سؤال بسيط بس إجابته صعبة, يارب الموضوع مايكونش مكرر

السلام عليكم ورحمة الله وبركاته
***************

** أولا كل سنة وإنتو طيبين ياجماعة بمناسبة الإسراء والمعراج ويارب يديمها علينا كلنا سنة سعيدة وبخير دايما

- كنت عاوزة أسال سؤال مهم جدا على فكرة
لو واحدة فيكم مثلا اتقدملها عريس وسنها عدا العشرين يعنى فى بداية الثلاثنيات والعريس دة عرفت منه إنه مطلق ومخلف ولد أو بنت كمان
وحالته ميسورة جدا وعنده شقة وفيه كل مواصفات العريس بس كان مطلق وعنده أولاد والأولاد دول عايشين معاه هو وهو اللى بيربيهم
يا ترى إللى فى سن الثلاثين دى هتوافق عشان عمرها بيكبر وكل ما العمر بيكبر كل مافرص الزواج بتقل وتقول أهو ضل راجل ولا ضل حيطة
ولا هترفض وتقولك وأنا حخوت نفسى بتربية عياله ليه انا واحدة لسه مادخلتش دنيا وآخر صبرى يكون واحد كان مجوز ومخلف كمان !!!!
مع العلم إن اللى فى السن ال30 دى إتقدمو ليها عرسان كتير بس ماكنش فى نصيب وحست ان عمرها بيجرى منها فا مش عارفة بصراحة قولت أسألكم... وياترى هو هيسمحلها بالخلفة ولا هتكتفى بتربية اولاده... انا متهيألى الناس اللى زى دى ( المطلقين يعنى ) بيبقو فى اغلب الاحوال بيجوزو واحدة لخدمة اولاده وتعتنى برعاية البيت وكدة مع انها لسه ولا دخلت دنيا ولا عمرها إتخطبت بحد
أنا عاوزة أعرف رأيكم لو بعد الشر يارب يارب يارب ماواحدة يحصل لها كدة وتجوز قبل التلاتين كمان بإذن الله بس انا بقول فرض هتعملو ايه
وياترى هتفرق معاكم إذا كان اولاده دول ولاد ولا بنات ولا عادى !!!!!!!

وعاوزة أعرف بردو لو واحد زى دة إتقدم لواحدة عندها 25 سنة مثلا ولا بتاع يعنى لسه صغيرة شوية أو أقل كمان وعنده كل حاجة جاهزة شقة ووظيفة محترمة بس مطلق بردو وعنده أولاد ياترى هتوافقو ولا لا
وولو كان مطلق بس هتوافقى ولا هترفضى
انا اسئلتى كتير معلش بس الموضوع دة شاغل بالى جدا ويارب يارب ميكون مكتوب عليا ولا على اى بنوتة هنا

مستني ردودكم يا بنات والولاد لو عاوزة تشارك أهلا وسهلا طبعا

انا هتكلم عن نفسى انا مع انى لسة20سنة بس لو كان معايا الموقف دة ممكن اتردد شوية بس انا حسة انى هوافق عارفين لية ؟اولا عشان الشخص دة طبعا اكيد محترم ويعرف ربنا كويس وهيعاملنى معاملة كويسة دة اللى هيخلينى اوافق علية .وبعدين اولادة دول مش عقبة ليا لانى هعاملهم معاملة ربنا يجازينى بيها خير وكمان مش ممكن انا اترفض دة واتجوز شاب صغير وفى الاخر يطلع مش جدير بيا ويعاملنى معاملة تخلينى كرهة الدنيا وممكن ربنا ميرزقنيش معاة باولاد .يبقى عشان كدة لازم البنت تفكر فى اخلاقة ومعاملتة مش سنة ولا اولادة.اختكم ريم

بص سيب مطلق فى حنب ومعاه عليا فى جبن راجل وكويس ومحترم وهيعيشنى كويس وبيحبنى بس موافقه هات بقه مطلق اوك محصلش ليه نصيب العيال زى ولادى

اهم حاجه هوه انسان كويس وله لا ولزم تعرفي ليه سب مرتو الاولنيه اكيد في حاجه لزم تعرفيه قبل فوات الاوان

لا انا بيتهيالى مش هوافق لانى لو وافقت هيكون ثوااااااااااااب لكن مش رغبه فى حياه اسريه واستقرار

يعنى الواحد نصيبه مكتوبله وحاجه زى كده انا هحس انى هتعب فيها جدا

احساسهم انى مش امهم هيعذبنى مع انى لو وافقت هعاملهم اكتر من امهم

بس بعيدا عن المشاكل انا هرفض


اختك

فجر

لو انسان كويس هوافق بس لو واثقه من انى مش هظلم اولاده ولو مش هفرق بنهم وبين اولادى ولو هو مش هيمانع من الخالفه مش هرفض