رقابه قضيه راى عام

كنا بنتفرج انا وبنت خالى على قضيه راى عام فسالتنى انا مش عارفه ازاى الرقابه وافقت على عرض المسلسل رديت رد كان غريب على مسامعها جدا :

قلتلها ممكن جدا انها شافت فكرته فى المصلحه وليس ضد

قلتلها انا وانتى وغيرنا واخدين الفكره من وجهه نظران الدوله مليانه فساد وبلاوى واحا عايشين فى مجتمع ظالم وحاميها حراميها .................. الخ

لكن غيرنا كتير وكتير ممكن ياخد رساله المسلسل بشكل مختلف تماما الا وهى
" ادى اخره اللى يقف قدام الوزير "

يعنى عبره لمن لا يعتبر

هتدافع عن حقك يبقى تستاهل اللى يجرالك

تيجى الناس تفكر تدافع عن حققها تخاف وتقول لى رب اسمه الكريم وتنسى حقوقها وتعيش فى بؤره الظلم والاستعباد

ربنا قال متسبش حقك والساكت عن الحق شيطان اخرس

ولا انتوا رايكم ايه ؟؟؟؟؟؟؟؟

ساعات والله كتير بقول لو بعد الشر كنت مكانها كنت هصمد للنهايه ؟؟ كنت هعمل ايه انا بكره الظلم جدا جا بس اللى حصلها مش شويه

عند النقطه دى يعجز عقلى عن التفكيير

واقول حسبنا الله ونعم الوكيل

اختكم

فجر

كلامك جميل جدا

بس ماهو لو المسلسل هاينتهى على كدا يبقى دى فعلا المشكلة

انما انا بيتهيقلى انه هاتظهر الحقيقة فى الاخر والا تبقى كارثة

محمد

بصى يا قمر

اولا دة مسلسل فعلا وفعلا فى النهاية يسرا هاتنجح وهاتاخد براءة

لكن الموضوع بقى بجد ان لو اى واحدة مكانها ميهياليش انها هاتصمد للنهاية ميتهياليش وعلى فكرة كمان

لو فى حد وزير الموضوع هايتكروت من الاول لكن اللى بيحصل فى المسلسل دة اهوة كلام وخلاص لكن او بجد ميتهياليش ان الموضوع هايتعرض حتى على النيابة

بس خلاص

انا بجد بجد سعيد جدااا عشان الموضع ده وبيسعدنى ان ارد عليه

جميل جدا اننا نشغل دماغنا دايما واما نشوف حاجه نحللها ونشارك بعض فيها دى من وجهه نظرى الشخصيه الصوره القويمه للسياسه

النقطه اللى احنا مش واخدين بالنا منها ان القضيه المرفوعه على ابن شكرى جلال الوزير بالمسلسل بيحاولوا انهم يبينوها انها محاكمه عادله بس للاسف المتابع للمسلسل من اول عندما كان الوزير يلتقى مع امين الحزب ويخرج من عنده هتعرفوا على طول ان فيه مشلكه بين الوزير والامين العام للحزب الامر اللى بيخلى الوزير فى جبههه لوحده فى المسلسل

انما لو مكنش فيه خلاف بين الامين والوزير كانت القضيه اتطبخت ولا يسرا ولا الف واحده زى يسرا تقدر تعمل حاجه

ماتنسوش اننا بنعيش فى ظل قانون الطوارئ
وكل سنه وانتوا طيبين

فعلا والله

للاسف الجزء الوحش هو اللى بيحصل

والجزء الكويس الله اعلم

احنا بنعيش فى زمن ربنا يعلم بينا فيهع

بس برده لازم يا جماعه منسكتش عن حقنا مش فى المسلسلات بس لا فى الواقع كمان

على اد ما نقدر

اختكم

فجر

اكيد طبعا لازم محدش يسكت عن اى حق ليه

واللى يسكت عن حقه ميستحقش انه يكون انسان اساسا

ايه الحلاوة دى يا عم حسن انت باين عليك مثقف ومتابع

بس طبعا فوجى الاول انها خدت بالها من الموضوع من اول

انا نفسى اشوف المسلسل والله

هنزله واشوفه

موضوع هايل يا فجر وكلام حسن كله تمام

وفعلا الساكت عن الحق شيطان اخرس

بس للاسف معظم الناس بتسكت عن الحق

ربنا يهدى الجميع

تسلم ايدك على الموضوع

» قضيه ترك الاعضاء وهجرهم للمنتدى