تصدقو وتؤمنو بالله

تصدقو وتؤمنو بالله . ابقى جزمة وستين جزمة لو دخلت المنتدى ده تانى ولا رديت على حد منكم . ومش عاوزة حد يعلق على المزكرة دى اقروها ومتعلقوش ومحدش يبعتلى على ايميلى ولا يسالنى . وشيل ده من ده يرتاح ده عن ده وكفى الله المؤمنين شر القتال . انا فعلا غلطانة انى رجعت اعلق على مواضيعكم . وياريت بقى ترتاحو وتعيشو حياتكم

ايه يا بنتى فيه ايه متقولى طيب ايه اللى مزعلك كدا اووووى

وبعدين انتى وحشتينى اووووى

وطبعا احنا منقدرش نستغنى عنك

اية اللى حصل يعنى لدة كله

تبستي خالتي

يرضيكي تسيبي ابن اختك كده اهون عليكي عععععععععععععععع امال فين حق ولاد الاخت يعني وكمان ايه بقة اللي مزعلك كده قوليلي مين بس وانا اقطع رقبته

ايه ده ايه ده

طب نفهم

قوليلى بس مين اللى زعلك وشوفى انا هعمل فى ايه

يا بنتى محدش يقدر يزعلك ده المنتدى بتاعك مش احنا اللى هنقولك

اكيد فى حاجه غلط

وبعدين انتى حبيبتنا كلنا مينفعش نسيبك زعلانه كده

قوليلنا بس ايه اللى مزلعك

بالله عليكى ما تزعلى اكيد فى حاجه غلط

اختك

فجر

ايه ده ايه ده فى ايه حصل مين زعلك طيب ولا ايه اللى حصل علشان تقولى كده .وكمان ايه مش هدخل تانى مانتى عارفه واحنا عارفين انك مش تقدرى تستغنى عننا ولا احنا نقدر نستغنى عنك قولى بس ايه اللى مزعلك اوى
اختك...........ساندى

ليه بس كل الزعل ده ايه الى حصل مين زعل اغلخاله والله لو اعرفه لحبسه بس الخاله على رأى ساندى مش هتقدر تستغنى عننا ولا احنا كمان نقدر نستغنى عنها دى هيه حتة السكره الى فى المنتدى اه والله اوعى تزعلى وهتخشى تانى صح
اخوكى
جنــــــــــ سيد مرسي ــــــــرال

ليه بس يا ستي مالك مين زعلك هوه المنتدا من غير هيكون ليه طعم

ازيك يا خالتي كان نفسي اقبلك هنا في ظروف احسن بس قولي ايه اللي حصل انا مش فاهم من كلامك حاجة
كراكيب

انا مش فاهمة حاااااااااااااااااااااجة خاااااااااااااااااااااالص هو فى ايه بيحصل هنا هو انا دايما كدة يا مش فهمة ياما اخر من يعلم طب حد يفهمنى حرام عليكو كدة مالك يا خالتو ايه مزعلك ياريت تقولى عشان كلنا نعرف ونحاول نحل الموضوع لان كلنا هنا واحد ومينفعش حد يزعل ويمشى يعنى احنا بالمختصر المفيد جسم واحد ينفع اللسان يمشى ويسيب باقى الجسم طب هنتكلم ازاى بقى نشاور يعنى يرضيكى كدة يا خالتو نعيش عيشة الخرس لو يرضيكى احنا بردو ما يرضناش هه بس انا تعبت كفاية كدة