لو عاوز تخلع من حبيبتك ؟؟

[size=18]لو عاوز تخلع من حبيبتك تعمل اية؟؟؟

الى كل روميو اتخنق من جولييته و عايز يغير او يبدل او يبطل

المهم انه ناوى يخلع بالطريقه

الاول عايزين نتفق اننا بنفكر ازاى نخلع و منغير ما نخسر

بص يا باشا

الطريقه الاولى

غلطه مطبعيه

فى نص الليل و الدنيا ضلمه ( ماهى اكيد ضلمه طبعا ) افتح ايميلك و ابدأ
فى كتابة رساله لحبيبة القلب اوصفلها كل مشاعرك الفتاكه .. احكيلها عن
كل حالات الحب و الانصهار العاطفى اللى بتجتاحك لما بتفكر فيها ..
احكيلها عن كل احلامك و امنياتك و البيت الحلم الجميل و البيت الصغير و
العيال اللى زى القمر اللى هما نتيجة الهرتله دى كلها ..
بس فيه حاجه يا معلم بعد ما تخلص كل كلامك عايزك تعمل حاجه صغيره
اكتب فى اخر سطر بحبك يا مروه
و طبعا مش محتاج اقول لك ان حبيبتك اسمها هند
و ابقى قابلنى لو عبرتك تانى

الطريقه التانيه
التاااااااااااااااااااار

انزل لها فى يوم منيل على الصبح كده و انت لابس جلابيه صعيدى و شايل كفن
على ايدك طبعا هتسألك : على منظرك ده جه منين
سعادتك هتروح متكلم صعيدى برضو و تقول لها ان ابن خالة مرات عمة جوز
خالتك عليه تار فى الصعيد الجوانى و مفيش حد ينفع يتقتل فى الحوار ده
غيرك ... يا كده يا تتجوز بنت اصحاب التار .. و طبعا انت رفضت بكل عزة
و اباء انك تضيع حبكم علشان حتة موته لا راحت ولا جت فقررت انك تموت ولا
انك تتجوز غيرها ابدا ابدا ابدا
طبعا رد الفعل الطبيعى ان المسطوله اللى بتحبك هتشترى هى الشبكه علشان
تتجوز المسطوله اللى انت اخترعتها

الطريقه التالته
المرض البطال

و انت قاعد معاها فى اى كازينو وقت الغروب اسرح فى منظر الشروق و سيبها
هى تلالى مع نفسها و اكيد هتاخد بالها انك سرحان .. عايزك و انت سرحان
كده متبقاش سرحان بجد لا اوعى .. انت هتبقى مركز فى اى نقطتين دموع تنزل
من عينك و طبعا المعلمه هتتخض من منظرك خصوصا انك مكونتش بتبطل رغى قبل
كده
و هتسأل مالك ... هنا بقى وقت الدمعتين .. اوعى تبصلها .. قول لها و
انت شارد برضو انك من زمان كنت حاسس ان صحتك مش ولابد و امبارح بس روحت
للدكتور و طلب منك تحاليل و النتيجه طلعت النهارده الصبح .. و اسكت ..
هتسألك طلع عندك ايه ؟! هتسكت شويه و بعدين تقرر تقول لها طبعا انت
عارف طلع عندك ايه ؟
لا طبعا يا ناصح سرطان ايه بعد الشر
انت طلع عندك انفلوانزا الطيور
هى الموضه دلوقتى يا عم
و قبل ما تستوعب الموقف سيبها و امشى تبلع الصدمه مع نفسها بقى
و بالمره تحاسب هى على العصير

الطريقه الرابعه
البن

ايوه البن ايه عمرك ما شربت قهوه؟!!
اتصل بيها الساعه 7 الصبح و حاول يكون فى يوم سقعه و مطر و صيف و بهدله
بحيث انها تبقى جايه مش مركزه اصلا و اول ما تشوفها قول لها ان عمك اللى
عنده مزرعة بن فى البرازيل بعت لك عقد عمل عنده فى المزرعه بتاعته .. و
طبعا دى شغلانه عمرك ما هتعرف تعوضها عندنا علشان احنا فى مصر مش بنزرع
بن اصلا ..
ليلى انا مش هقدر اعذبك معايا اكتر من كده .. ليلى .. البن اقوى منى
و متنساش بعد كام شهر تبعت لها كيسين بن برازيلى محوج من عند البقال
اللى على اول شارعكم علشان تصدق انك هناكوبكدة تكون خلعت وربنا يوفقك

عجبتنى اوى ويارب تعجبكم وتفيدكم [/size]

ههههههههههههه ... وعلى اية كل التعب دة .. هو يقتلها ويخلص منها ويريح دماغة ودماغها ..تسلم ايديك بجد موضوع رائع

هههههههههههههههههههههههههههههههههههههههههههههههههههههههههههه

حلووووووووووووووووووووه
بس ديه كلها حاجات مش في صالحنا خلالالالالالالالالالالالالالالالالاص

يقتلها طب احنا كنا بنقول حل سلمى يقتلها مره واحده

وكمان دا لازم الاحتياط واجب لازوم افش الحوارات دى كلها يعنى

maaana

هههههههههههههههههههههههههههه...لا تعليق

هههههههههههههههههههههههههههههههههههههه

عجبتنى اوى بتاعت البن ومروهه هههههههههههههههههههههه

اختك

فجر

طب لو احنا عايزين نخلع برده نفس النظام ولا ايه ههههههههههههه

بس اه صحيح مفيش تنار للبنات

نختار لهم الخطه ال 120 لسنه 3010

ودى بقى خطه فعاله جدا هههههههههه

[size=24]ههههههههه حلوة بس عيب عليك احنا اخواتك برضة

وعشان تصالحنا قول لنا طريقة عشان نخلع بيها احنا كمان ههههههههه[/size]

اخس عليكى ماكنتش متوقعه ان بنت هى اللى تكتب الموضوع ده كده برده ماشى ياستى بس انتى عملتى خير عشان لما يعملو كده نبقى فاهمين شكرا موضوع جميل

هههههههههههههههه موضوع جميل جدا بس حد يشوف لنا طريقه نخلع منهم بيها ..........ضى القمر

لو عاوز تخلع من حبيبتك ؟؟ 20608463

جامده اوى يا معلم والله موتتنى من الضحك

تسلم الايادى

بجد هايله

» هل تحضر فرح حبيبتك ؟؟
» ازاي تخلع من خطيبتك وتفركش الموضوع بسهولة وروشنة؟؟؟؟
» بدون حياء تخلع الجنز امام عدسة الكاميرا
» من تختار فى مثل هذا الموقف اختك ام حبيبتك
» اسمك واسم حبيبتك بالبسكويت ... ادخل وشوف