بوابه الصيام هاااااام

بسم الله الرحمن الرحيم

معروف ان لكل فريضه بوابه مثلا الصلاه بوابتها الوضوء الحج بوابته ملابس الاحرام الزكاه بوابته وجود المال اللازم او ما شابه

وبالنسبه للصوم بوبابته يا جماعه التوبه


الموضوع ده انا بدعوكوا فيه للتوبه عشان ندخل رمضان باستعداد وربنا يتقبل صيامنا باذن الله

اكيد كل واحد عارف انه عنده ذنب معين محدش يعرفه غيره

ياريت يحاول يتوب عنه توبه نصوحه صادقه


مش مهم اللى حصل فى السنه اللى فاتت ممكن نستبدله بحسنات ان شاء الله لو عقدنا النيه على توبه صادقه

والتوبه ليها فوايد كتيره اوى يعنى اول ما الواحد بيتوب ترفع له درجه وتحط عنه سيئه

يعنى مفيش اجمل من كده


والواحد يعرف ان ربنا تقبل توبته ان شاء الله لما يبتلى اله عز وجل بابتلاء سواء فى نفسه ماله اهله ... الخ

لما يلاقى الابتلاء ميزعلش بالعكس لازم نفرح ونشكر ربنا ونرضى بابتلاءه لان هو ده مفتاح قبول التوبه


والتوبه يا جماعه مش للذنب الاكبر بس لا كل بنى ادم خطائون وخير الخطائون التوابون


يعنى كل واحد مهما كانت علاقته كويسه مع ربنا لازم يتوب من فتره للتانيه عشان يخلص نفسه من اى شوائب


اللهم بلغنا رمضان


اللهم بلغنا رمضان


اللهم بلغنا رمضان



اختكم


فجر

امين يارب العالمين ........
كل سنه وانتى طيبه والمسلمين كلهم بخير ............
"هديـــــــــــــــــــر"

مرسيى ليكى يا نانسى يا روح قلبى

مرسيى ليكى يا هدير

وكل سنه وانتم طيبين


اختكم

فجر

والله كلامك بسيط وأسلوبك مقنع ....ربنا يكرمك وكل سنه وانتى طيبه يافجر

ربنا يوفقك وكل سنه وانتي طيبه

جزاكى الله خير يا فجر