lol!:
يالله مين معايا فى المظاهره دى

انا اختار نهال يلى مهو لازم نكبسها هههههههههههههههههههههههه

واختار من الشباب حبيب روحي عاشق بلا حبيبة

وانا اختار نهال وهيرووووووو

بما ان الاختيارات كلها على نهال

انا كمان اختار نهال

وممكن نقعدها على كرسى الاعتراف من انهارده

قبل السؤال ... ازيك نهال عامله ايه .... شكرااااا ليكى يا نهال على سؤالك ... فعلا ونعم الاخوات

نبدأ بقى بالسؤال الاول.....

1- ايه هيا الامنيه اللى كان نفسك تتحقق واتحققت؟

2- امتى تكونى راضيه عن نفسك ؟

سؤالين بس اهم انا مش مفترى زى نـــاس

نهال يا حب عمرى بحبك بجد واللى هسالهولك تعملى ايه لو طال انتظارك للحب

نفسى سالى

انا كده اتدبست ياجماعه ينفع انسحب ولا اقولكم بعد ماجاوب على السؤالين السهلين دول Smile

اولا عايزه اقولك انك وحشتنى كتير يااكرم وحمد لله على سلامتك

امنيه كان نفسى تتحقق واتحققت انى ادخل كليه تجاره والحمد لله اتحققت وخلصت كمان بس كنت فاشله حبتين

وفى امنيه تخص واحده صاحبتى هى رابعه اللى كتبت عنها فى موضوع الانتيم دى بقى بتحب واحد زميلنا وهو بيحبها اوى اوى بس كان فى مشاكل من الاهل فى موضوع الارتباط الرسمى قعد 3 سنين والحمد لله اخيرا اتخطبو بجد انا كنت سعيده جدا جدا وهما كانو حاسين بده لدرجه ان خطيبها اول ماخرج من عندهم يوم الفاتحه اتصل عليا عشان يفرحنى وماكنتش مصدقه نفسى بس الحمد لله .

- امتى ببقى راضيه عن نفسى بصراحه مابكونش راضيه عن نفسى غير لما بكون قريبه اوى اوى من ربنا بأى حاجه ولو بمساعده لاى انسان حتى لو ماعرفهوش ساعتها ربنا بيرزقنى بنعمه الرضا والحمد لله

سمايا ربنا يخليكى ليا يارب انا كمان والله بحبك اوى واكيد انتى عارفه وحاسه

يااااااه ياسمايا دانا دلوقتى وحاسه انى قربت اتجنن مش عارفه لو اتأخر اكتر من كده هاعمل ايه انا اللى مخوفنى بصحيح انه مايجيش خالص بس انا لايمكن اتنازل عنه مستنياه مستنياه لحد ماربنا يكرمنى ويرزقنى بيه

سؤال صغير انتم هاتعملو اتنين ولا انا بس ياريت يبقى اتنين عشان تخفو عليا شويه وبدل الاسئله ماتبقى ليا لوحدى تبقى لاتنين

هههههههههههه انتى عايزه تهربى بعينك

السؤال ده بقا جامد ردى يا قمر
ياترى حبيتى قبل كده ولو اه راح فين الحب وفشل ليه ومين كان السبب ومحاولتيش تنقذى حبك ليه
ولو لاء يبقا ليه يا ترى انتى هههههههههههههه مغروره ولا ايه ولا معقده ههههههههههه لا يا نهال انتى اجمل بنت فى الوجود بس بجد يا ترى حبيتى قبل كده لا او اه ايه السبب فى عدم وجوده اوك ......ربنا يسعدك ويرزقك بالحب الصادق

سؤالي ليكي يا بيضه ههههههههههه

هل كنتي تتمني الجلوس على كرسي الاعتراف من قبل

وما شعورك الان وانتي جالسه على هذا الكرسي

؟؟؟؟؟؟؟؟؟؟

اخسسسسس ياسمايا كده برده انتى داخله فيا شمال كده ليه انا عملتلك حاجه

المهم ياستى انا مافيش حب فى حياتى لسه ربنا مارزقنيش بالحد اللى ممكن اكمل معاه بقيه حياتى
بس ده بجد صدقينى مش غرور ولا عقد ماتقلقيش انا مش معقده بس كل اللى اقدر اقوله انى لو قابلت الحد اللى ممكن اديله حياتى وقلبى وكل ماليا عمرى ماهاضيعه من ايدى ابدا وهاعمل المستحيل عشان احافظ عليه

عارف يامجهول والله انا كنت لسه قبل ماالاقى نفسى عليه بيوم كنت بقول الحمد لله ان اللعبه دى خلصت انا ماكنتش عايزه اقعد على الكرسى ده ابدا وتانى يوم على طول امنيتى فشلت ولقيت نفسى عليه هههههههههههههه

اما احساسى وانا عليه ان فى حاجات كتيره مستخبيه هاتبان وربنا يستر

هههههههههههه طب قوليلى بقا اذا حبيتى حب حقيقى والشخص ده مش واخد باله تعملى ايه

ده واحد
2...بقا امته بتقولى لنفسك كفايه الطريق ده مش هكمل فيه لازم ارجع
3..امتى تلغى عقلك وتسيبى قلبك اللى يقرر
4..امته هتزعلى منى عشان اعمل حسابى ومش ازعلك

1-لو حبيت حب حقيقى ومش واخد باله ياخبر اعمل ايه حد يقوللى

مش عارفه ياسما بس اكيد هاحاول الفت نظره ليا بأى طريقه بس عمرى ماهاقوله انى بحبه غير لو هو قاللى او حسيت انه بيبادلنى نفس الشعور انا عارفه ان فى ناس ضد اللى انا بقوله وهايشوفو ان ده تخلف منى بس دى انا ماقدرش اكون غير كده.
2- امتى بقول كفايه الطريق ده مش هامشى فيه لما بلاقى نفسى بعمل حاجه ضد شخصيتى يعنى لو الظروف حكمت عليا انى اعمل الحاجه دى وبدأت فعلا انى اعملها بلاقى نفسى مش قادره اكملها وارجع على طول.
3-بلغى عقلى امتى .........بصى هو دايما انا مابحبش اركن عقلى او قلبى احب دايما الاتنين مع بعض بس لو حصل يعنى ان عقلى ممكن يخلينى اقسى على حد ساعتها هالغيه واخلى قلبى ياخد القرار لوحده.
4-عمرى ماهازعل منك ابدا ياسمايا عشان بحبك بجد وانتى من الناس اللى عقلهم وتفكيرهم بيعجبنى ومواضيعك وطريقه كتابتك برده بتعجبنى اوى بس ابقى عرفينى الاسئله بينى وبينك الاول قبل ماتنزليها ههههههههههههههههه بهزر طبعا معاكى ياجميل براحتك خالص

نهال على كرسى الاعتراف امممم بصراحه الواحد لازم يفكر لانى اول مره اشترك فى الحكايه دى وهاسألك واقولك

1-اكيد عندك صديقه حميمه ليكى جدا هل فى يوم من الايام زعلتى منها

2-وان حصل بينكم فى يوم من الايام حد حب يفرق بينكم هل هتصدقوا الشخص ده وتزعلوا ولا انتو عارفين ان عمر ما حد فيكم هايتكلم على التانى وتاخدوا الكلام كانه محصلش

3-وهل مهما حصل حد يقدر يفرق بينكم

معلش بقى يا نهال فى الاسئله

انتى انسانه جميله جدا وعزيزه عليه بس حظك كده انتى اللى وقعتى معلش بقى

وانا كمان بسالك يا جميل وسؤالى بسيط قوى عشان تعرفى انا بعزك اد ايه

ايه الحاجة اللى لما بتعمليها بتحسى انك فعلا انسانة وراضية عن نفسك فيها؟
وامتى بتحسى انك مش راضية عن نفسك اوزعلانة من نفسك؟

نهااااااااااااااااال بصى انا كان نفسى فى سالى بس (كل الطرق تؤدى الى باريس)المهم سؤالى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لو

الحب دق على بابك واختارتى احبابك والحب ده اتعلقتى بيه لدرج ة الجنون يعنى ولو غاب عنك الحب ده لمدة ثانيه تتعبى وبنيتى كل املك على الحب ده ورسمتى بريشة الاحلام الاحلام الجميلة التى لم يراها الا نهاااااااااااااااااال وضاع الحب ده الى الابد هنعملى ايه

انا بقا هسالك سؤال صغنتيتى خالص يا هنا ما معنى الصداقه بالنسبه ليكى يا نهال ؟

[img]

[/img]

ماشى ياميدو وقعت بس انا سعيده من وجودك وشكرا ليك اوى على رأيك فيا انت انسان زوء اوى ودمك شربات

1-صديقتى الحميمه عمرى مازعلت منها لانى اصلا مش بعرف ازعل من حد خالص والحمد لله دايما بدى اعذار لاى حد.
2-وحصل فعلا ان فى حد حب يفرق بينا بس كنا كتير والحد ده قريب خالص مننا وعشان كده حصل بعض سوء التفاهم بين الكل الا انا كنت الوحيده اللى كنت متأكده ان صحبتى لايمكن تقول او تعمل كده وهى كمان كانت عارفه انى مش ممكن اقول كده بس هى طلعت شجاعه وجات وفتحت الموضوع لكن انا من النوع اللى بهرب فى المواقف الكبيره دى مش ضعف والله لكن بخاف ان الحاجه دى تبقى حقيقيه فبحب انى مواجهش ويكون ظنى الكويس موجود عن انى اواجه وتخخيب ظنونى والحمد لله احنا دلوقتى قريبين من بعض ويمكن اكتر من الاول.
3- مهما حصل وفعلا حصل كتير ومحدش قدر يفرق بينا احنا لو افترقنا هيبقى ده نصيبنا ومن عند ربنا لكن مش بأيد حد.
وماتقولش كده ياميدو معلش على ايه يعنى نصيبى جه انى ابقى على كرسى العتراف هاعمل ايه يعنى ولا يهمك خالص انا بشكرك انك دخلت تسألنى

الله عليك ياحماده وعلى سؤالك حرام عليك ليه بتقول كده Sad

المهم انا لو لقيت حب عمرى ده هاحاول احافظ عليه بكل مااملك اما لو كان نصيبى بقى انه يضيع وربنا كاتبلى ده مش هاعمل حاجه هاعمل ايه يعنى ههههههههههههههههه بصراحه ياحماده مش عارفه بس اللى اعرفه عن نفسى انى دايما راضيه بقضاء ربنا والحمد لله على كل حال