انا بصراحة عجبتنى الفكرة الجميلة دى بس بجد صعب الواحد يحدد عضو واحد بس يستاهل شهادة تقدير كتير اوى فى المنتدى بتاعنا دا
واللى احس وانا جواه وبأتصفح داخل مواضيعه احس فعلا ان اللى فيه اسرة واحدة اتمنى فعلا ان الاسرة دى تكبر وتبقى عائله كبيرة
ونظراَ لانى جديد فى المنتدى ماعرفش كل الناس فطبعا هاعطى شهادة تقدير لاخويا وحبيبى (عاشق بلا حبيبة )مش بس لمواضيعة المتميزة لا
دا علشان هو اللى كان همزة الوصل بينى وبين المنتدى دا بمعنى اوضح هو اللى دلنى علية
اشكر كل الناس والاعضاء اللى رحبوا بيا وفعلا حسسونى انى عضو مش جديد لا صديق فعلا فى المنتدى
شهادة تقدير تانية احب اهديها ل(السلطان حسن )فى خفة دمه ومواضيعه النارية اللى فعلا بتمس حقيقة وواقع ملموسلينا كلنا واللى بيحاول يوصلنا قضية اد اية احنا فعلا شعب مظلوم لكن بطريقة سهله يعنى علشان مايبقاش موت وخراب ديار
شهادة تقدير تانية وعامه لكل الاعضاء اللى بيشاركم مش بس بالردود لا اللى بيشاركم بمواضيع جديدة او منقوله مش مهم المهم الارتقاء بالمستوى بتاع المنتدى
وشهادة تقدير ليكم لانكم استحملتم الرد الطوييييييييييييييل بتاعى انا اسف انى طولت عليكم
شكرا
موضوع: أدخل وأكتب شهاده تقدير لعضو في نظرك يستاهل التكريم 
الثلاثاء سبتمبر 04, 2007 9:48 pm
