معقول يامصرى تبقى كدا...

قوم يامصرى
انتهى عصر الخضوع
وابتدى عصر الجهاد
لازم تسيبك مالدموع
واليأس وتبطل ركوع
لازم تفوق
لازم تقول
ان انا اقدر اكون
وحاكون
قوه تهز
أعظمها كون

فاتت سنين
قاعد حزين
قاعد بتبكى
ودا يرضى مين
يرضى غرورك
ولا جدودك
اللى ياما شربوا من حنين الأرض
فى كاس الوطن
واللى خلاهم جبال
صامدين فى وش الزمن

كل دا وانت كدا
ساكت ذليل

ازاى تبيع وطنك عشان خاطر تعيش
صدقنى اللى فيوم يبيع دا مايساويش
ابدا يعيش

معقول يامصرى تبقى كدا
يرضيك يامصرى تبقى كدا

امك تموت
اختك تموت
وكمان أخوك
وانت تعيش
هاتعيش لمين بعد كدا
هاتعيش لنفسك

ازاى تعيش
ازاى تعيش
وامك هناك
واختك هناك
ايوه هناك
بيشربوا كاس الضنا
وانت هنا
نايم هنا
بتلعب هنا

فاتت سنه بعد سنه
ومستنياك امك
بعيد عنك ولكن
انت ساكن فى قلبها

لا مستحيل
ازاى اكون خاين عميل
ولا قليل
القوه وانا اللى طول عمرى قوى

لا مستحيل بعد النهارده
نعيش هنا متهنيين
عايشين فى وهم
وانتم هناك
متعذبين
متشردين
مستنيين الشهم
لما يحن ويفتكر
ان ليه اخوات
مجروحين متألمين
من اليهود والأمريكان الملعونين

لا مستحيل
ولازم أقلبها حريق
طول ماالحق محبوس
ولكنه قوى
والغدر مع انه غبى
حر طليق

ايه يااعم الحلاوه دى انت انحرفت وانضميت لينا ولا ايه؟

ههههههههههههههههه يلا هو اخواكم انضم ليكم
منوررررررررررررررررررررررررررررررررناااااااااااااااااااا
كلامك جميل والله مشكور
اختك.......ساندى

اية ياد الحلاوة دى

نعم

تسلم ايديك

ووريهم الشغل ازاى

متجمعين فى زنزانه واحده ان شاء الله هههههههه حلوة اوى يا ماد بوى تسلم ايدك

جااااااااااااااااااااامد ياصاحبى

بجد جامد والله

وربنا يستر بقا علينا شكلنا كده هنروح فى داهيه

شكلنا كده ان شاء الله اكيد عارفين اوع وشك اى بلاش الضرب على ...... هههههه بس كلامك جامد مشكور عليه

» معقول اتوب
» لو عايز تبقى لمض
» بعد ان ذهب الحب .......ماذا تبقى ؟؟؟؟؟؟؟
» ازاى تبقى رومانسى
» ياترى ممكن تبقى راجل ساعتها وضميرك صاحى؟؟, يابخت من وفق راس