هصدعكم شوية

معلش هصدعكم شوية معلش ماليش غيركم امبارح اتسالت سؤال من كتر سهولته كان صعب علية معرفتش اجاوبه و السؤال هو بتحلمى بايه بعيدا عن المستقبل المهنى معرفتش اجاوب لانى من كتر ما حلمت واحلامى ضاعت قدامى بقيت اخاف احلم وفجاة افتكرت زمان فى طابور المدرسة كان فى وحدة بتقول نشيد حسيت ان فيه كل احلامى ودلوقتى هرد على السؤال وهقوووووووووووووووووووووووووووووووووول

(بحلم بمبنى وبرج حمام وارض حضنها بيسعنى بحلم ولو منعو الاحلام هقول محدش يمنعنى
من حقى احلم واتمنى واشوف براح الكون جنة واغنى احلام تتغنى فى كون بيرفض يسمعنى
بحلم امد جناحى واطير واعيش فى دنيا بلون وردى واشوف قلوب الناس عصافير بيحلمو بغصن مندى
بحلم اشوف الكون واحة واشوف سنابل طراحة وانسى الليالى الجراحة وقلوب بقسوة بتمنعنى
من حقى احلم واتمنى واشوف براح الكون جنة واغنى احلام تتغنى فى كون بيرفض يسمعنى)
اتمنى انى ماكنش صدعتكم اوى يعنى يكون صداع خفيف كدة وياريت كل واحد يقولى بيحلم بايه

ايه يا واد يا مصدعنى انت تحلم زى ما انت عايز ان ماكنتش انت الى هتحلم امال مين

ربنا يوفقك يا سالى

لو مكنتش انتى اللى هيصدعنا مين اللى هيصدعنا ههههه بهرج اوعى تزعلى

ربنا يوفقك سالى

ويحققلك كل ما تتمنى

ما انت على طول مصدعانة يا قمر
ويا رب ربنا ينولك كل اللى فى نفسك

تعيشى وتصدعينا

صدعتينا ايه بس ده موضوع مقطقطق وجميل


يا سالى حتى الحلم عايزين يجرمونا منه


لا يا سالى احلمى زى ما انتى عايزه وحاولى تشوفى حلمك بيتحقق

وانشاء الله فى يوم هتحققى جزء ولو بسيط من احلامك وزى ما هو واضح اغلبها احلام مش شخصيه

بس لكل شىء نهايه لا تقلقى


اختك


فجر