خلي بالك من نفسك

زائر

الموضوع كبيروطويل 00 اقروه للاخر يعني سهرتكم هنا 0محدش هيضيع وقته بلاش اكيد هيعجبكم انا نقلته ليكم متأكد انكم كسبانين 0 تعالوا نشوف اللي حصل لمحمد0 حظي انه علي اسمي0هوا اللي يبحكي وبيقول
قمت من النوم فجأة
في عيني نور غريب وقوي جدا
أستغربت النور ده كله جي منين
واندهشت لما لقيت الساعه بتشاور على 3 صباحا
وأن مصباح الغرفة مطفى

طيب النور ده كله جي منين
وانفزعت لما لقيت نص ايدي جو الحيطه
شديتها بسرعه
خرجت
وانا ببصلها بكل اندهاش
رجعتها تانى لقيتها دخلت جوه الحيطه
استغربت ايه اللى بيحصلي ده
وسمعت صوت ضحك
بصيت نحيته
لقيت اخويا نايم جمبي
ولقيته بيحلم
بيحلم انه راكب عربيه اخر موديل
لناس اغنيه قوي
وانه لابس اغلى واشيك لبس
وكان بيضحك
وفرحان
ابتسمت(بس انا عرفت هو بيحلم بأيه ازاى!!!!!)
بعدين اتفزعت من اللى بيحصل
وقمت من على السرير
وجريت على اودة امي وابي
قعدت اصحى فى امي واطبطب عليها
وانديها بس هى مش بتستجيب
قعدت انديها كتير واطبطب كتير
ولقيتها فجأه قامت
كانت مخضوضه قوي
وبتبص يمين وشمال
لقيتها مش بترد
ولا بتبصلي
قعدت انادى
ماما
ماما
كانت حاطة ايدها على قلبها
وبتقول بسم الله الرحمن الرحيم
لقيتها بتطبطب على بابا وبتصحيه
ولما قام
قالت له قوم نطمن على الاولاد
قالها ده وقته
قالتله معلش قلبي مش مطمن
في حاجه غريبه
وانا واقف مستغرب
قعدت اقولها يا ماما
انا اهو يا ماما
انت مش شيفانى
ياماما
قامت ومشيت
حاولت امسك هدومها لكن الهدوم مش بتتمسك
جريت وقفت قدمها
عدت من جوايا
ملقتش غير انى امشي وراها
وبابا كان وريا
محاولتش ابصله
عشان ما يتجاهلنيش برده
ودخلت امى الاوده وفتحت النور
مكنش عندى
انفزعت لما لقيتنى نايم على السرير
وقعدت ابص لجسمى وايدى وانا مستغرب
انا ازاي بقيت اتنين
انا مين
ومين اللى نايم على السرير ده ان مكنش انا
جملة بابا "استريحتى يا ستى اهم نايمين اهو "
انا عاوزه أطمن على محمد
ولقيتهى بتقرب مني
قصدى من الشخص اللى نايم مكانى
وبتطبطب عليه
كانت بتقوله يامحمد
لكن هو مش بيرد
وكانت بتطبط بشويش
وبدأت تهزه جامد
جريت عليها
وقلتلها يا ماما انا اهو
رودي عليا
لكن صوتها كان بيزيد خوف وكان بيعلى
كانت بتنادي
محمد
محمد
وفجأة صرخت ولقيت الصرخة بتوجعنى قوي
كانها بتضربنى
بكيت
وقلتلها ما تصرخيش
وهى بتقول محمد
وبابا جري علي وحط ايده على وشى وصرخ وبكى
وحسيت بالوجع تانى
محمد مش بيرد
والبكاء بيزيد وانا مش عارف اعمل ايه
صحي اخويا على الصوت وهو بيسال في ايه
ماما صرخت
اخوك مات يا
احمد
مات
وانا بقولها ببكائي لأ والله
ياماما
انا أهوه شوفيني شوفينى
انت مش سمعاني
لكن ما فيش امل
بصيت للسما وقلت يارب ايه اللى بيحصل ده
لكن ما لقتش سقف
ولما شوفتهم
مشيوا
وحسيت بطعنه غريبه
وحجات بتقطعنى بصيت لأحمد لقيته بيصرخ
قلتله اسكت انت بتعذبني
لكنه كان بيزيد فى الصراخ
وماما بتبكي فى حضن بابا
والنحيب بيزيد
وقفت قدمهم عاجز
ومزهول
رفعت راسي تانى
وقلت يارب
ايه اللى بيحصل يارب
فى ايه
وسمعت صوت من كل حته
كان جي من بعيد
ركزت معاه
لقيته بيعلا
وبيزيد
كأنه قرآن
أيوا قرآن
والصوت بدأ يقوى
يقوى قوي
هزنى من شدته
كان بيقول
لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ
>غِطَاءكَ
فَبَصَرُكَ الْيَوْمَ حَدِيدٌ
وفى زهول الصوت
لقيت ايدين بتطبق عليا
اتنين شكلهم مش من البشر
بيقوليلى تعالى
قلتهم انتم مين
وعاوزين منى
ايه
شدونى
صرخت
سيبونى
ما تخدونيش من اهلى
اهلى فكرنى مت
قالولى ما انت مت فعلا
قلتلهم ازاي

ابتسموا وقالوا
عجيب امركم يا بشر كلكم فاكرين ان الموت نهايه الحياة
وما تعرفوش ان حياتكم موت
وحلم طويل هتصحو منه على اليوم ده
على العالم ده
قالولي احنا حراسك لحد القبر
اتفزعت
قبر ايه
انتوا هتدخلونى القبر
ردو
كل انسان لازم يدخل القبر
بس انا عمرى ما دخلت القبر
ده مكتوب على كل البشر
طول عمرى كنت بكره الكلمه دي
مبحبش اسمعها بستعيذ بالله منها بحاول انسها
مكنتش بقدر اتخيل نفسي فى المكان الصعب
ده
سألتهم بخوفي
هتسيبونى
قالولي مع عملك
طيب وعملى ده كويس
سكتم
ولقيت واحد بيصرخ وبيبكي وواحد تانى سعيد قوي
وكل واحد فيهم واقف معاه اتنين بردة زى اللى معايا
سألتهم ده بيبكى ليه
قالوا
ده عارف مصيره
طول عمرة كان من اهل الضلال
قلت
يعنى
رايح النار
واللي بيضحك ده رايح الجنه
طيب انا
رايح على فين
قولولي
ردوا عليا
هما كانو عارفين هما ايه فى الدنيا
ودلوقتى عارفين هما فين فى الاخره
وانت عشت طول عمرك
تايه
متردد
شويه تمشي صح وشويه تمشي غلط
شويه تتوب وترجع تعصي تاني
ما كنتش واضح
هتفضل بردة انهاردة تايه مش عارف حاجه
اتفزعت وقلت
ايه
يعنى ايه
انا رايح النار
قالولى رحمة ربنا واسعه
ولسة الرحلة طويلة
بصيت وريا لقيت عمي
وابويا واخويا
ماشين وراهم امي واهلي
بيبكوا
شايلين صندوق
جريت عليهم
ناديت
محدش بيرد
ناديت على امى
قلتلها يا امى ما تبكيش
ادعيلى

ناديت على بابا
قلته يا بابا
خلى بالك من امى واخويا
ناديت على احمد
قلتله يا احمد خلى بالك من نفسك سيبك من الدنيا ومتاعها
دي رخيصة قوي
صدقنى مش هتنفعك
ناديتهم كلهم
بس كانو مشغولين بالبكاء
ومحدش سامعنى
مكنتش بتمنى حاجه فى اللحظة دي
الا انهم يسمعونى
وشدنى
الملكين ونزلونى القبر
ونيمونى فوق الجسد
عشان اشوف ابويا وهو بيرمى التراب عليا بنفسه
علشان اشوفهم وهما بيودعونى
وخوفى عليهم
انهم مش حاسين باللى انا حاسه
وحسدى ليهم انهم لسة فى الدنيا
بس للأسف
كنت ببكى وهما بيبكوا
كنت خايف عليهم من الدنيا قوى
واتمنى لو اصرخ ولو يسمعونى
وخرجم كلهم
وقفلوا الباب
والنور تحول سواد
((اعمل للدنيا بقدر بقائك فيها
واعمل للآخرة بقدر بقائك فيها
واعمل لله بقدر حاجتك اليه
واعمل من المعاصي بقدر ما تطيق من العقوبة
يارب يكون عجبكم 00 محمد العادلي

أنا بجد مش عارفة أقولك أية قصة روعة روعة بجد تسلم أيدك علي الكلام الجميل دة وجزاك الله كل خير .. اللهم أهدي المسلمين جميعا .

((اعمل للدنيا بقدر بقائك فيها
واعمل للآخرة بقدر بقائك فيها
واعمل لله بقدر حاجتك اليه
واعمل من المعاصي بقدر ما تطيق من العقوبة... ربنا ياقبل منك ويجعلة في ميزان حسناتك..أميييين

مشكوووووووووور يامستر على موضوعك المفيد ده

موضوع هايل اوى وانا فعلا قرتها قبل كدا ربنا يكرمك

موضوع جامد جداا

وربنا يهدينا يارب

شكرا محمد

تقبل مرورى

زائر

معلش هوا موضوع طويل00 بس لما شوفته عجبني اوي فيه عظات خياليه مشكوره بسبوسه واوزو وهند ودميط الاهلي علي مروركم اسأل الله لكم العفو والعافيه محمد العادلي

تسلم يا محمد مشكور على الموضع الجميل ده

انا دمعت بجد قصه مؤثره جداا والله مافيه كلام اقدر اوصف بيه مدى اعجابى الكلام والحكايه كلها ربنا يرحمنا جميعا يارب ويدخلنا الجنه اللهم ا مين خلي بالك من نفسك Url%5D

انا دمعت بجد قصه مؤثره جداا والله مافيه كلام اقدر اوصف بيه مدى اعجابى الكلام والحكايه كلها ربنا يرحمنا جميعا يارب ويدخلنا الجنه اللهم ا مين خلي بالك من نفسك Url%5D

زائر

مشكور جو علي مرورك سعدت بك وياكنزي اقولك اني والله عيطت كتير وانا بنقل الموضوع ده عشت معاه بوجداني مشكووووووووووووره علي المرور

قصه مؤثرة كدا مشكور يا مستر محمد على النقل والافاده وربنا يهدينا جميعا ويحسن ختمتنا

مش عارفه اقول ايه مش قادره اصلا انطق حاسه انى اتخدت للعالم دا بجد خفت بجد اوى جسمى ارتجف وعينى دمعت مش حاسه انى عايزه اقوله اى حاجه غير يااارب ارحمنى من عذاب القبر

لا اله الا انت سبحانك انى كنت من الظالمين فاغفر لى فانه لا يغفر الذنوب الا انت

جزاك الله كل خير

زائر

[بنبونايه متشكر مرورك جدا

ونانسي شرفتي السهره ههههه

معلش طويله بس مؤثره

ودودو مشاعرك رقيقه

ويارب يرحمنا من عذاب القبر

شرفني مرورك يااغلي الاصدقاء

تسلم ايدك يا محمد وهو موضوعك فوق الرائع شــــــــــــــــــــــــكرا ليك

الحب يـــــــويــــــــو

:sh47:

محدش بينجرح اوى الا لم يحب اوى

قمه الحب ان تحب من جرحك

قمه الوفاء ان تنسى جرح من تحب

جزاك الله كل خير

زائر

شكرا مرورك يابوبو ودخولك اسعدني

وبشكرك ياضي

انا عارف ان الوضوع طويل بس كله بثوابه

مشكووور على الموضوع الهايل ده

هايل يا محمد بجد وعلى فكرة انا عارف مين محمد اللي فى القصة وقرأتها من كشكوله هوا شخصيا اللي كتبها فيه وربنا يارب يوفقه ويوفقنا جميعا

وعلى فكرة يا جماعة الكلام دا كبير اوي

مشكور يا مستر كمان مرة

تقبل مروري

ميمو

موضوع جامد

جدااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

تسلم ايدك يا مستر

ايه الجمال ده

زائر

سبايكي بلال

مشكور يااخي علي مرورك نورت الموضوع

ميمو

كويس ياميمو انك تعرفه اكيد اتاثرت كتير بموضوعه شكرا لك مرورك

ضي القمر

نورتي الموضوع ياغاليه شكرا ليكي

» خد بالك ...
» اول حد بيجى فى بالك
» خللى بالك من كلامك
» قصيده صغيره خلى بالك
» اسئله عمرها ماخطرت فى بالك