ب تدور على سبب عشان تصحصح & تنشط يعني ؟
إنا عندي ليك 4 أسباب وجيهة جدآ , شفهم كده :
السرطان
إمراض القلب
السكتة الدماغية
مرض البول السكري
انك تكون بدنيا نشيط ل 30 دقيقة في اليوم , 5 أيام في الأسبوع آو اكتر ..
دة ممكن يساعدك انك يكون شكلك أحسن بدنيا , و كمان تشعر ب تحسن ..
لآ و كمان دة ب يقلل من مخاطر التعرض للأمراض اللي فوق دي .. المشي , قيادة الدرجات .. نط الحبل , حتى إعمال البيت دي كلها حاجات ب تخليك بدنيا نشيط ..
كل إما تبقي نشيط اكتر كل إما الفوائد اللي ب تكسبها ب تزيد ..
المهم انك تبدأ تبقي نشيط , و كمان القطر لسة ما فاتش آنت ممكن تبدأ على طول ..
و مين عنده وقت يعمل الحاجات دي ؟
طبعا السؤال دة هو دلوقتي اللي موجود في دماغك ..
استني , دة تقريبا مستحيل تلاقي 30 دقيقة تلعب فيهم رياضة او تجري فيهم آو تعمل حاجة من الحاجات اللي ب تخليك نشيط .. استني كده , دة مستحيل فعلا ..
أهم الإنباء : آنت مش لازم تلعب أل 30 دقيقة رياضة مرة واحدة ..
ممكن تبقي نشيط ل مدة 10 دقايق ل 3 مرات و دة العرض الأول ..
و ممكن تبقي نشيط ل مدة 15 دقيقة ل مرتين ( 2 يعني )
و دة العرض التاني ( كووول طبعا !! )
أقولك , آنت تصحى أصبح بدري تاخد 10 دقايق قبل ما حد يصحى ..
و كمان تاخد 10 دقايق مشي بعد الغداء ..
و المفاجئة بقي , 10 دقايق بعد العشاء ..
و ب كده تبقي أنجزت الإنجاز و أعجزت البوتاجاز ..
في بقي حل تاني سحري يخليك تقلل الوقت اللي آنت محتاج تبقي نشيط
فيه , الحل دة هو ..
بعد الفاصل الإعلاني
خلاص إحنا شفقة ب المشاهد ح نقول الحل قبل الفاصل
* استخدم السلالم بدل المصعد
* لو تقدر , ممكن تمشي آو تقود الدراجة ل مكان شغلك آو بيتك
* خد 10 دقايق عشان تشد فيهم جسمك ( تمارين مد عادية )
* خد لك تمشية سريعة كلما امكن
* ابقي نشيط في الإجازة ما تفضلش ممدد طول اليوم
* ممكن تنضم لنادي رياضي , الاسعار رمزية و الاندية موجودة
و طبعا أهم حاجة بقي في الموضوع دة انك تقوم و تبدأ ..
حقوق النشر والتوزيع محفوظه
للحاج دمياطى اهلاوى
انتظروا باقى الحلقات العوافى
موضوع: تفكير جديد .... صحصح " سلسله متجدده " 
الإثنين أكتوبر 22, 2007 2:21 pm
راااااااااااااااائع
