بجد انا حابب اشكر الكل على اهتمامه بمشكلتي وبحب أتأسف للكل برده لو حس اني رخمت شويه في الاخر بس والله ده كله ضغوط بس وانا مكنتش عاوز ازعجكم واحكيلكم بس انتم اللي طلبتم تعرفوا وانا هعرفكم خليكم معايا:-
ايام انتخابات الشورى --طبعا الكل عارف اللي حصل-- لو حد سمع عن دايرة أوسيم والاعتقالات اللي حصلت فيها المهم اعتقل واحد صاحب ابن عمي==اسمه **عبدالحكم بحيري**==
كان اخوان وكان جدع وميه ميه المهم انا قلت عادي انا مش اخوان ولى ليه في الكلام ده بس لازم أقول رأيي علشان احس اني راجل ورحت انا وابن عمي نصوت
==علفكره ابن عمي هو اللي بيكتب القصص لو تفتكروا==
المهم معرفناش نصوت ولى أي بتنجان روحنا
==غاية دلوقتي مفيش ازمه==
بعد كده بقى بدأوا يسألوا اللي خدوهم 
عن أي حد يعرفوه المهم ابن عمي اسمه جه في الرجلين وللاسف انا كمان رحت معاه في داهية
الضابط اللي جاب اسامينا==اسمه[color=slategray] [color:c0b6=dimgray:c0b6]سيف الجارحي أمن دوله تبع الوراق==
اهلنا أصروا علينا لازم تسيبوا الجيزه دلوقتي خالص بقيت أقولهم هو ده اللي هما عاوزينه عاوزين يخوفونا من كلمة الحق انا مش ماشي ومش رايح في حته قالولي هتمشي يعني هتمشي قلتلهم طيب والامتحانات انا كده بضيع مستقبلي, قالولي بالعكس انت كده هتحافظ عليه يعني لو سافرت وقعدت في الاسمعاليه وبتذاكر هناك وزي الفل وتيجي هنا على الامتحانات ولى تروح ولى الشمس وتضييع عليك الامتحانات قلتلهم بس شعوري اني جبان وهارب قالولي هارب وعايش احسن من موجود وميت كنت مصر اني ممشيش لكن لما لقيت امي بتعيط وتقولي لو كتبت على نفسك السجن واخترته يبقى بتقتلني بالبطيئ فوافقت اروح واتحدد يوم السبت الجاي علشان اسافر فيه و اروح الاسمعاليه فعلشان كده مكنتش هعرف أقعد على النت لمده طويله قوي علشان كده قولت اخر موضوع و قولت اسلم
المهم وانا قاعد بعد صلاة الفجر يوم الخميس
وبكلم الواد ديمو على الميل
اتصل ابن عم أبويا ==علفكره هو رائد طبيب في الجيش,,وهو اللي جابلي اسم الظابط اللي عرف اسمي انا وابن عمي==
وقالي خلص الموضوع محدش هيعملك حاجه عاوز تقعد في الجيزه أقعد قولتله طيب ازاي قالي طول مانت في الجيش تعرف تعمل كل حاجه وانت حاطط رجل على رجل
المهم انا قاعد معاكم هنا على طول ان شاء الله واتمنى بجد اننا نرجع نتكلم زي الأول وانا اوعدكم اني ان شاء الله خلاص مبقاش فيه مشاكل فان شاء الله الدنيا هتبقى زي الفل وهيرجع بيمو القديم تاني:afro:ولو لقيتوني مره غبت كتير مره واحده اعرفوا اني عزلت ورحت سكنت ورى الشمس:confused: وربنا يستر ومعلش يا أكرم يا حمايا يا حبيب قلبي لو كانت طريقة كلامي الفتره اللي فاتت مش حلوه فاعذورني سلام يا أغلى منتدى
موضوع: مشكلتي مع الحكومه 
الخميس يونيو 21, 2007 3:54 am
