ايد بايد

لما يوصل الامر لمرحلة الخوف حتى من الكلام حتى من تعبير الرأي حتى من عيش الواقع اسمحلوي لكن ساعتها لا ينبغى علينا سوى رفع الرايات البيضاء للمستغلين والناهبين واللصوص اللذين يملكون امر هذه البلاد


نفسي حد يحط ايديه على ايدي اتكلموا انطقوا التغيير بيبدأ بالكلام متخلهمش يسلبونا اقل حقوقنا متخلهمش يحرمونا من صوتنا من نفسنا من كونا احنا فليعذرني الجميع ولكنها ليست كلامات مؤلمة بقدر ما يؤلم واقعنا نعم انه مؤلم عندما تصبح الجهات الظالمة لنا والجهات المستبدة لنا قادرة قدرة تامة على ان تتلاعب بينا كيفما شائت وارادت فلا أظن انه يوجد واقع اكثر إيلاما من وقعنا هذا عندما نسلب اقل حقوقنا وهو حق النطق بكلمة لا فهذه الكارثة ولكن ما الحل


الحل يكمن في التغيير نعم في التغيير ابدأ بالتغيير من نفسك ثم غير من حولك تكلم لا تصمت اني لا أقود ثورة شعبية بل أقود ثورة انسانية ثورة تجعلك انسانا انا يا جماعة علشان محدش يقلق مش هنقلب عالحكم او هغلط فيه لكني استغربت منكم جددددددددددددددا

لما كنتم بتسكتوا قبل كده ومش بتتكلموا كنتم بتقولوا مين هيسمعنا او هنتكلم فين

اهو قدامكم قسم كامل تتكلموا فيه وصدقوني مش لازم علشان تتسمعوا تسمعكم حكومات او جهات عليا ممكن يدخل واحد عبد لله بسيط يقرأ كلامكم يغلي دمه بكون هو سبب التغيير هتقلولي ايه بعد الكلام هقولكم احنا نتكلم بس وبعدين كل خطوة هتيجي في دورها بس نبدأ اول خطوة ويا جماعة محدش يخاف محدش يقلق




فانا أعلن مسؤليتي الكاملة عن اي موضوع يوافق تفكيري حتى لو كان يعارض الحكم في هذا المنتدى كله مش في القسم ده بس


انا إبراهيم محمود درويش الشعار

الله علي كلامك يا بيمو تسلم ايدك والله واحنا كلنا معك وربنا يسترور

ربنا يوقيك يارب وانا كمان

اكيد يا بيمو انت عارف رايى فى الموضوع ده


انا طبعا معاك من قبل ما تفكر


انا مقتنعه تماما ان اصلاح الشععوب بيبدا بالسخط على الغلط


ومش بس نزعل من جوانا لازم نتكلم

لكن كل واحد بيقول وانا مالى وبيتكلم وهو ساكت تناقض غريب لكن بيحصل


الكلام طبعا لو حده مش كفايا بس احين من مفيش


لو انت فى اداره ومعجبكش شىء


وقدمت شكوى اكيد المدير عهيعرف وياخد باله واما يصلحها او لا


يبقى انت عملت اللى عليك


ومتكنش زى الشيطان الاخرس


انا لما بلاقى وضع يضايقنى بقوله من غير تردد


وزى ما انت قلت مش شرط مسئول او او


ممكن شخص فعلا


ممكن كلامى يحرك شخص غائب


بشكرك على الحمله الرائعه دى


لازم كل واحد فعلا يبدا بنفسه

ومينفعش اى حاجه يا جماعه

من غير ما نتقرب من ربنا


والله كله هباء ما عدا ذلك


وهو ده سبب تخلفنا


كل عدو لينا بيخشى اتحادنا وتمسكنا بدينا لان ده معناه هلكهم


ياه لو كل الشباب يفهم كده كل شىء هيتحل


بشكرك مره تانيه


وانا معاك معاك معاك معاااااااااك



اختك


فجر

الاخ العزيز بيمو تحيه منى ليك وتحيه من كل اعضاء المنتدى ليك ولمواضيعك الجريئه المواضيع اللى بتتنشر هنا مش هتكون مسئوليتك لوحدك هتكون مسئوليتى انا كمان وان شاء الله ايدى بايدك نعمل حاجه تفيد الناس كلها

فانا أعلن مسؤليتي الكاملة معاك عن اي موضوع يوافق تفكيري حتى لو كان يعارض الحكم في هذا المنتدى كله مش في القسم ده بس

اعلن مسؤليتي عن كل ما يقال او يفعل هنا لكن لازم كلنا نحط ايدينا فوق ايد بعض وانا لو واحد بس حط ايديه مع ايدي فساعتها هكون حققت انتصار خيالي ان كلامي وفكري عرفت اوصله لحد ولكني طبعا امل واتمنى ان الكل يمد ايده معانا


ها مين تانى هيمد ايده .................

السلطان حسن

ولا انت ولا هو بس

اكيد كل واحد هيكون مسئول عن كلامه


احنال مش صغيرين يا جماعه ومينفعش نخاف

لاننا مبنعملش حاجه غلط

لازم يكون قلبنا اجمد من كده احنا مبنعملش حاجه حام او عيب


احنا مع الحق واللى مع الحق قوى


مش كده ولا ايه؟؟؟


اختكم


فجر

انا معاكي يا فجر اننا مش عيال صغيره لكني مش معاكي في ان كل واحد مستعد يتحمل مسؤلية كلامه انا بوجه الكلمة ده لكل اللي مش مستعد يتحمل مسؤلية كلامه انما اللي يقدر يتحملها فانا بحييه طبعا وبقوله امضي إلى الامام ويا فجر احنا لو معلمناش كده في ناس غالية علينا جدا جدا جدا هيتاخدوا في الرجلين على اساس انهم هما اللي مصممين الموقع فهمتي بقى انا عملت كده ليه؟؟؟؟؟؟؟؟؟؟


ومرة تانية هعلن مسؤليتي مع اي حد عاوز يتحمل المسؤلية وبأكدلكم ان سندريلا ملهاش دخل بالموضوع وانا هتحمل مسؤلية الجوار ده كله عنها علشان انا من طلب تصميم القسم ده وانا المشرف عليه واتمنى اي حد عاوز


وارجوكي يا سندريلا انتي وفجر وهند وكل البنات الجدعان دول اكتبوا وعبروا عن رأيكم بكل راحتكم وسيبوا مسؤلية الكلام لينا احنا

احنا ولاد ونستحمل اتمنى اكون عرفت اوصل نظريتي ليكي يا فجر

انا معاك يا بيمو وزى ما قالت فجر احنا مش بنعمل حجة غلط دى بلدنا ولازم مش نسكت على اللى بيحصل فيها دة ولو فعل كلنا حطينا ايدينا فى ايد بعض ممكن نغير كتير وبجد بحيك يا بيمو على الحاملة الرائعة دة واكتر على خوفك علينا

انت بتشكرنا على واجبنا


انت بتفوقنا


بتعرفنا ايه اللى لازم نعمله


احنا اللى بنشكرك


ايد على ايد هتغير اكيد


اختك

فجر

عرفت توصل النظريه يا بيمو ووصلت


بشكرك على خوفك علينا


بشكرك على القسم كمان


بس اتنا هقول كل اللى عندى ومش هسكت ومش هخاف باذن الله

انا بس عايزه لكل البنات او الولاد


يا جماعه الموضوع مش محتاج تكون خبير فى الكتابه

لا ابدا


الموضوع بس انك تعبر عن اللى جواك


كلنا جوانا بنتالم وعايزنكوا بس تفضفضوا عن اللى جواكوا


ومتخافوش اكيد هيوصل لان الحال من بعضه


عايزين بس نشيل حاجز الخوف ونتكلم


اتكلم


اتكلم


اتكلم




اختكم


فجر

حاضر يا فوجى هنتكلم بس مش تزوقى بس وحده وحده علينا انا لسه جديده على الموضيع دى بس هجازف مش مشكله

هههههههههههههههههههههه


اوكى يا قمر على مهلك خالص


اختك

فجر

هل يا ترى هي الايادي هي بس اللي اتمدت لنصرة اخوتنا في فلسطين والعراق وكل مناطق العرب هل يا ترى ده الايادي بس اللي مستعده تضحي علشان تبني امتها تبني فكرها تبني نفسها تبنيني انا وتبنيكم تبني الكل تبني جيل اتعلم يقول الحق حتى لو كان لا

هل يا ترى الامة متستاهلش اننا نمد ليها ايادي اكتر


لكن السؤال دلوقيت الايادي ده كافية ولى لا؟؟؟؟؟؟؟؟؟؟؟؟؟

انا لو عليا قولت قبل كده كفايا معايا ايد واحده هتغنيني عن كتيييييييييييييييييير عن الحجات نفسها تحصل بس لو حصلت هيبقى احسن وسؤالي دلوقتي في حد هيمد ايده تاني ولو مفيش فاللي مدوا ايدهم قبل كده مستعدين يضحوا وسبوا ايدهم معانا وعقلهم وفكرهم؟؟؟؟؟؟؟؟؟؟؟؟؟؟؟؟؟؟؟

يا بيمو

احنا معاك على طول

واكيد طبعا الايادى دى مش كافيه احنا محتاجين شعب كامل

عل فكره عازين نفكر ان احنا نعمل حاجه لفلسطين بجد

مثلا نلم تبرعات او اى شىء مادى


ياريت تفكر فى الموضوع ده بجديه


اختك

فجر

اوكى يا بيمو

بس يوم ما تعوزنى هتلاقينى ان شاء الله

اختك

فجر

لا طبعا الكلام مش كفايا بس تقدر تقول خطوه

احنا عايزين اللى عنده حاجه يقولها اللى مش فاهم حاجه يفهمها

مش عايزين حد نايم على ودانه او او او او

احنا عايزين نوصل الحقيقه ونتكلم

كلام اه لكن ساعات بينفع والله

وبكره ممكن نقدر لاكتر من كده انش اء الله

اختك

فجر