موضوع ؟؟؟؟؟؟؟؟؟؟

بسم الله الرحمن الرحيم

الموضوع ده مش جديد علينا لانه كان قبل كده فى لينك

وانا كنت حابب الموضوع ده جدا

اولا لانه كان من انسانه انا من عن نفسى بعزها جدا وهيا فجر

ثانيا لانه موضوع بجد جميل

الموضوع هو ويارب ميكونش متكرر

كل واحد يفتكر موقف حصله يكون مضحك

سواء كان ليه هو

او حد من اصحابه او حد يعرفه

على اساس نفتكر الحاجات الحلوه

ونضحك كلنا مع بعض شويه

ويارب الموضوع يعجبكم

وهابتدى انا بموقف مستحيل انسى الموقف ده

ليه واحد صاحبى عزيز عليه جدا

المهم

كان عندى مباراه مع فريق فى بلد الفريق ده

المهم انا كنت بعرف امشى فى البلد دى وهو لا

فبعد المباراه كنا نخلص ونطلع نتمشى شويه انا وهو دايما

المهم اليوم ده واحد صاحبه راح لنا الفندق اللى كنا فيه علشان يشوفنا

المهم صاحبى ده حب يعمل نفسه انه بيعرف يمشى فى البلد دى

راح واخد صاحبه ده ونزل يتمشى معاه

قعد حوالى 3 ساعات ولسه مرجعش

طبعا قلقنا عليه لانه لسه مرجعش واتاخر

المهم وصل الفندق

فبنقوله كنت فين وليه اتاخرت

فحكى القصه

انه تاه ونسى الفندق مكانه فين

وفضل يدور على الفندق وموصلش

كل ما يروح حته يلاقيها نفس اللى كان فيها بمعنى انه كان بشوف تمثال وكل ما يلف لفه يلاقى نفس التمثال

لغايه ما وقف تاكسى لما حس انه تايه

راح قال للراجل لو سمحت عاوزين نروح فندق كذا الراجل قعد يضحك ويبص لفوق

المشكله فى ايه انه كان واقف تحت الفندق ومش عارف هههههههه والراجل يبصله ويضحك

فكره مجنون

راح مركبه وقعد يلف به لفتين

ونزله وقاله هو ده الفندق

وبعد ده كله لقى نفسه فى الحته اللى كان فيها

اللى ها يجننه بقى ايه انه نفسه يعرف الراجل بتاع التاكسى كان بيضحك ليه هههههههههه

يارب تعجبكم

وياريت كل واحد يحكى موقف او كتر علشان نضحك مع بعض شويه

[size=18]ههههههههه بجد صاحبك تحفة والفكرة بتاعتك لذيذة قوى يا ميدو وانا اول ما افتكر موقف اكيد حكتبه ان شاء الله[/size]

موقف يضحك بالنسبالى انا كان مره اصحاب بابا عندنا وقاعدين بره فى الصاله وانا وسيباكى فى الاوضه فانا كونت جعانه او بمعنى اصح باكل وبرخم على سيباكى ف باكل و قاعده اضح على اى حاجه تتقال واى حد يقول كلمه بره اهزر عليها وكونت باكل ساعتها فلفل حاااااااااااااامى اوى ووانا بضحك الشطه جت فى بقى جامده اوى فتخنقت وقعدت اكح اكح اكح احمد واقف يضحك عليا فبقوله اعمل حاجه وانا عنيه دمعت وبكح لسه لقيت اللى واقف قاعد يرقص وبيقولى بعمل اهو هههههههههههههههههههههههههه بجد اللى كان موجود كان نام على الارض من كتر الضحك انا سبت الخنقه وقعدت اضحك هههههههههههههههه كان موقف مضحك بالنسبالى لو افتكرت حاجه هقولك

نسيت اقولك هتفضل غايب لغايه امتى بزمتك مش وحشينك اخواتك مش وحشوك ولو وحشوك ازاى قدرت تبعد عنهم كل ده ها رد رد خايف ليه طبعا علشان غلطان ماشى يا ميدو ماشى مفيش مصروف خااالص نهائى

هههههههههههههه طبعا موقفي كلكم عارفينه لما كنت رايح الجامع علشان اصلي ههههههههههههه

اولا شكرا لمروركم على الموضوع شكرا ليكى يا نهال وفعلا صاحبى ده تحفه ولاميرتنا الجميله بقولها انا مش هاغيب تانى عنكم هاكون معاكم ان شاء الله على طول كانت ظروف والحمدلله حاليا هاكون معاكم على طول وعن مجهول اكيد انت انسان زيى العسل ومواقفك كلها جميله زيك وشكرا للمره التانيه على مروركم

ههههههههههههههه هو موضوع رائع يا حمادة بس اعتقد انوا متكرر فى منتدة الالعاب امممممممممممممممممممممممممممممممممممممممممم مش عارفة بس فكرة حلوة

ههههههههههههه ادى اخر الفزلكه

ميدو اذيك

انا فرحانه اوى انك موجود معانا

ومرسيى جدا على كلامك الجميل بخصوصى

انا كمان بعزك جدا وبعز اى حاجه من ريحه اللينك

انا بيحصلى كتير مواقف تضحك بس الاكتر محرجه

اكتر موقف ضحكنى هو مبيبنش فى الشرح لكن لو شفته كنت هتموت م الضحك

المهم

كنا فى تالته اعدادى وكنا فى فصل مشترك كنا فى حصه بيولوجى المهم والمستر منهمك فى الشرح

فجاه لقينا طفله معاقه بس زى السكر دخلت فضلت ترقص وتغنى فى وسط الفصل

لغايه كده عادى المهم كان معانا زميل لينا كان رخم جدا ومبيكلمش حد

المهم جريت عليه وقعدت على حجره وفضلت تبوس فيه

وهو مكسوف خاااااالص

انا شفت المنظر اترميت ع الارض م الضحك

بجد فضلت اضحك ييجى ربع ساعه

يارب يكون الموقف عجبك

ومرسيى مره تانيه على المقدمه

اختك

فجر

تسلم يا مان والله والى التفوق دائما

مشكورين على مروركم ومواقفكم اللى زيى العسل دى كلها

أولا إزيك ياميدو ومشكور أوى ع الفكره الجميله دى ...
احكيلكم بقى عن موقف حصل معايه وكنت هموت على نفسى من الضحك
كنا قاعدين انا و2 من أصحابى على كافتيريا جنب الكليه ..المهم واحد منهم معلم فى شرب الشيشه ومش بيشرب غير الأص...ههههههههه...المهم صاحبى التانى حب يعمل فيها الواد الجامد بقى وكده قام طلب شيشه أص هو كمان ...وعينك متشوف إلا النور ..بعد شويه لقيته بيمسك فى الحيطه اللى جنبه وعمال يقول الشيشه دى فيها ايه ياجدعان انا حاسس إن الدنيا بتدور بينا ومش عايز أكملك بقى اللى حصل ..وربنا صاحبى ده راح للدكتور باليل من كتر الدوخه والبلاوى اللى كان فيها ...بس تشوف منظره وهو رايح للدكتور ...فضيحه
هههههههههههههههههههههههه..
أخوك
أوزو

ههههههههههههه لا موقف جامد يا اوزو وانا الحمدلله كويس

وكل سنه وانت طيب

» هام قبل كتابت اى موضوع
» موضوع للنقاش)؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
» موضوع غريب.....
» ده اخر موضوع ليا اتمنى يعجبكم و اشوف ردود
» موضوع شيق جدا