((كــرســى الاعتــراف )) اكـرم

ازيك نانسى
ده انا مستحلفلك انتى وسما وكام عضو كده .. وهيجى عليكو يوم ان شاء الله.

ايه اكتر وقت بتحس فيه انك مش راضى عن نفسك؟

لما بكون بعيد عن ربنا
.
.
.
ومين اكتر حد من الاعضاء اللى بتابع ديما موضوعاتهم وتعليقاتهم؟

اللى بحب اتابع مواضيعه (عاشق بلا حبيبه) وتعليقات (نهال وفجر ودريمز وطنط تبيستى) وكتييير اوى والله ... ونفسى نانسى اشوفلك موضوع انا بشوفلك تعليقات بس .. انما مواضيع مش بشوفلك خاااالص ... حتى واحنا على لينك
.
.
.
.
هل انت بتحب المجاملة يا اكرم ؟
مش بحبها خااااااااالص ...حتى مش بعرف اجامل حد ... لدرجه مثلا..لو واحد صاحبى لسه شارى حاجه جديده( لبس )مثلا وجيه قالى ايه رأيك ولقيت الحاجه ديه وحشه .... اقوله وحشه ... وانا عارف انه ممكن يزعل ... وبيقتنع برأيكى لدرجه ممكن يروح يرجع الحاجه ديه هههههه
ولو قريت موضوع مثلا فى المنتدى لو عجبنى بعلق عليك ... لو معجبنيش مش بعلق خالص وبخرج
.
.
.
.
ايه هى الصفات اللى مش ممكن تقبل انها تكون فى حد من اصدقاءك يعنى اذا لقتها فى صديق
مش ممكن تقدر تكمل معه؟

التعليق ده هتلقيه فى ردى على سما فوق ^... الخيانه
انما لو حاجه غير كده اكيد طبعا هتكلم معاه انو يغير طبعه ده ... لو مغيروش اكيد طبعا مش هكمل معاه .
.
.
.

عبر لى بكلمات بسيطة جدا وقليلة يعنى ايه المنتدى بالنسبة لاكرم؟

والله فعلا بحس انى انا وسط اخواتى ... على اقد ما برجع من الشغل تعبان ... بس لازم اقعد على المنتدى واتابع المواضيع ... حتى لو مش هقدر اعلق...وفعلا فعلا من المواضيع والتعليقات بتعلم من المنتدى حاجات كتير وبستفاد منه
.
.
.
شفت انا طيبة ازاى وبسالك اسئلة بسيطة**
برضو هيجى يوم وتقعدى على كرسى الاعتراف :evil:

اكرررررررررررررم وعدنا بعد الفاصل هههههههههههههههههههه ده انا هقطعك تقاطيييييييييع بس بحب في الاول اشكرك على انك نورت المنتدى بانك حطيت صورة جميلة جدا جدا زي صورتك فيه وده طبعا شرف لكل الموجودين في المنتدى ان صورتك موجوده فيه وجيب ورقة وقلم تاني ههههههههههه::--

1-لو حد غالي قوي قوي قوي عليك قالك كلام صعب كلام زي مبحبكش انا غلطت اصلا اني كلمتك ولكنك متأكد مليووووووووون الميه انه بيعمل كده علشان مجبر يبعد عنك وعاوزك تنساه فاهمني ولى لا هحاول اسهلك يعني بيرخم عليك علشان تكرهه وفكره انه ممكن هو يستحمل الاشتياق اليك لكنك مش مفروض تزعل و تتعب او تفتكره اصلا علشان كده بيحاول يكرهك فيه

بص هو مش سؤال بيني وبينك هو طلب نصيحه --بس انا مش عارف اجيبك عالميل خالص-- فقولي بقى اعمل ايه؟؟؟

===========================================

2-لو قولتلك قول اسم اقرب ولد ليك في المنتدى بعد عبدالرحمن طبعا واقرب بنت ليك؟؟

==========================================

3-اكتر مرة حسيت فيها انك انخدعت وقعدت تندم على نفسك و تتألم؟؟

=========================================

4-اكتب اكتر موقف بتحب تفتكره بينك انت وعبدالرحمن لو موقفين تلاتة بس هتكتبهم بالتفصيل مش مشكل؟

=======================================

5-اشرحلي لعبة عم زكي ده وانا اقولك مات ازاي ههههههههههه؟؟ومش بهزر اشرحها بجد علشان عاوز العبها؟؟

======================================

6-لو قولتلك بجد بقى ومن غير استغراب ممكن نفضل صحاب طول عمرنا مش ضروري انا يعني مثلا ممكن تكون انت وعاشق او اهلاوي تفضلوا صحاب طول عمركم وتتقابلوا كده وتخرجوا مع بعض يعني تبقوا صححححححححححاب عادي يعني زي مانت وعبدالرحمن دلوقتي صحاب ولو ممكن ايه الشروط اللازمه لده برأيك؟؟

====================================

7-انت هتقوم نفسك من على كرسي الاعتراف امتى؟؟ ومش تنسى انك هتقعد اسبوع زيك زينا

==============================

8-ليه لما نحب حد قوي نبقى مجبرين نبعد عنه

((الجمله ده صح ولى غلط ولو صح جاوب ولو غلط صحح مع تعليل السبب هههههههههههههه))

==========================

كفاية عليك كده النهاردة هروح اعبي تاني وراجعلك

-------------------------------------------

***************************************

--------------------------------------------

(((**=_=_=_=_=_=_=_=_=_=_=_=_=_=_=_=_=_=_=_=_=_=**)))

يا بنى حرام عليك ... انتى بتنتقم منى بالاسئله ديه
ده انا كنت كويس معاك وانت على كرسى الاعتراف مفروض نراعى بعض .

1-لو حد غالي قوي قوي قوي عليك قالك كلام صعب كلام زي مبحبكش انا غلطت اصلا اني كلمتك ولكنك متأكد مليووووووووون الميه انه بيعمل كده علشان مجبر يبعد عنك وعاوزك تنساه فاهمني ولى لا هحاول اسهلك يعني بيرخم عليك علشان تكرهه وفكره انه ممكن هو يستحمل الاشتياق اليك لكنك مش مفروض تزعل و تتعب او تفتكره اصلا علشان كده بيحاول يكرهك فيه

بص هو مش سؤال بيني وبينك هو طلب نصيحه --بس انا مش عارف اجيبك عالميل خالص-- فقولي بقى اعمل ايه؟؟؟

لو فعلا بيمو الانسان اللى بتقول عليه قالك انا غلط اساسا انى كلمتك ...
ويرخم عليك علشان تكره .. يبقى الانسان ده مش باقى عليك ..
لو فعلا بيحبك وعايزك تبعد عنه ... كان واجهك وقالك فى وشك انك تبعد عنه ...انما مش اسلوب انو يقولك انا اساسا غلط انى عرفتك .. لو كان غالى عندك مكنش قالك كلمه زى ديه ...
وياريت يكون كلامى ميضيقكش

لو قولتلك قول اسم اقرب ولد ليك في المنتدى بعد عبدالرحمن طبعا واقرب بنت ليك؟؟
انا قلتلك قبل كده ... انى قليل اوى لما بفتح الاميل .. فقليل اوى لما بكلم حد ... وانا برد عليك دلوقتى وقافل الاميل ..بس والله بعتبركم كلكم زى اخواتى

-اكتب اكتر موقف بتحب تفتكره بينك انت وعبدالرحمن لو موقفين تلاتة بس هتكتبهم بالتفصيل مش مشكل؟
واحنا بنلعب لعبه عم زكى ... وبنجمع فى اللعبه حله بقى وازازه وسكينه .. وطبق تفاح وجوافه .. لما بنقعد مع بعد بيبقى يوم ملوش حل .. ونفضل نلعب لعبه عم زكى مات ههههه لعبه جامده جداااااا
مقلفناها انا وصحابى فى المصيف وممكن نقعد بالــ 3 ساعات نلعبها
ومواقف ايام زمان كلها بنحكيها.. اصلى عبد الرحمن كان شقى اوووى زمان

-اشرحلي لعبة عم زكي ده وانا اقولك مات ازاي ههههههههههه؟؟ومش بهزر اشرحها بجد علشان عاوز العبها؟؟

لأ يا سمسم لأ ... صعبه انى اشرحها

-لو قولتلك بجد بقى ومن غير استغراب ممكن نفضل صحاب طول عمرنا مش ضروري انا يعني مثلا ممكن تكون انت وعاشق او اهلاوي تفضلوا صحاب طول عمركم وتتقابلوا كده وتخرجوا مع بعض يعني تبقوا صححححححححححاب عادي يعني زي مانت وعبدالرحمن دلوقتي صحاب ولو ممكن ايه الشروط اللازمه لده برأيك؟؟

والله بيمو انا واهلاوى وعاشق مش نعرف بعض شخصيا .. معرفه عن طريق لينك والمنتدى والاميل بس ... انما طبعا يشرفنى انى اتعرف عليك انت واهلاوى وعاشق وناس كتييير اوى فى المنتدى

-انت هتقوم نفسك من على كرسي الاعتراف امتى؟؟ ومش تنسى انك هتقعد اسبوع زيك زينا؟
انا اخرى انهارده هههههههههه بعد الاسئله اللى انت سألتهانى ديه كلها ..
اخر يوم ليا يوم الاثنين ... بس بقولك بلاش تفترى فى الاسئله مش هقولك علشان خاطرى ... علشان خاطر كنزى

8-ليه لما نحب حد قوي نبقى مجبرين نبعد عنه

((الجمله ده صح ولى غلط ولو صح جاوب ولو غلط صحح مع تعليل السبب ))
اكيد طبعا غلط ..الحب ده مش حاجه سهله
يعنى انتى لو بتحب واحده ومجبر انك تبعد عنها يبقى انت اساسا مش بتعرف تحب
ولا هيكون فى حاجه اسمها حب اساسا
اما بقى لو فى سبب انك تبعد عنها يبقى ده موضوع تانى خالص

كفاية عليك كده النهاردة هروح اعبي تاني وراجعلك
يارب العربيه اللى بتحمل عليها الاسئله ديه تخرب او تعطل خالص
وحرام عليك يابنى الاسئله ديه كلها
علشان خاطر كنزى

انا اول مره هسالك بس مش تخاف انا مش هسال اسئله زىيهم هو سؤال واحد شوفتو فى فلم وعجبنى يله بقا السؤال هو .......... من انت ؟ جاوب يا واد يا يتقيل ههههههههه

ههههههههههههههه اظن انك بقيت بتشوف اني معلق تترعب ها هههههههههههههههههههههههه

ما علينا انا جايبلك كام سؤال كده جمعتهم من عندي من الاسئلة اللي اتسئلتلي
بس عندي شرطين الاول مش تجاوب على حاجه بعبدالرحمن يعني كل الاسئلة بعد عبدالرحمن يعني لو حد بعد عبدالرحمن يبقى مين ده اولا
ثانيا بقى تجاوب على الاسئله بكتابة اسامي يعني مش تقول الكل المنتدى ومش عارف ايه

لو عملت كده ممكن افكر مسألكش تاني ههههههههههههههههههههههههه مش هفكرك بالورقة والقلم علشان خاطر كنزي بسم الله::--

1-ايه الصفات الحلوه فيك وايه الصفات الوحشه فيك
2-ايه اكتر يوم عشته سعيده وتتمني انه يرجع تانى
3-ايه اكتر انسان بترتحله وانتي معاه
4_ مين الشخص اللى بتحتاج تتكلم معاه ولما بتكون مخنوق مش بتدور على حد غيره؟
5_امتى عملت حاجه وندمت عليها ؟
6_ايه الموقف اللى حصلك وحسيت بالخجل فيه؟
7_بكيت قبل كده على فراق حد ؟
8_تفتكر الصداقه والحب مين اقوى فيهم ومين الافضل عندك ؟
9_لما بتكون مخنوق بتعمل ايه بتتتكلم ولا تعد لوحدك ولا ايه؟
10_ بص السوال على جزئين مره حاجه ضاعت من ايدك وندمت عليها .. التانى حاجه انت اللى ضيعتها من ايدك وندمت عليها ؟
11_ لو طالع رحله والمفروص تاخد شخص معاك هتاخد مين ؟
12_مممممممممم حسيت قبل كده ان انت مظلوم ومش قادر تقول انك مظلوم وايه الموقف؟
13-ايه رأيك فى قسم تحب تعرف ايه عن نفسك وقسم صرخة ارض؟؟؟؟؟
14-انت راضي عن نفسك وحياتك ولا............. ؟؟
15-تختار (عضو او عضوه) واحد فقط لكل نقطه ....
أ-تتابع مواضيعه او مذكراته
ب-تضحك وتستمتع بقراءه ردوده
ج-اقرب عضو لقلبك
د-عضو تحب انك تنرفزه وتتناقر معاه (( هزار يعنى ))
ه-عضو ترتاح وتكون مطمئن وانت تتحدث معاه
و-عضو تحس ان قلبه طيب وبريء
ز-عضو مظلوم او مهظوم حقه
ح-عضو تحس من مواضيعه ان احساسه عالى اوى
16-مين اقرب انسان ليك؟ ولية ؟واتعرفت علية ازاى؟
17-الحب نظامه معاك ايه يعني حبيت أو بتحب أو هتحب في الألفية الجايه إن شاء الله؟؟؟؟

ومش هطلب اغاني الا بعد ما تجاوب على اسئلتي هههههههههههههههههه

هند كتب:: انا اول مره هسالك بس مش تخاف انا مش هسال اسئله زىيهم هو سؤال واحد شوفتو فى فلم وعجبنى يله بقا السؤال هو .......... من انت ؟ جاوب يا واد يا يتقيل ههههههههه

ازيك هند ... شكرا لمشاركتك معانا

سؤالك سهل جداااااااااا ياريت كل الاعضاء يكونو زيك كده مش زى ناس مفتريه

من انت؟
انسان اعيش واتعايش
مش هو ده برضو الفيلم ههههههههه؟

ماشى يا اكرم اقولك من انت تقولى كدا انا الى اتهونت معاك بس اسمع السؤال دا بس يارب مش يكون اتكرر قبل كدا السؤال هو مين اكتر حد بتخاف عليه وتحس انه مسئول منك ؟ لو سمحت جاوب بجد مش زى الرد الى فات اوك

كل ده علشان خاطر كنزى .... ديه كنزى شكلها غاليه عليك اوى ... يامفترى

لأ بجد انت مش بتسأل انت بتنتقم .. طب اقولى انا عملت معاك ايه علشان تعمل معايا كل ده
مش هقول غير ربنا يسمحك
1- ايه الصغات الحلوه ؟ ما يشكر فى نفسه اللى ابليس

ايه الصفات الوحشه ؟ مكن تقول عصبى شويه

2-ايه اكتر يوم عيشته سعيد ويتمنى انه يرجع ؟
اى يوم عشته مع البنت اللى كنت مرتبط بيها ... كان اسعد يوم فى حياتى

3- مين اكتر انسان بترتاح وهو معاك ؟
اخويا .. وزميلى فى الجامعه

4-امتى عملت حاجه وندمت عليها؟
انت سألتنى السؤال ده هتلقيه فوق ^

5- ايه الموقف اللى حصلك وحسيت بالخجل فيه؟
والله مش فاكر دلوقتى
اول ما افتكر هقولك

6-بكيت قبل كده على فراق حد؟
لأ ... بس بكون تعبان اوى من جوايا

7-تفتكر الصداقه والحب مين اقوى فيهم ومين الافضل عندك؟
بصراحه الاتنين اقوى من بعد .. بس الافضل عندى الحب

8-مين الشخص اللى بتحتاج تتكلم معاه ولما بتكون مخنوق مش بتدور على حد غيره؟
الشخص اللى بحتاج اكلم معاه اخويا .. ممكن تقول علينا تؤام ولو شفتنى مع بعض ممكن تتلغبط بينا ... مع انو هو اكبر منى ... ولما بكون مخنوق مش بدور على حد ... علشان مش بحب اشيل همومى لحد

9-لما بتكون مخنوق بتعمل ايه بتتكلم ولا تقعد لوحدك ولا ايه .
بحب اقعد لوحدى .. وبخرج نفسى من الخنقه ديه لوحدى .

10-مره حاجه ضاعت من ايدك وندمت عليها؟
طبعا ...فراق اعز انسان ليا .

انت ضيعتها من ايدك وندمت عليها؟
كانت فى بنت بتحبنى جداااااا .. بس انا مكنش فى بالى خالص بعتبرها صديقه ليا عادى زى باقى اصدقائى
اكتشفت بعد فتره كبيره انها بتحبنى ونفسها تتكلم معايا ...

11-ممممم حسيت قبل كده انك انت مظلوم ومش قادر تقول انك مظلوم وايه الموقف؟
انا اتظلمت مره واحده فى حياتى وعمرى ما كنت اتوقع حاجه زى كده.. بس الحمد لله على كل حاجه

12-لو طالع رحله ومفروض تاخد شخص معاك تاخد مين ؟
واحد صاحبى .. انتيمى .... دمه زى العسل

13-ايه رأيك فى قسم تحب تعرف ايه عن نفسك وقسم صرخه ارض؟
تحب تعرف ايه عن نفسك من اجمل الاقسام فى المنتدى
قسم صرخه ارض جميل جدااا كفايه انك انت المشرف ...بس مش بقدر اعلق فيه ولا هو ولا قسم نبض الحروف علشان بكون تلميذ وسطكم فى الحاجات ديه ..بجد

14-انتى راضى عن نفسك وحياتك ولا ........؟؟
الحمد لله برضى باللى ربنا كتبهولى ... وبشكر ربنا على كل حاجه
الحمد لله الذى فضلنا على كثير من عباده المؤمنين

15-تختار( عضو او عضوه ) واحد فقط لكل نقطه...
تتابع مواضيعه او مذكراته ؟عاشق بلا حبيبه
تضحك وتستمع بقراءه ردوده؟الخاله تبيستى وديمو وهيرو
اقرب عضو لقلبك؟ مش بفتح الاميل كتير (مفيش)
عضو تحب انك تنرفزه وتتناقر معاه (هزار يعنى )؟طبعا الحاجه تبيستى
عضو ترتاح وتكون مطمن وانت بتتكلم معاه؟نهال
عضو تحس انى قلبه برئ؟سندريلا
عضو مظلوم او مهزوم حقه ؟انت بيمو
عضو تحس من مواضيعه ان احساسه عالى قوى؟باستثناء عبد الرحمن ... دريمز وعاشقه
مين اقرب انسان ليك؟وليه؟واتعرفت عليه ازاى؟عبد الرحمن
الحب نظامه ايه معاك ايه يعنى حبيت او بتحب او هتحب فى الالفيه الجايه ان شاء الله؟؟؟؟
فى الالفيه الجايه ان شاء الله

ارحمو من فى الارض يرحمك من فى السماء

[size=18]بجد عيب عليك يا اكرم انا هنا كتبت مواضيع اينعم هى قليلة جدااااااااا

بس كتبت وفى لنك كنت ديما بكتب مواضيع اكتر من هنا بكتير وعلى فكرة
لما كنا فى لنك انت كنت من الناس اللى ديما تعلق على مواضيعى معظمهم
ان لم يكن كلها شكلك جالك زهيمر ولا ايه هههههههه بقى كدة انا حهريك اسئلة
يا اكرم عشان تحرم تنسى تانى[/size]

هند كتب:: ماشى يا اكرم اقولك من انت تقولى كدا انا الى اتهونت معاك بس اسمع السؤال دا بس يارب مش يكون اتكرر قبل كدا السؤال هو مين اكتر حد بتخاف عليه وتحس انه مسئول منك ؟ لو سمحت جاوب بجد مش زى الرد الى فات اوك

اكتر انسان بخاف عليه وبحس انى مسئول منى؟

(والدتى) ... ديه كل شئ فى حياتى كلها

nancy كتب:: بجد عيب عليك يا اكرم انا هنا كتبت مواضيع اينعم هى قليلة جدااااااااا

بس كتبت وفى لنك كنت ديما بكتب مواضيع اكتر من هنا بكتير وعلى فكرة
لما كنا فى لنك انت كنت من الناس اللى ديما تعلق على مواضيعى معظمهم
ان لم يكن كلها شكلك جالك زهيمر ولا ايه هههههههه بقى كدة انا حهريك اسئلة
يا اكرم عشان تحرم تنسى تانى

شكلى جالى زهيمر .... وهتهرينى اسئله كمان

والله انا محضر مفجأه فى الكرسى اللى جاى :scratch:

خير اوعا تقول انك هتكسر الكرسى فرحنى فرحنى ((كــرســى الاعتــراف )) اكـرم - صفحة 2 77259186

انا بس داخل اسلم عليك علشان عارف ان ايديك تعبت من كتر الاسئله ههههههههههههههههههههههههه
بس مش تخاف خلاص مش باقي أسئلة أسئلها هههههههههههههههههههههههههههههههههههههههههههههههههههههههههههههههههههه

ربنا معاك ومعانا ومعاهم ومع الامة ويرحمنا من المفتريين
واطلبلك اغنية
صاااااااااااابر

هههههههههههههه
وسلملي عكنوزتي حبيبتي واقولي كده بيني وبينك ايه المفاجأة لو هحرقوا انا مستعد اولع فيه معاك ههههههههههههههههههههههههههه

» اعـتـرافـات كــرســى الــحـب