تتوقع أيه ؟؟؟

موضوع: تتوقع أيه ؟؟؟ الجمعة سبتمبر 07, 2007 5:34 pm

استدعى الاب ابنه لغرفته وما ان رأه امامه الا وبادر بتوجيه هذا السؤال
الأب : هتعرف يابنى تحافظ على الثروه اللى هتورثها من بعدى
الابن : طبعا يا ابا تربيتك
الأب : يعنى هتعرف تربى الكتاكيت زى ما انا ربيتهم
الابن : ( باندفاع وحماسه الشباب ) اكيد يا ابا
الأب : طيب هات الكرتونه اللى فيها الكتاكيت دى
سارع الابن باحضار الكرتونه ووقف امام ابيه
الأب : اقلب الكرتونه على الارض وورينى ازاى هتقدر تلم فيها الكتاكيت
وبسرعه قلب الابن الكرتونه وما ان رفعها حتى انطلقت الكتاكيت
فى ارجاء الغرفه واندفع الابن خلفها يحاول جمعها مره اخرى لكن هيهات ، وبعد ان ادرك الفشل وقف امام ابيه وقد ارتسمت على وجهه البلاهه والغباء ولم يوقظه الا صفعه قويه من ابيه
الاب : شوف يا غبى اللى هاوريهولك ده خلاصه 25 سنه فى تربيه الكتاكيت
ثم اخذ الاب الكرتونه بعد ان جمعا فيها الكتاكيت اخذ يهزها بقوه يمينا ويسارا وسط صراخ متواصل من الكتاكيت ما لبث ان تلاشى وانقطع نتيجه ما اصابها من اعياء
الاب : الان فقط نقلب الكرتونه
وما ان رفعها الا وشاهد الابن الكتاكيت لا تحرك ساكنا مما
اصابها من اعياء ودوار ثم قام بتعبئتها فى الكرتونه بمنتهى
السهوله واليسر
الأب : الوقت يا ابنى اتعلمت اهم حاجه فى تربيه الكتاكيت وهى (اتعبهم يريحوك لكن لو ريحتهم هيتعبوك (
لو عرفت مين هو الأب ومين هو الابن ومين هما الكتاكيت ؟
-
-
-
ادخل عشتك وخليها فى سرك

لكن فيه سؤال مهم جدا كان يجب على الابن الوريث الجميل أن يسأل أباه الطيب المبارك عنه وهو"طيب يا با لو فيه كتكوت من الكتاكيت دى كان جامد ومقدرناش نتعبه يعنى من الآخر كتكوت متمرد ومش فارقه معاه لا هز كرتونه ولا غيره خاصة لو كان الكتكوت ده من النوع اللى بيطلعله شعر فى أسفل وجهه!!!!!!!!!!!!!!!!!!!أعمل معاه إيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟تتوقع المفروض يعمل معاه إيهفكر ثم أجب

ولا حاجة يدبحه ويخلص هما هيتعبونا ليه ههههههههههههههههه بجد مش عرفة

هههههههههههههههههههههههههه...مش عارفه أيه بقى ده انتى جبتى النهايه
شكرا على مرورك ياسالى

ده يبقي كتكوت رخم اوي بس عادي يعني اعلقه من رجليه لحد مايعترف جاب الرزاله دي كلها منين وبعدين ممكن نرجع لحل سبيكتر وندبح امه وبس

يعتقله او يدخله سجن سياسى

كده ينفع

انا عن نفسى كتكوت وكتكوت صغنن كمان

بس بجد حلوة قوى القصة دى وانا شخصيا هجربها فى شغلى الجديد

لالالالالالالالالالالالالالالالالا

ياجماعه لازم الاول يفهمه غلطه بعدين
يقطع عنه الاكل
بعدين المياه
بعدين البترول
وكده يموت بس قضاء وقدر
يعني هو مكنش قصدي هو كان بيربي الكتكوت ويعلمه الادب

لا احنا نحطو فى حتة واسعة وتكون متقفلة كويس ونخلية يجرى كتير قوووووووى بتاع عشر مرات كده على شان يتربا .. ويعرف ان الله حق والى كان بيعملو دا غلط وقلة ادب ههههههههههههههههههههههههههههههههههههه و كدا اعتبر ان الكتكوت فى جبيك على شان هيكون مات من التعب

أيه الحلول الجادمده دى ...هههههههههههههههه.......شكرا ياشباب على مروركم
المهم انكو تكونو فهمتو القصه بالظبط ووطو صوتكو بقى عشان منروحش فى داهيه
هههههههههههههههههههههه

السلام عليكم........... ازيك يا اوزوو باشا ياتري لقيت الامانة ولا لسة .........؟؟؟؟ المهم بلاش فضايح بقي ندخل في الموضوع الكتكوت دة لازم يتعلق من رجلية ونحلقلة شعرة شعرايا شعرايا عشان يقر ويعترف زي ما قال جو ...... ونفقعلة عنية الاتنين وبعدين بقي نسيبة من غير اكل عشان يعرف ان الله حق هههههههههههههههههه......... كل سنة وانت طيب يا جميل ويارب تكون لقيت الامانة؟؟؟؟؟؟؟؟؟؟؟

يسأل أباه الطيب المبارك عنه

جامد جدا الموضوع ده

يعنى احنا كتاكيت ماشى يا عم

ما هم الكتاكيت اللى تعبنهم دول هم اللى هادين حيلهم وعايزين يتخلصوا

منهم باى شكل

بس بجد موضوع جامد

ولازم نكون احنا كمان كتاكيت جامده عشان نقدر نصمد

اختك
فجر

زووووووووووووو

تخيل الكتاكيت اللى فاتت دى لو كل واحد منهم اتعمل فيه الحل اللى قال عليه يا خبر
ههههههههههههههههه
انا من راى السماح احسن حاجه ربنا يجعلنا من الكتاكيت الهاديه
امين

بسبوسه ..فجر ...سما ...مشكورين على مروركم وأرائكم ...وربنا يبعد عنا المبارك وابنه واللى شغالين معاهم ...شكلهم كده هيقطعونا ع الكلام ده ..هههههههههههههههه

انا من راىء انة يريح نفسة من كل دة ... وعلى اية كل دة هو يدبحة ويخلص منة ويحطة كدة فى طبق ويعمل شوربة جنبة بكدة حلينا المشكلة وخلصنا من تعبة ... وبعدين الكتكوت دة حيشبعة اوى وكمان دة احنا دخلين على رمضان يعنى مش حيخلى فيى حتة سليمة .. دة يعنى لو فية حتة اصلا .. شكرا يا اوز على موضوعك وتسلم ايديك ياغالى

شكرا على مرورك ياحكايه

اظن انهم قالوا ما يكفى من حلول بس لو كتكوت رخم اوى هاتووووووووووووووووووووووه وانا اجننن ......................... واظبطه اخليه يدخل الكارتونه ومش يخرج منها حتى لو اتقلبت ده انا ساندى ههههههههههههههههههههههههههه

هههههههههههههههههههههههههههههه....طبعا ياسندى ....ربنا يخليكى لينا ..شكرا على مرورك ياسندريلا

يديله الكرتونه
بس ايه يا الاصلى الموضوع لذيذ اوى تسلم الايادى

أجمد حل قرأته ياسبايكى ..هههههههههههههههههههه...
حلوه اوى يديله الكرتونه دى ..
أصلى ياعمى

موضوعك جميل اوزو

زى ما قالت سندريلا اديها الكتكوت وهيا هتعرف تربيه هههههههه
شكرا ليك اوزو على موضوعك

شكرا ليك ياأكرم على مرورك.

ههههههههههههههههههه ادبحوا وخلاص وبجد موضوعك جامد وربنا يسترههههههههههههه

شكلنا احنا اللى هنتلم فى كرتونة

هههههههههههههههههههه
ربنا يستر يابونى ...